O Departamento de Servizos Sociais do Concello da Estrada ten previsto poñer en marcha ao longo do período de vacacións de verán o CAMPAMENTO DE VERÁN, dirixido aos rapaces e rapazas de 3 a 12 anos.
O campamento de verán desenvolverase do 01/07/24 ao 10/09/24 nas instalacións do CEIP Oca, CEIP O Foxo, CEIP Manuel Villar Paramá, CEIP Cabada Vázquez e CEIP Pérez Viondi.
PRAZO DE INSCRICIÓN: desde o 4 ao 17 de xuño, ambos os dous días incluídos.
PRESENTACIÓN DE SOLICITUDES: no Departamento de Servizos Sociais do Concello da Estrada, en horario de 9:00 a 14:00 horas de luns a venres, ou a través da sede electrónica do Concello da Estrada (https://aestrada.sedelectronica.gal).
PREZO ACTIVIDADE: 35 € por participante e quincena nos meses de xullo e agosto, e 25 € os días de setembro. O segundo membro da unidade familiar terá un desconto do 20 % sobre o prezo (28 € nas quincenas de xullo e agosto, e 20 € os días de setembro), e, a partir do terceiro membro da unidade familiar, será gratuíto.
Descargade a continuación a ficha de inscrición nos campamentos de verán 2024.
