O xoves 5 de decembro celebrouse na praia fluvial de Liñares o campionato zonal de campo a través, coa participación de case 900 escolares de centros da Estrada, Cuntis e Moraña. O noso cole conseguíu un diploma e unha medalla, grazas a dúas campioas: Sara Neira López (de 2º de primaria) e Celia Castaño Pazos (de 3º de primaria). Noraboa a elas e a todos os participantes polo seu esforzo e a súa deportividade. E grazas ás familias pola súa colaboración.

- Galería de fotos.

- La Voz de Galicia.

O vindeiro día 14 de decembro, no Auditorio de Lalín, celebrarase o III Encontro de Familias do Deza, baixo o título A familia como motor de cambio. Educar no esforzo e na responsabilidade, cunha mesa redonda e obradoiros que buscan dar resposta á formación que demandan as familias.

- Cartel informativo.

-Faro de Vigo. 

O día 29 de novembro celebrouse no Teatro Principal da Estrada a Festa da Poesía, na que nenos e nenas dos centros do municipio recitaron poemas en galego. Os representantes do noso cole foron catro alumnos de 2º de primaria (Esther, Sara, Celia e Pedro), que recitaron dous poemas de Xosé Neira Vilas: Boneco de palla e Chove.

-Faro de Vigo.

O vindeiro xoves, 5 de decembro, o alumnado de 2º a 6º de primaria participará en Liñares no campionato zonal de campo a través. O transporte será gratuíto.

- Horarios e percorrido.

O día 27 de novembro, o alumnado de 5º e 6º visitou o Novo Mercado da Estrada con motivo da Semana Saborea. Alí, acompañados polo alcalde e varios concelleiros, mercaron produtos saudables cos que elaboraron e degustaron posteriormente unha receita, a que redactaron no colexio hai unha semana.

- Galería de fotos.

- A Estrada na Rede.