Skip to Content

Blogue de 5º e 6º Primaria

24 de febreiro: conmemoración do "Día de Rosalía".

   O alumnado de 6º curso, durante a semana do 20 ao 24 de febreiro e dentro da conmemoración do "Día de Rosalía" fará unha actividade (WebQuest) a maiores daquelas xa previstas a nivel de centro. Trátase dunha presentación dixital empregando ferramentas TICS sobre a obra inédita da poetisa, que recentemente (2014) nos deu a coñecer a RAG, e que derivará tamén en dous murais que se exporán nas instalacións comúns do noso centro. Nun amosaranse os poemas descubertos e noutro  recolleranse algunhas das mostras das repercusións que reflectiron os medios de comunicación e o mundo da cultura, en xeral.

Save

A nosa aventura belga

Como sabedes os nenos e as nenas de 6º despediron o seu paso polo colexio cunha fantástica aventura en Bélxica. Alí, os nosos socios europeos recibíronnos cos brazos abertos e fixeron da nosa semana un tempo inolvidable. Vimos coa maleta chea de recordos e momentos que nos acompañarán sempre. 

Aquí podedes ver un resumo corto da viaxe:

E aquí un vídeo un pouco máis longo:

Aos nosos amigos belgas, ás súas familias e aos profesores do GBS de Bosmier, GRAZAS. Grazas polo voso esforzo e dedicación.

E aos nosos nenos e nenas de 6º desexarlles moita sorte nesta nova etapa que comezan!

Sétimo día

Estimadas familias, 

Hoxe foi o noso último día en Balen. Pola mañá despois de almorzar, fumos andando ata a área recreativa onde nos dividimos en dous grupos. Un grupo quedouse disfrutando do parque, mentres que o outro foi dar un paseo en bici polo pobo, un paseo duns 8 kilómetros. Despois, cambiamos. Polo camiño tivemos algún pequeno accidente, pero estivo ben. O camiño non tiña pendentes pero nós non estamos habituados a usar a bici como o fan aquí e agora dóenos un pouco o cú.

Despois fumos ao colexio belga e alí íamos facer uns xogos pero como facía mal tempo estivemos vendo unha película. Despois, Greet tíñanos preparada unha sorpresa: unha tarta deliciosa co deseño do logo do proxecto e os agasallos por participar o outro día nos xogos cooperativos.

A continuación recolléronnos as familias e marchamos con eles a pasar a tarde e a ver o partido de España.

Agora toca facer as maletas :(

Un besiño para todos.

Sexto día

Queridas familias, 

Hoxe domingo 26, pola mañá fomos a un safari park moi emocionante que estaba situado en Holanda e chamábase "Safari Park Beekse Bergen". Ao chegar, collimos un bus con un guía que ademais de conducir nos amosou toda a zona. Vimos buhos, guepardos, cas salvaxes africanos, leóns, distintos tipos de cervos, elefantes, xirafas, cebras, avestruces, búfalos, chimpancés, monos, flamencos, patos, lemures, vacas raras... e algúns outros. Tamén visitamos a tenda de recordos e esperamos a que escampara porque nos caeu un bo chaparrón.

Pola tarde collimos o bus para ir ao Aquapark "Speelland Beekse Bergen". Cando chegamos, comimos unha hamburguesa e unha bebida, e despois fúmonos cambiar para poder bañarnos.Había tobogáns, pedaletas e tamén colchonetas.

Ás cinco saímos para o albergue. No bus pasámolo moi ben ensinando español, aprendendo flamenco, e cantando cos nosos amigos belgas.

Ao chegar ao albergue acuriosamos un pouco a habitación e despois cenamos.

Agora estamos xogando a distintos xogos antes de irnos a durmir.

Estámolo pasando ben.

Un abrazo para todos.

Distribuir contido


by Dr. Radut