Ola de novo, como todas as semanas, deixámosvos aquí novas propostas para que vaiades facendo ao longo desta semana. A través do noso correo vemos que seguides facendo as actividades que vos propoñemos, ainda que nesta situación non é algo fácil, e polas fotos que mandades o resultado merece a pena. Recordámosvos enviar fotos daqueles traballiños que vos pedimos para así poder facer a montaxe e poidades ver o que están a facer tamén os vos@s compis: acróstico de Rosalía e o mar, a actividade "a nosa mirada", os cadros de Paul Klee, e algunha simetría creativa que fixérades. Estaremos encantadas de recibilas e seguro que vos vai a gustar despois velas.
- A primeira proposta que vos facemos é sobre poesía: Lectura dalgúns poemas de Gloria Fuertes, que seguro vos soan, pero non só podedes ler, tamén podemos xogar con eles: recitalos en voz alta cambiando a voz, cambiar a rima buscando outras palabras que rimen e así construír un poema novo, mesturar versos de diferentes poemas e crear un poema totalmente diferente, ilustrar os poemas....Hai moitas posibilidades, a ver qué se vos ocorre!!!!
Gloria Fuertes tamén ten vairos poemas para debuxar. Na última folla atópanse algúns así que collede lapis e papel, pedídelle a alguén que vos lea o poema, e a debuxar!!! a ver que sae. Podedes xogar varios membros da familia e descubriredes cantos debuxos diferentes poden saír dun mesmo poema.
- A segunda proposta desta semana trátase de recordar algúns contidos de lingua e mates xogando con spinners (poden ser peonzas...). Non tedes que imprimir os modelos que vos aparecen no documento, pódese xogar perfectamente cun folio ou libreta.
Neste xogo tedes que poñer a proba a vosa rapidez mental e coñecemento de vocabulario, xa que teredes que escribir o maior número de palabras/números que vos indica na instrucción mentres o spinner estea xirando: 1, 2, 3, mans arriba!!! cando o spinner pare de dar voltas.
Ao final do documento, aparécevos unha plantilla en branco para que vós mesmos inventedes as instruccións para xogar: palabras de 4 sílabas, palabras que empecen e rematen pola mesma letra, palabras sinónimas, antónimas, polisémicas, números que teñan o 5 na decena, sumas que teñan como resultado o número 432...Hai infinitas posibilidades.
Incluso podedes xogar con algún membro da familia a ver quen escribe o maior número de palabras/números.
Esperamos que vos resulten divertidas e pasedes bos momentos en familia.
APUNTAMENTO: Este mes é o mes da arte (15 de abril) e o Día do Libro (23 de abril) que sempre celebramos no cole, polo que @s profes preparamos dúas actividades moi entretidas para facer na casa que seguro vos gustarán. Están xa colgadas na páxina principal do cole, despois da entrada dos diferentes blogs, e tamén no blog de Libruxa: https://bibliotecaceipvistaalegre-burela.blogspot.com/
Animádevos a participar nelas porque seguro que vades aprender moito sobre arte e sobre literatura, e sobre todo vos vades a divertir.