Bo día familias!
Co gallo da celebración do Samaín e o Magosto, dende o Equipo de Actividades Complementarias e Extraescolares propoñemos que, dende as vosas casas, e de xeito voluntario, animédesvos a elaborar diferentes adornos coa esta temática. Estes adornos deberán estar feitos con materiais naturais e de refugallo na liña do proxecto de centro “Carral Sostible: 9 meses, 9 causas” (centrado no COIDADO DO MEDIO AMBIENTE) seguindo estas recomendacións:
- Eliminar a utilización de materiais de un só uso e contaminantes: pinturas que danan a capa de ozono, plásticos, materiais con derivados do petróleo…
- Utilizar no seu lugar produtos naturais da contorna: cabazas, millo, castañas, noces, landras, follas secas, froitas de tempada…
- Non xerar lixo innecesario e reutilizar materiais que teñamos pola casa: botellas, vasos, pratos, latas...
- Usade a vosa maxinación! Seguro que preguntando aos vosos avós e avoas danvos algunha idea baseándose nos xoguetes que tiñan antes, podedes buscar en Internet ou consultar o no apartado de actividades complementarias e extraescolares (na páxina web do cole no apartado de EQUIPOS DE DINAMIZACIÓN)onde colgaremos algunhas ideas para que vos inspiredes.
Unha vez que teñades feitos os adornos sacádelles unha foto e mandádea sao correo complextracarral@gmail.com, onde faremos unha recopilación e un vídeo cos traballos que nos cheguen e que poderedes ver na páxina web do noso Centro. A data límite para mandar estestraballos ao correo electrónico, antes citado, será o luns 9 de novembro.
Este ano non se traerán os adornos ao cole (non podemos) e por iso decidimos celebrar o Samaín e o Magosto dunxeito diferente, dende as casas e logo compartíndoo con todos/as os nosos/as compañeiros/as.
Animádevos a participar!!
Equipo de Actividades Complementarias e Extraescolares.