Unha escola para convivir, ser, estar e aprender.

Matrícula para o curso 2020-2021 e axudas de libros e material escolar

Horario de atención ao público

A partir do luns 11 de maio o horario de atención ao público deste Centro (exclusivamente para asuntos de Secretaría) será de 10 a 12 horas.

 

 

 Matrícula en 4º nivel de Educación Infantil (3 anos)

A formalización de matrícula do alumnado de tres anos realizarase do día 1 ao 10 de xullo en horario de 10:00 a 12:00h na secretaría do centro.

 

 

Axuda de libros e material escolar (Vales)

Os vales de axuda para libros de texto e material escolar para o vindeiro curso 2020-2021 poderanse recoller os días 8, 9 e 10 de xullo en horario de 10:00 a 12:00 na  secretaría do centro e tamén a partir do día 1 de setembro.

 

 



Fondo libros (Novas)

A listaxe provisional de admitidos na axuda de Fondo Libros está exposta desde hoxe día 3 de xullo de 2020, no taboleiro interior do Centro, e pode tamén consultarse na aplicación Fondo Libros.

Os libros de 3º, 4º , 5º e 6º de EP de fondo libros repartiranse ao comezo do curso.


 


 

Libros e material escolar para o curso 2020/2021

Debido as circunstancias excepcionais que estamos a vivir, o claustro de profesores do noso centro acordou por unanimidade reducir no posible os libros e material solicitado ao alumnado para o vindeiro curso, tendo que cambiar os libros de inglés nos cursos de 1º, 3º e 5º E.Primaria, por razóns editoriais.

Orde do 12 de maio de 2020.

Cada titor, en 3º, 4º, 5º e 6º de Primaria, repartirá o “Fondo Libros” ao comezo do curso. É preferible non mercar ata o inicio das clases.

Relación de libros para o curso 2020-2021.

 

 

 

 

 

Convocatoria de bolsas para comedores escolares curso 2020/21 do Concello da Coruña

A quen vai dirixido?:

Ao alumnado dos centros de educación infantil e primaria (CEIP), dos institutos de ensino secundario (IES) e formación profesional e dos centros de educación especial sostidos total ou parcialmente con fondos públicos (CEE), sempre que estean localizados no termo municipal da Coruña e presten o servizo de comedor, cando reúna os demais requisitos que esixe esta convocatoria.

Inscricións:

Dende o 01/06/2020 ata o 12/06/2020

 

Neste enlace pódese acceder á convocatoria.

As dúbidas que poidan xurdir resolveranas a través do teléfono 010.

 


 

 

 


 

Fondo solidario de libros e axudas para libros e material escolar

ORDE do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21 (código de procedemento ED330B).

 

As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal.

 

Opcionalmente, poderanse presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.

 

O prazo para presentar as solicitudes iniciarase o día seguinte ao da publicación desta orde no Diario Oficial de Galicia ( 20 de maio ) e rematará o día 19 de xuño de 2020 incluído.


Documentación complementaria necesaria para tramitar o procedemento

1. As persoas interesadas deberán achegar coa solicitude (anexo I) a seguinte documentación:

a) Anexo II (comprobación de datos dos membros computables da unidade familiar).

b) Copia do libro de familia ou documento equivalente, onde figure o alumno e os demais membros computables da unidade familiar.

 

En caso de separación ou divorcio, deberán achegar ademais a sentenza xudicial e/ou convenio regulador onde conste a atribución da custodia do/da menor.

 

Adxúntase os impresos da solicitude.

 

 

 

 


Becas comedor. Información dos Servizos Sociais do Concello.
"A beca municipal de comedor ten o prazo interrumpido hasta que se retomen as clases."

 Pode acceder á convocatoria de subvencións e axudas públicas do concello neste enlace Beca municipal.

