O alumnado de 5º e 6º de Primaria, convertidos/as en xornalistas, prepararon durante a Semana da Prensa tres programas moi especiais nos que entrevistaron a outros/as compañeiro/as para conversar sobre as festividades e conmemoracións celebradas, as charlas que recibiron e as saídas nas que participaron no que levan de curso.
Aquí podedes visualizar os vídeos. Encendede a tele, conectade coa nosa canle TeleVistalegrín e gozade dos nosos tres programas: TroulaVistalegrín!, Que Vistalegrín anda por aí? e Vistalegríns polo mundo!
Este pasado 14 de febreiro, día de San Valentín, cada alumno/a de 5ºA realizou unha fermosa postal de "Amor.. de Amigo" para un dos seus amigos/as. Posteriormente cada neno/a dedicoulle ao seu amigo/a unhas fermosas palabras nas que lle comentaba ao seu amigo/a, porque o quería tanto, as cualidades que máis lle gustaban deste/a ou incluso algún detalle bonito que lles ocorrera a ambos desde que se coñecen.
Aquí podedes ver tódolos vídeos destas fermosas dedicatorias. Esperemos que vos gusten!
No seguinte vídeo podedes ver un pequeno resumo do que foi a nosa excursión a A Coruña do día 9 de febreiro. Como podedes ver aproveitamos moi ben o día visitando pola mañá o Aquarium Finisterrae e a Domus, e pola tarde a Casa das Ciencias, na que ademais accedimos ao Planetario e disfrutamos do visionado dunha impresionante película da desaparición dos dinosaurios.
O día 3 de decembro celébrase o Día Mundial da Discapacidade! Para conmemorar este día este venres os grupos de 5° nas sesións de Educación Física estivemos a realizar unha sesión na que intentamos poñernos no lugar de persoas con algunha discapacidade física ou sensorial.
Para ir ata a clase a metade de nós fomos polas escaleiras cos ollos tapados e os demais ían de acompañantes dándonos indicacións de por onde avanzar.
Xa no pavillón puidemos probar a dificultade de movernos, saltar ou lanzar unha pelota cos ollos tapados coma se estivésemos cegos. E tamén saltar cos brazos atados, como se tivésemos unha minusvalía pola falta dun membro superior!
Con esta sesión concienciarnos das dificuldades das persoas que teñen algunha discapacidade xa sexa física ou sensorial!