Secretaría

Segundo o establecido na ORDE do 18 de decembro de 2020 pola que se modifica a Orde do 12 de marzo de 2013, tedes publicados no taboleiro de anuncios do centro os postos escolares vacantes no proceso de admisión de alumnado para o curso 23/24.

-O alumnado matriculado no noso centro ten garantida a súa permanencia nel e, polo tanto, o cambio de curso non requirirá un novo procedemento de admisión, agás que coincida cun cambio de centro.

-Sen prexuízo da garantía de permanencia, os nais/pais/titores legais do alumnado poderán presentar solicitude de admisión noutro centro educativo na forma e prazos establecidos e deberán remitir ao noso centro copia da solicitude de admisión presentada no novo centro.

-Presentación de solicitudes de admisión: do 1 ao 20 de marzo.

-O horario de atención ás familias para tramitar o procedemento de admisión é o horario de secretaría que figura na barra lateral dereita desta páxina web.
 
-Anexo II solicitude admisión.

O vindeiro mércores, 1 de marzo, comezará o proceso de admisión de alumnado para o curso 23/24. dirixido a todo o alumnado que entra por primeira vez no sistema educativo, así como os de Infantil e Primaria que desexan cambiar de centro escolar, sempre que haxa prazas dispoñibles.

Unha vez admitido o alumnado no centro docente, queda garantida a súa permanencia nel ata a finalización da etapa de primaria, sen prexuízo do dereito das familias a que soliciten a admisión noutro centro. Polo tanto, a variación de curso ou etapa non require novo procedemento de admisión.

Sen prexuízo da garantía de permanencia, os nais/pais/titores legais do alumnado poderán presentar solicitude de admisión noutro centro educativo na forma e prazos establecidos e deberán remitir ao noso centro copia da solicitude de admisión presentada no novo centro.

O horario de atención ás familias para tramitar o procedemento de admisión é o horario de secretaría que figura na barra lateral dereita desta páxina web: de luns a venres, de 10:50 a 11:45 h.

- Anexo II (solicitude de admisión)

Publicación de postos escolares vacantes: antes do 1 de marzo de 2023.

Presentación da solicitude de admisión: do 1 ao 20 de marzo de 2023.

• Presentación de solicitudes xunto coa fotocopia cotexada do libro de familia ou do DNI do neno/a.
  

• A solicitude será única segundo o modelo ANEXO II, que poderá:

- Recollerse no centro, cubrila e entregala no centro.

- Cumprimentarse on line na aplicación https://www.edu.xunta.es/admisionalumnado. Neste caso, poderase asinar a solicitude na Sede Electrónica ou ben entregala no centro.

- Descargarse e cumprimentarse de forma manual. Neste caso, a instancia deberá entregarse no centro no prazo indicado.

INFORMACIÓN NO PORTAL EDUCATIVO

Normativa de aplicación: 

•  DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• ORDE do 18 de decembro de 2020 pola que se modifica a Orde do 12 de marzo de 2013.

• ORDE do 25 de xaneiro de 2017 pola que se modifica a Orde do 12 de marzo de 2013.

• ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

No Diario Oficial de Galicia do día 14 de outubro de 2022 está publicada a Resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022.

Nesta resolución establécese que os beneficiarios do vale para adquirir material escolar por importe de 50 € recibirán un vale adicional de 25 €.

As familias poden recoller o vale de 25 € na secretaría do centro a partir do martes 18 de outubro, en horario de Secretaría: de 10:50 a 11:45 h.

No suposto de extravío do vale pola familia ou pola libraría, nunca se expedirá un duplicado.

As persoas beneficiarias deberán usar os vales nas librarías e demais establecementos o antes posible (preferentemente antes do 1 de decembro) e, en todo caso, antes do 10 de abril de 2023.

O xoves 7 de xullo estarán publicadas no taboleiro do centro as listaxes provisionais do fondo solidario de libros de texto para 3º e 4º de primaria.

Todo o alumnado de 4º de primaria disporá de todos os libros de texto no curso 22/23, procedentes do fondo solidario 21/22, polo que non será necesario que as familias de 4º de primaria compren ningún libro.

Ademais, xa podedes pasar polo centro recoller os vales para adquirir material escolar e libros de texto de 1º a 6º de primaria, desde o día 7 ao 12 de xullo, ambos os dous inclusive, de 10:00 a 13:00 h.