 

Actualización de información ás familias durante o 3º trimestre: comunicacións e avaliacións

Avaliación final e entrega de notas

As notas finais sairán publicadas en Abalar móbil o venres 19 de xuño, día en que remata o curso.
Se o luns 22 de xuño de 2020 non puidéchedes velas, comunicádevos có centroa través do correo electrónico ceip.sal.lence@edu.xunta.gal.

 

 

 

¡¡¡ XA ESTÁN AQUÍ AS VACACIÓNS!!!

Seguramente moitos de vosoutros, nenos e nenas, exclamaredes isto; pero imaxino que tamén o farán os vosos pais que tanto vos axudaron nestes meses de confinamento e sen escola. Tanto vos coma eles tivéchedes un comportamento exemplar polo que VOS DAMOS AS GRAZAS!!!.

Este curso non ides esquecelo nunca dadas as circunstancias polas que tivemos que pasar: non poder saír á rúa, non poder ver ás nosas familias, non poder ir ao parque nin á escola, ter que usar mascarilla, manter as distancias,.....

Agora que entramos nunha “nova normalidade” podedes gozar de novo de ir ao parque a xogar cos vosos/as amigos/as, ir á praia, ás festas, viaxar,.....; pero non esquezades que aínda temos que manter medidas de seguridade importantes para non dar pasos atrás.

 

Desfrutar do verán pero non esquezades seguir adicándolle un ratiño ao día a facer algunha actividade de repaso do traballo feito neste curso:

 

  • Le tódolos días. Elixe libros que che gusten e cos que goces da súa lectura.
  • Practica a escritura (fai copias, redacta, etc) fixándote ben na ortografía.
  • Practica as operacións matemáticas que traballaches este curso.
  • Resolve problemas adecuados ao teu nivel razoando a/as operacións utilizadas.

 E sobre todo:

 PÁSAO BEN, VÉMONOS EN SETEMBRO!!!!

¡¡¡¡ FELICES VACACIÓNS !!!!

 

 

 

 

 

Matriculación do alumnado de 6º de Educación Primaria no IES Monte das Moas para o vindeiro curso.

 

O alumnado de 6º curso de Educación Primaria que o vindeiro curso continuará estudos nos IES Monte das Moas poderá recoller os impresos de matrícula a partires do  día 22 de xuño no propio IES, de 9:00 a 13:00 horas.

 

 

 

 

 

Devolución por parte do alumnado dos libros de préstamo do curso actual.

 

Alumnado de 6º EP  -  -  -  Luns 8 de xuño  -  -  -  -  -  -  De 10:00 h a 13:00 h

 

Alumnado de 5º EP  -  -  -  Martes 9 de xuño  -  -  -  -  -  De 10:00 h a 13:00 h

 

Alumnado de 4º EP  -  -  -  Mércores 10 de xuño  -  -  -  De 10:00 h a 13:00 h

 

Alumnado de 3º EP  -  -  -  Xoves 11 de xuño  -  -  -  -  - De 10:00 h a 13:00 h

 

 

 

Recollida de libros e material propiedade do alumnado.

 

Alumnado de 6º EP  -  -  -  Luns 15 de xuño  -  -  -  -  -  De 10:00 h a 13:00 h

 

Alumnado de 5º EP  -  -  -  Martes 16 de xuño  -  -  -  -  De 10:00 h a 13:00 h

 

Alumnado de 4º EP  -  -  -  Mércores 17 de xuño  -  -  - De 10:00 h a 13:00 h

 

Alumnado de 3º EP  -  -  -  Xoves 18 de xuño  -  -  -  -   De 10:00 h a 13:00 h



Entrega de orla 6º EP  -  -  Venres 19 de xuño  -  -  -  -  De 10:00h a 12:00h



O alumnado que non veña a recoller os seus libros na data asignada, entendarase que o deixa para  axuda ao fondo de  libros.

 

 

 

Colaboración das familias no PFPP "Un cole inclusivo e sostible".

