Letras Galegas

Este ano para conmemorar as letras galegas tivemos múltiples actividades:

• HOMENAXEADO LETRAS GALEGAS 2022

Este ano o autor homenaxeado foi Florencio Delgado Gurriarán. No cole fixemos un mural imitando o "patchwork" co seu rostro, expuxemos os cartaces coa súa vida e obra enviados pola Xunta, e traballamos diferentes unidades didácticas.

• TRAXE TRADICIONAL

En colaboración coa asociación Tamparrantán, tivemos unha exposición coas distintas pezas do traxe tradicional. Tamén fixemos unha unidade didáctica sobre o tema e un panel informativo sobre as diferentes pezas. Todo isto estivo exposto durantes semanas na entrada.

• DEBULENDO LENDAS

Tivemos unha actuación coa técnica de teatriño xaponesa Kamishibai. Debulendo é unha mestura de debuxo e ler. Ademais contáronnos varias lendas galegas os rapaces e rapazas estiveron encantados estiveron debuxando e algúns deles saíron a participar no espectáculo.

• MOSTRA DO TRAXE GALEGO

Contamos coa presenza de Edu da Asociación Cultural de San Andrés de Vea que nos explicou como son e como se utilizaban varias pezas do traxe tradicional, houbo varias profes que serviron de modelo. Puidemos ver pezas do traxe de gala e pezas do traxe decotío.

Onte, venres 14 de maio, celebramos no patio do cole o Día das Letras Galegas con dúas actividades:

• Percorrido realizado polo artista noiés Serafín Marcos pola vida e obra dos escritores Xela Arias e Ricardo Carballo Calero, homenaxeados co Día das Letras Galegas neste ano 2021 e no ano pasado, respectivamente.
• Bailes tradicionais galegos coa actuación de alumnado e profesorado do centro.

Xa están publicadas as fotos nas Galerías e, proximamente, teremos tamén á vosa disposición os vídeos das actuacións.

- Faro de Vigo.

- La Voz de Galicia.

- Vídeo das actuacións.

Velaquí o vídeo realizado polo profe de Audición e Linguaxe, Carlos, e o seu alumnado.

A xornalista Mantra Matiste viaxa ao pasado para investigar a vida de Ricardo Carvalho Calero. Cada viaxe no tempo provoca un cambio no seu aspecto, pero iso non freará a xornalista. Conseguirá o seu obxectivo?

 Chega a cuarta edición do concurso literario organizado por ETAPAS Gabinete Psicoeducativo co fin de promover a figura de Ricardo Carvalho Calero, escritor ao que se lle dedican este ano as Letras Galegas, e, así mesmo, fomentar a lecto-escritura e a lingua galega. Premede na imaxe para saber máis.

O pasado venres día 12 de maio, co gallo da celebración do Día das Letras Galegas, tivo lugar no centro o tradicional Festival das Letras na honra do escritor seleccionado este ano pola RAG, Carlos Casares Mouriño. O acto estivo cheo de música, teatro, bailes e moita diversión da que podedes dar conta se atendedes ás imaxes que xa se atopan á vosa disposición nas Galerías.

Noraboa a todos e todas!!