Prazo de admisión de alumnado para o curso 2019/2020

Ábrese o prazo para a presentación de solicitudes novas de matrícula dende o 1 ao 20 de marzo de 2019.

Na  ORDE do 12 de marzo de 2.013 desenvólvese o procedemento para admisión do alumnado en centros docentes sustentados con fondos públicos.

Na Orde do 25 de xaneiro de 2017 pódese ver os novos cambios para o proceso de admisión.

A continuación tedes a solicitude de admisión que deberán presentar as familias que soliciten praza por 1ª vez nun centro público, ou que queiran cambiar de centro. Podédela cubrir dende estes enlaces ou solicitar unha copia no centro.

Tamén podedes presentar a solicitude de xeito telemático a través do seguinte enlace:

https://www.edu.xunta.es/admisionalumnado/

 

Rógase ler atentamente as instrucións das solicitudes . Non vos esquezades de que é necesario que estean asinadas polo pai, nai ou representantes legais da alumna/o, e no caso de separación ou divorcio por ámbolos dous proxenitores ou titores legais, agás que aquel que formalice a instancia teña atribuída a patria potestada con carácter exclusivo.

Para as diferentes informacións e acceder as solicitudes picade nos seguintes enlaces:

 

 

 

VIDEOCLIP "TOC-TOC"

DÍA MUNDIAL DA PAZ

Co gallo da conmemoración do día da paz, fixemos un pequeno acto, no que algún neno/a expresou o que entende pola palabra PAZ, despois o curso de 3º representou o conto "A cebra Camila" que nos lembrou a importancia da cooperación e para rematar estreamos o noso videoclip "Toc-Toc" de Pablo Díaz que ten como mensaxe principal a igualdade. Adxuntamos a galería fotográfica para iso premede na imaxe.

NADAL NA ESCOLA

Para festexar que o primeiro trimestre está chegando o seu remate e que está a volta da esquina as vacacións de Nadal dende o centro os nenos participaron en diversas actividades. Concurso de cartas de Nadal, creación dunha árbore de Nadal con rolos de papel hixiénico e bonecos de neve con material reciclado. O penúltimo día de escola tivemos a visita do teatro de títeres "O apalpador e a nena sen medo" e o último día como é de costume a nosa ANPA fixo a tradicional chocolatada co reparto de melindres. Como colofón final Papá Noel reparteu bolsas con chuches os nenos/as.Preme a imaxe para ver a galería de fotos.

 

BOLECHAS

No primeiro trimestre os alumnos/as de infantil, 1º curso de primaria e 2º curso de primaria asistiron a unha excursión a Estrada na que aprenderon moitas cousas da nosa lingua. Preme a imaxe para ver a galería de fotos.

OBRADOIROS DE CONSUMO

Os nenos e nenas da escolas participaron nos obradoiros de consumo xestionados polo departamento de orientación en colaboración co Instituto Galego de Consumo e da Competencia.O obxectivo da actividade era concienciar aos alumnos/as sobre o consumo responsable. Se premedes na imaxe podedes ver algunhas das propostas.

EXPOSICIÓN DE OUTONO

Grazas familias por estes marabillosos traballos! Prema na imaxe para ver a galería.

FESTA DE OUTONO

Queridas familias aquí tedes unha mostra das fotos das actividades desenvolvidas o 31 de novembro co gallo da festa de outono (Magosto- Samaín).

Preme na imaxe para acceder a galería.

Axudas para alumnado con necesidades específicas de apoio educativo

Imagen relacionada

Convocatoria de axudas para alumnado con necesidade específica de apoio educativo para o curso académico 2018/19

  • Publicación deste anuncio: BOE do 14 de agosto de 2018.
  • Información e tramitación: ORIENTADORA do propio centro educativo en horario de martes, xoves e venres.
  • Prazo de presentación de solicitudes: ata o 27 SETEMBRO DO 2018

 

CALENDARIO ESCOLAR 2018-2019

De acordo coa Orde do 28 de maio de 2018, achégase o calendario para o próximo curso escolar que será de aplicación en todos os centros galegos sostidos con fondos públicos.

 

 

 

http://www.edu.xunta.gal/portal/calendarioescolar

Distribuir contido