Actividades

O noso centro foi seleccionado para participar neste curso 22/23 no programa Navega con Rumbo, unha iniciativa impulsada pola Xunta en colaboración co Colexio Profesional de Enxeñería Informática de Galicia. A resolución pode verse na seguinte ligazón: https://www.edu.xunta.gal/portal/node/39575

O programa Navega con rumbo pretende guiar o alumnado nunha navegación segura na internet de maneira útil e responsable e facilitarlles ferramentas aos docentes para o uso didáctico na aula. 

Especialistas do Colexio de Engeñería Informática ofrecerán xornadas divulgativas dunha hora de duración en 240 centros educativos, nas que se abordarán temas de interese, como as condutas de acoso e ciberacoso e outros riscos derivados do mal uso das redes sociais. Ademais, a través dunha guía de boas prácticas, tamén se fará partícipes das recomendacións ao profesorado e ás familias, na medida en que se poidan converter en transmisores de boas prácticas de cara aos nenos/as.

A actuación correu a cargo do Grupo “Música Miúda” e o evento estivo presentado e guiado por Fran Rei.

Participaron 1483 cativos e cativas dos centros da Estrada e Forcarei.

Tedes as fotos nas Galerías.

Segundo se establece no plan de continxencia do centro, "o equipo COVID do centro identificará o alumnado que teña dificultades de conexión ou falla de equipamento para que a consellería adopte as medidas oportunas que minimicen as eventuais dificultades da educación realizada por medios telemáticos".

Para dar cumprimento a este artigo, propoñémosvos que completedes a enquisa de acceso ás TIC que vos enviamos este venres en formato papel e que a entreguedes o vindeiro luns 19 de outubro.

Podedes descargar a enquisa tamén no adxunto.

Recentemente o EDLG, en colaboración co Equipo de TICs do centro ven de dixitalizar un interesante documento sobre a celebración do Entroido e as tradicións ligadas ao mesmo no Val de Vea. Trátase dunha publicación que agrupa unha mixtura de artigos sobre temas diversos: persoaxes de entroido, tradicións, orixe das festas, traxes, entrevistas, comidas típicas así como a plasmación escrita dos Encontros realizados en varios anos (no 1943, 1947, 1973 ou 1981), todos eles realizados por alumnado do centro e dirixidos polo seu director de entonces D. Olimpio Arca Caldas.

Dende o EDLG entendemos da importancia da difusión deste documento como xeito de achegar a importante tradición e arraigo na nosa comunidade educativa desta festividade, especialmente no que se refire aos Encontros dos Xenerais da Ulla. Podedes acceder ao texto picando na imaxe inferior ou a través do seguinte enlace.