Bos días

Con motivo da participación no PFPP "Un cole inclusivo e sostible" o alumnado do Sal Lence elaborou unhas propostas para mellorar o centro. Agora, gustaríanos coñecer tamén a opinión das familias sobre estas propostas de mellora que eles e elas fixeron, así como recoller outras propostas novas que queirades achegar. Para isto, deixámosvos o enlace a este cuestionario:
https://forms.gle/a1MvSBBr413ZBxQb6

Moito ánimo e moitas grazas por participar.

 

 


 

 

LETRAS GALEGAS 2020 - RICARDO CARVALHO CALERO

Como ben sabedes este domingo 17 de maio é a celebración do Día das Letras Galegas. Este ano adícase a honrar a Ricardo Carvalho Calero. Podedes saber máis de el e da súa obra pinchando na imaxe ou facendo clic AQUÍ.

LG

 

 

 

 

 

 

Avaliación final e promoción de curso.

As programacións deste curso foron adaptadas en canto aos contidos do 3º trimestre de acordo ao establecido pola RESOLUCIÓN do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 5 de maio de 2020. (DOG Núm. 86 Mércores, 6 de maio de 2020).

Polo que de acordo con esta resolución o claustro do centro resolve que :

A avaliación do alumnado terá en conta o seu progreso no conxunto das áreas e o grao de adquisición das competencias clave.

A 3ª avaliación realizarase sobre as aprendizaxes dos dous primeiros trimestres e as actividades feitas neste terceiro trimestre terán sempre un valor positivo para o alumnado.


 

PROMOCIÓN DO CURSO

A decisión da promoción do alumnado será tomada de forma colexiada polo equipo docente de cada curso, tendo en conta os mínimos esixibles e as diversas circunstancias.

A repetición considerarase unha medida de carácter excepcional.

De maneira excepcional, non hai limitacións que afecten ao número de áreas pendentes para a promoción do curso.

Lembramos as familias que a realización das tarefas que se están enviando a través da web e outras que se poidan realizar na casa axudan á consolidación de coñecementos e á adquisición de hábitos de estudo fundamentais para o desenvolvemento do alumnado e consecución dos obxectivos académicos dos próximos cursos.

O claustro de profesores do CEIP SAL LENCE envíavos unha mensaxe de apoio e ánimo e o noso agradecemento ás familias e aos nosos alumnos/as polo ben que o estades a facer.

 

 

 

 

Notas da 2ª avaliación

"As notas da segunda avaliación poderán ser consultadas na aplicación ABALAR MÓBIL a partir do día 3 de abril de 2020.


Os boletíns de notas serán entregados cos informes de PT e AL cando regresemos á aula".
Ánimo


Uso de abalarMóbil. Hai que ter en conta o seguinte:

  • O número de teléfono empregado debe ser o que figure no XADE, que facilitaron no momento da matriculación do alumno. Se ese número xa non é o que teñen en uso, deberán poñerse en contacto có centro para actualizalo e poder acceder.

 

Para facilitar a instalación e uso desta aplicación poden consultar algún dos manuais que encontrará en Internet. A continuación aparecen dous enlaces a guías oficiais da Xunta sobre a aplicación.

 

Guía de uso da mensaxería      -       Guía abalarMóbil (Inclue guia de instalación)

 

 

A descarga da aplicación no teléfono móbil faise desde Apple store (para iOS) ou desde Play Store (para Android).

                                       

 

 

 

Comunicacións co centro durante o tempo de alerta sanitaria

O Sistema de comunicación co alumnado e as familiasestablecido polo centro:

Teléfono do colexio en horario de 10:00 a 13:00h e no correo electrónico do centro . (Derivando ao profesorado correspondente se é preciso).

Tf: 881880820

Correo eletrónico: ceip.sal.lence@edu.xunta.es

 

 

 

 

Xogo virtual "Xaque ao virus"

Os educadores de POE e Deporte en el centro do colexio invítanvos a participar nun xogo virtual do que encontraredes información no apartado de Act. complementarias.

 

UN SAÚDO E MOITO ÁNIMO A TODOS.

