2008-09, 2009-10, 2010-2011, 2011-2012

Os habitantes dos xardíns de Méndez Núñez

O día 30 de marzo de 2012 visitamos estes xardíns que foron inaugurados no ano 1868 en honor a Casto Méndez Núñez, mariño militar da Real Armada Española e heroe de guerra, naceu o 1 de xullo de 1824 en Vigo – Pontevedra e morreu o 21 de agosto de 1869 en Pontevedra.

O primeiro que fixemos foi presentarnos.


O segundo foi poñer uns números nas camisetas para facer equipos e saber con que monitor ibamos.


Fomos a unha rotonda, quentamos os músculos para facer unha carreira.


Colliamos cartas que tiñan as normas de coidado dos xardíns, dabamos unha volta a unha estatua e volviamos có noso grupo.

Vimos a casa do druida dos xardíns que é un teixo.


Vimos o plátano de paseo e as súas follas, que o druida emprega para facer as pocións para atopar amigos.


Vimos o magnolio e a súa folla que a usa na poción por ser unha árbore de folla perenne.

E tamén vimos a camelia e a súa flor, necesaria para que os amigos que se van volvan pronto.

O doutor Enrique Hervada García-Sampedro foi profesor de Menciña na Universidade de Santiago de Compostela e médico en distintas cidades para establecerse finalmente na Coruña. Naceu na Coruña o 10 de xuño de 1883 e morreu o 3 de abril de 1953.


Juan Fernández Latorre naceu en A Coruña o 8 de outubro de 1849. No ano 1882 fundou o xornal “La Voz de Galicia”. Morreu en 1912.


Alfonso Daniel Manuel Rodríguez Castelao naceu en Rianxo – A Coruña o 30 de xaneiro de 1886 e morreu en Bos Aires – Arxentina o 7 de xaneiro de 1950 foi político, escritor, pintor, médico e debuxante.

Concepción Arenal naceu en Ferrol – A Coruña o 31 de xaneiro de 1820 e morreu en Vigo – Pontevedra o 4 de febreiro de 1893. Disfrazouse de home para poder estudar Dereito na Universidade. Foi abogada e defendeu ás mulleres encarceladas.


Eduardo María González-Pondal e Abente naceu en Ponteceso – A Coruña o 8 de febreiro de 1835 e morreu en A Coruña en 1917. Foi poeta e o seu poema “Os pinos” con música de Pascual Veiga é o himno de Galicia.


Obradoiros da OSI

Sinal de tráfico que fala de tráfico ou de obrar con precaución.

Obradoiros da OSI (Oficina de Seguridade do Internauta)

Martes 24 de abril ás 19:00

Xa todas e todos sabemos que boa parte do alumnado ten contacto constante co mundo da Internet, dende as casas, cos teléfonos móbiles, no colexio, etc. Outros aínda non, porque son pequenos pero... non tardando moito aí estamos.

Preocupados polas graves consecuencias que podan xurdir sen as necesarias medidas de protección e coidado, tanto na casa como na rúa ou no centro, estamos a organizar uns obradoiros a cargo dun equipo experto: a OSI (Oficina de Seguridade do Internauta). 

Estas charlas terán lugar para as familias e para o profesorado no noso centro o vindeiro martes 24 ás 7 da tarde. Para o propio alumnado de 3º, 4º, 5º e 6º de primaria será o día seguinte durante as clases.

Cómpre polo tanto pedirvos con insistencia que todas e todos participedes nestas sesións informativas o martes 24 dada a enorme importancia do tema  a tratar. Agardámosvos.

Hai xente que por descoñecemento, pensa que xa está todo controlado ignorando que o asunto é moito máis importante do que puidera aparentar. Para facervos unha pequena idea, deixamos a continuación un pequeno vídeo de mostra alusivo.

 

Saída escolar

O venres 30 de marzo, dentro do programa descubrir Coruña, participamos na ruta "Habitantes dos xardíns de Méndez Núñez".

Xa que se trata dunha actividade de exterior, é importante que ese día asistan con roupa e calzado axeitados ás condicións do tempo.

Debaixo está o enlace ao modelo de autorización que se entregou ao alumnado o día 21 de marzo.

Distribuir contido