2º de Primaria

  Ola de novo peques, xa vamos pola 7ª semana de traballiño. Espero que sigades todos ben e con ánimo, agora que xa podemos saír un pouquiño á rúa. 

  Esta semana imos a aprender xuntos en familia experimentando e divertíndonos xa que para realizar esta actividade necesitamos a supervisión dun adulto. A proposta é un pouquiño diferente, e debedes de facela tod@s. Imos experimentar, facer hipótesis, anotar observacións e finalmente, chegar a unha conclusión. 

       Temos que responder á seguinte pregunta: 

Como se pode obter o sal que usamos para cociñar?

   Para iso imos facer un pequeno experimento: 

- Podemos ir á praia e recoller nunha botella auga salgada. Aqueles que non teñen a oportunidade de ir á praia, moi sinxelo, collen auga doce e bótanlle un pouco de sal mariña. 

-  Vaciamos a auga salgada nun ou varios recipientes fondos e deixámolo nun lugar onde lle dea ben o sol. Noutro recipiente colocamos auga doce. 

 - Ao longo dos días/semanas iremos observando que sucede cos dous tipos de auga. No caderno de observación que vos deixamos a continuación teredes que ir anotando todo o proceso deste experimento. 

 - Unha vez rematado e completado o caderno de observación, debedes de gravar un vídeo cortiño onde expliquedes coas vosas palabras o proceso deste experimento: que fixéstedes primeiro, que observástedes ao longo dos días, ao final que pasou e cales foron as vosas conclusións. 

  O vídeo tédelo que mandar ao noso correo que vos recordamos: 2curso.alegre.vista@gmail.com

   CADERNO DE OBSERVACIÓN para descargar:   

    Tamén vos deixamos neste symbaloo, algúns vídeos con información que seguro vos resultará moi útil para obter datos importantes:

  Resumimos a actividade: 

- Unha parte práctica de experimentación e investigación: facer o experimento coa auga salgada.

- Unha parte escrita: tempo de observación: Como pequenos científicos tedes que ir completando o caderno de observación cada dous ou tres días para rexistrar as vosas observacións e experiencias

- Unha parte de expresión oral: tempo de reflexión: gravar un vídeo explicando o experimento e as conclusións ás que se chegan.

   Para aquel@s nen@s aos que vos chegan as copias impresas á casa, podedes ir escribindo a evolución do experimento nunha libreta e cando vos cheguen as copias do caderno de observación xa o ides pasando a limpio para que quede máis clara a presentación, xa que a entrega de copias a domicilio se fai cada 15 días e non vos chegaría esta semana. 

     Tamén podedes sacar algunha foto do experimento para enviarnola por mail ou para incluíla no caderno de observación.  

                        LETRAS GALEGAS 2020

- Dende o cole propoñemos a actividade que está colgada na páxina principal da nosa páxina web. Animádevos a participar continuando o vídeo que empezado pol@s profes: 

-  dende o blog de Libruxa podedes atopar diferentes actividades e lecturas en galego por si queredes botarlles un vistazo. 

   Aquí vos deixamos dous enlaces:

- actividades online do seminario galán para 1º e 2º de E. P. 

  http://seminariogalan.org/inicio/ver/464

  http://seminariogalan.org/inicio/ver/466

  http://seminariogalan.org/inicio/ver/463 

- lecturas e contacontos en galego online ou para descargar:

 http://bibliotecaceipvistaalegre-burela.blogspot.com/2020/05/letras-galegas-lectura-en-galego.html

 Para ir rematando, noraboa aos tres gañadores de 2º da actividade das adiviñas literarias "a ruta do libro 2020" para conmemorar o Día do Libro. Libruxa está preparando un pequeno agasallo para vós e máis para o resto de participantes.

 Tamén darvos as grazas pola vosa participación na actividade proposta para o Día Mundial da Arte. A verdade é que fixestes unhas recreacións moi traballadas e imaxinativas. Aquí vos deixamos o enlace ao blog de Libruxa por si queredes botarlle unha ollada ao vídeo: 

http://bibliotecaceipvistaalegre-burela.blogspot.com/2020/04/dia-mundial-da-arte.html

 Boa semana!!!!!

    Ola peques, comeza outra nova semana e colgamos novas propostas de actividades que esperamos vos resulten entretidas ao mesmo tempo que vos axudan a repasar. 

    Recordámosvos que podedes enviarnos ao correo de 2º nivel fotos de actividades que vaiades facendo, preguntarnos dúbidas que teñades con algunha delas, que incluso podedes retomar propostas que vos puideron quedar pendentes doutras semanas xa que quedan ahí colgadas na táboa da primeira entrada. 

   Dentro duns días faremos as montaxes das actividades "Rosalía e o mar", "A miña mirada" dende a fiestra, a recreación dos cadros de Paul Klee ou das composicións de simetría... cos traballos que nos fustes enviando. Se alguén non os fixo ainda e se anima a facelos ao longo desta semana, aínda estades a tempo, así despois poderedes ver as vosas creacións no vídeo que colgaremos neste blog. 

     Tamén podedes seguir enviando esta semana as fotos coas vosas recreacións do Día da Arte dalgún cadro que elexistes ao correo da biblioteca de Libruxa: biblioteca.ceipvistaalegre@gmail.com

       1.- O MEU RINCÓN LITERARIO:  xogamos novamente coa poesía de Gloria Fuertes e intentaremos construír o seu poema "Supermercado en Animalandia" como se fose un puzzle onde temos que buscar e encaixar as rimas. Tamén con algúns poemas do libro "O meu gato é un poeta" do escritor galego Fran Alonso, axudándolle ao gato poeta a construír novos poemas, cambiando palabras, buscando rimas, e incluso preparándolle un "menú rimado" moi especial. 

  2.- SCATTERGORIES NUMÉRICO: Seguro que xa practicástedes a semana pasada cos scattergories de palabras polo que agora vos propoñémos varios scattergories ou Basta numéricos. Moi concentrad@s para poñer a proba a vosa axilidade e cálculo mental. 

   3.- Tamén vos propoñemos este novo xogo online da tabla do 100 que tantas veces empregamos na clase. Tedes que descifrar un código para desactivar a alarma. Para isto recordade o que significan os símbolos: 

Ao principio tedes un exemplo explicando cómo se xoga. Despois xa podedes empezar a xogar!!! Podedes facelo dende o ordenador, tablet ou móvil. 

 http://www.penyagolosaeduca.com/ca/desactiva-la-alarma-en-la-tabla-del-100/

      Cando xa teñades práctica podedes crear vós mesm@s o vosos códigos nun folio e xogar na tabla do 100 que tedes na casa.