CEIP Plurilingüe Sobreira-Valadares

Estimadas familias:

    Ante a avalancha de información tanto nas redes coma na tv, queremos enviar unha mensaxe de tranquilidade a toda a comunidade educativa. En primeiro lugar agradecer a todas as persoas que permiten co seu traballo que o resto dos cidadáns poidamos respectar o confinamento. Moitas grazas a sanitarios, traballadores da alimentación, transportistas e todas e cada unha das persoas que seguen a traballar para manter a normalidade nos nosos fogares.

  Nestes momentos no que o prioritario é preservar a saúde e axudar a curar queremos desde o claustro de profesores do colexio Sobreira enviar unha aperta (virtual, claro) a todas as familias dos nosos alumnos e un saúdo moi especial a todos os rapaces aos que botamos de menos e esperamos non tardar moito en volver a ver en persoa.

A día de hoxe estas son as novas confirmadas que temos no centro:

1º. Mantense a 2ª Avaliación que se deu por rematada o 13 de marzo e non se avaliarán novos contidos nin as tarefas realizadas durante estes últimos días de confinamento. No centro cremos necesario animar aos nen@s e valorar o esforzo que fixeron.  En días sucesivos informaremos da data na que serán subidos os resultados da avaliación e que poderedes  ver no Abalar móvil.

2º. De momento non sabemos como se vai artellar a 3ª Avaliación, tan só contamos co compromiso público da ministra Isabel Celáa de reducir contidos e competencias. Compromiso compartido pola Conselleria de Educación da Xunta  de Galicia.

3º.   Mantense o calendario escolar o que significa que as vacacións de Semana Santa comenzan o venres día 3 de abril. Nestas datas non se enviarán tarefas escolares para casa agás unha soa proposta por curso para todas as vacacións.

Esperamos ter dado resposta ás dúbidas máis urxentes e quedamos a vosa disposición no correo do centro ceip.sobreira.valadares@edu.xunta.es (en horario continuado) e no teléfono do centro 986468189 en horario  de 10 a 13h. Calquera dúbida que querades resolver co Departamento de Orientación ou con algún mestre en concreto, podedes facelo a través do correo do centro e o equipo directivo  trasladaralle a consulta a quen corresponda. 

Un saúdo e moito ánimo.

 Teléfono e Fax: 986 46 81 89

ceip.sobreira.valadares@edu.xunta.es

Estimadas familias:

Durante o tempo que dure esta situación de confinamento nos nosos fogares o profesorado do centro imos subir a este espazo web algunhas orientacións sobre o traballo na casa cos vosos fillos. Non se trata de tarefas obrigatorias nin deberes, senón de ligazóns de interese e actividades de repaso para facer con eles.En liñas xerais o alumnado de Primaria debería ler cada día un pouco ( a ser posible algún contido dos libros de texto), escribir un pequeno resumo, texto, conto ou nova e realizar algunhas operacións matemáticas sinxelas adaptadas a cada nivel. Os alumnos de 3º/4º/5º e 6º poden usar os libros como guía na realización das tarefas. É conveniente que fagan os traballos escritos nun caderno ou en folios gardados nunha carpeta para mellor organizarse. O obxectivo é que non perdan o ritmo de traballo e que se axusten a un horario regular na medida do posible. 

Moito ánimo e moita paciencia xa que somos conscientes da dificultade de manter illados a rapaces tan pequenos. Seguiremos en contacto a través desta web e do Abalar móbil.

 Un saúdo

 PINCHA AQUÍ PARA MÁIS INFORMACIÓN

ATENCIÓN!!   IMPORTANTE!!

RESOLUCIÓN do 15 de marzo de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade ao acordo do Centro de Coordinación Operativa (Cecop), mediante o que se adoptan medidas preventivas en lugares de traballo do sector público autonómico como consecuencia da evolución epidemiolóxica do coronavirus COVID-19.

Suspéndense todos os prazos administrativos (avaliacións, solicitude de matrícula, convocatorias abertas...). Serán reanudados unha vez perda vixencia este real decreto, ou no seu caso, as prórrogas do mesmo.