Skip to Content

3º e 4º Primaria

ACTIVIDADES 4º

Ola a todos!!

Creamos este taboleiro con todas as actividades lúdicas e didácticas que levamos preparadas. Iremos actualizando con novos contidos, pero así poderedes acceder sempre que queirades. (Os cadernos non fai falta que os imprimades, son as mesmas fichas interactivas que estades a facer en liveworksheets, pero en pdf).

 

Actividades 4º

Ola a todos e a todas!

Despois destas "vacacións-non vacacións", voltamos cunha nova proposta de traballo. Co usuario e contrasinal que vos facilitamos individualmente poderedes acceder á plataforma liveworksheets para realizar virtualmente os caderniños que as profes vos imos preparando.

Facédeo con calma e sen agobios, como sempre vos dicimos, o que se trata é de aprender, de mellorar... :)

Tamén segue activo o ScapeRoom cos retos e subretos para que vos divirtades aprendendo. 

E as propostas da primeira semana con moitos experimentos e manualidades que podedes facer tamén en familia.

No blog de Libruxa tamén hai unha proposta de actividades moi interesantes... e as que se están cociñando... Estade atentos!

E por último, Mónica, a nosa auxiliar, no blog de plástica, tamén está preparando actividades para que fagades con ela :)

Unha aperta moi grande e non esquecedes que estades demostrandonos que sodes uns AUTÉNTICOS CAMPEÓNS! Estamos moi orgullosas de vós.

Cada día que pasa é un día menos para volver a vernos!

Actividades de 3º

Estimadas familias:

Despois de que a Consellería de Educación suspenderá a actividade escolar por motivo da crise que está a provocar o COVID-19, e publicara instrucións sobre as actividades xenéricas relacionadas cos contidos curriculares que o alumnado poderá realizar no seu domicilio durante estes días de confinamento, os titores de 3º nivel de E.P. do C.E.I.P. Plurilingüe Vista Alegre  recomendan:

MATEMÁTICAS

-Resolver problemas empregando sumas e restas con números decimais a partir dos prezos de productos que compramos nos supermercados.

-Inventar problemas sinxelos onde teñamos que facer multiplicacións e divisións por unha cifra ou a unidade seguida de ceros.

-Medir partes da casa ou obxectos, empregando metro ou centímetro segundo o seu tamaño. Pasar esas medidas de metros a centímetros e viceversa.

-Observar e comparar distintos productos que temos na casa segundo a súa capacidade (1,5 l, 1l, un cuarto de litro e 1kg, 100g, 500g …), facendo as operacións de pasar de l a cl e viceversa, de kg a g e viceversa.

-Elaborar unha táboa de multiplicar dos primeiros 10 números.

-Plantexar e resolver problemas calculando dobles e metades.

-Repasar e reforzar as unidades  xa traballadas.

-Buscar no xornal, na sección de pasatempos, xogos sinxelos con números e resolvelos. Xogar en familia ( tres en raia, parchís…).

LINGUA E LENGUA

-Lectura comprensiva de textos , contos motivadores e adecuados a súa idade. Facer ficha con: título, autor, editorial, opinión…

-Sobre as lecturas anteriores facer resumen. Así mesmo pódese facer lectura en familia e logo facer preguntas sobre as partes do texto (presentación, nudo, desenlace), personaxes, situacións, si hai diálogos, monólogos…

-Ler fábulas e identificar as súas características.

-Repasar e reforzar as unidades xa traballadas.

-Facer pequenos esquemas do estudiado.

-Buscar noticias sobre a contaminación nos mares e océanos.

-Nun texto buscar nomes, adxectivos , determinantes artigos (determinados e indeterminados),determinantes demostrativos, determinantes posesivos e determinantes numerais ( cardinais e ordinais). Facer unha táboa e clasificalos.

-Elaborar un cartel anunciando un evento cultural en Burela, e outro onde se escirba unha mensaxe coa importancia e a necesidade de coidar o nosos planeta.

-Escribir unha carta a un amigo contandolle a experiencia destes días na casa.

CIENCIAS SOCIAS

-Realizar un traballo de investigación sobre as causas do quentamento global do planeta e do cambio climático.

-Repasar e reforzar as unidades  xa traballadas.

 

CIENCIAS DA NATUREZA

-Investigar sobre 10 animais en perigo de extinción, facer fichas indicando as súas características e causas do seu perigo de extinción.-Repasar e reforzar as unidades traballadas.

Algúns enlaces para as actividades de ciencias socias e ciencias da natureza:

 

https://www.youtube.com/watch?v=00XGd-s0poo

https://www.edu.xunta.es/espazoAbalar/es/espazo/repositorio/cont/o-sabor-da-aventura-esta-no-mar-ud-2o-ciclo

https://happylearning.tv/el-cambio-climatico/

 

 

ACTIVIDADES 4º

Queridos nenos e nenas de 4º:

Estivemos e estamos preparando actividades das distintas áreas para que podades ir facendo estes días. Son moitas actividades e moi diversas: manualidades, experimentos, fichas, traballos de investigación, pasatempos... Non tedes que facelas todas. Tedes que ir elixindo, organizadamente, podedes seguir por exemplo o horario da clase  ou centrarvos cada día nunha asignatura... O importante é aprender e disfrutar aprendendo, sexa experimentando, creando, investigando ou repasando.

Tamén nos gustaría invitarvos a xogar en familia, calquera xogo de mesa vos servirá para pasar un agradable tempo en familia. Non vos esquezades de mover o corpo a ritmo dalgunha coreografía como a de Entroido. 

E por suposto, lede, lede moito. Aproveitade os libros para voar alto, recordade que para viaxar lonxe, non hai mellor nave que un libro.

Estade atentos, que subiremos máis actividades proximamente.

Unha aperta enorme.

As profes Sara e Tamara.

 

Distribuir contido


by Dr. Radut