 

Xaque ao virus ( Federación Provincial de ANPAS)

 

 

 

Avaliación do alumnado

Debido a esta situación de emerxencia, as notas da 2ª avaliación reflexarán o traballo
feito ata o día 13 de marzo . O boletín será entregado ao alumnado ao reinicio das clases.

Modificaranse os contidos e competencias da terceira avaliación .

Este curso suspéndense as probas de avaliación individualizada en 3ºEP e a de avaliación final en 6ºEP.

Continuamos repasando. Ánimo.

Actividades e recursos recomendados para o tempo de confinamento na casa

Actividades recomendadas

Os teus profesores recomendan que durante estes días do COVID 19 , ademáis de axudar nas tarefas domésticas e aproveitar para recoller ben a túa habitación, SIGAS COA RUTINA DO TEU HORARIO DE CLASES.

 En cada asignatura podes :

 repasar nos libros , volver ler o que fixemos na clase, facer de novo as actividades das libretas, ler un bo libro ou ver unha boa película no tempo do Plan Lector, bailar unha coreografía na hora de Edu. Física ou pintar na hora de Plástica.

 A partir do luns día 16/ 03/2020 haberá diferentes links para poder REPASAR os contidos das diferentes asignaturas. Poderás acceder a eles na marxen esquerda desta páxina web pinchando no teu curso.

 EDUCACIÓN INFANTIL                        EDUCACIÓN PRIMARIA                                 ESPECIALIDADES

 

RECURSOS EDUCATIVOS EN TELEVISIÓN

A partires do luns 23 de marzo de 2020, o alumnado de entre 6 e 16 anos poderá continuar coas clases con ‘Aprendemos en casa’. Trátase dunha programación especial de cinco horas diarias de contidos educativos que se emitirá en aberto durante as mañás, de luns a venres, en Clan TV e en La 2 de TVE.

O Ministerio de Educación y Formación Profesional en colaboración con Radio Televisión Española (RTVE) pon en marcha esta iniciativa para paliar parte das horas lectivas do alumnado e facilitar a aprendizaxe durante a suspensión da asistencia aos colexios motivada polo estado de alarma para conter a propagación do coronavirus.

Tamén podes acceder online:

Aprendemos en casa de 6 a 8.     Aprendemos en casa de 8 a 10.      Aprendemos en casa de 10 a 12.

 

A segunda canle da TVG emitirá contidos educativos de luns a venres

A programación foi ideada en colaboración coa Consellería de Educación, Universidade e Formación Profesional, e o seu obxectivo é facilitarlles aos estudantes un complemento aos contidos que están recibindo dos centros de ensino. Estes contidos emitiranse de luns a venres, de 11.00 a 13.00 horas.

Programación

Luns 23

Martes 24

Mércores 25

11:00 h - ERA UNHA VEZ O HOME: ERA UNHA VEZ O HOME 1

11:30 h - ERA UNHA VEZ OS EXPLORADORES

11:55 h - AQUELANDO TAMÉN QUEDO NA CASA

12:05 h - XEOCLIP

12:05 h - CRIATURAS

10:55 h - ERA UNHA VEZ O HOME

11:25 h - ERA UNHA VEZ OS EXPLORADORES

11:50 h - AQUELANDO NA CASA

12:05 h - AQUELANDO

12:35 h - XEOCLIP: O modelado e as formas glaciares no Courel

12:40 h - XEOCLIP: Formación de acantilados. (Praia das Catedrais)

12:45 h - CRIATURAS

11:00 h - ERA UNHA VEZ O HOME: ERA UNHA VEZ O HOME 3

11:30 h - ERA UNHA VEZ OS EXPLORADORES

12:00 h - AQUELANDO TAMÉN QUEDO NA CASA

12:10 h - XEOCLIP

12:20 h - CRIATURAS

 Se perdes algún capítulo pica nestes enlaces: ERA UNHA VEZ O HOME,     ERA UNHA VEZ OS EXPLORADORES,    AQUELANDO,     XEOCLIP ,     CRIATURAS 

Distribuir contido