Complementarias

Este curso queremos coñecer un pouquiño mellor o bosque de Sabela e, que mellor forma de facelo que vendo de preto diferentes árbores? Pois alá fomos ao Parque "do Castriño" e alí Mario, técnico de xardíns do Concello, explicounos moitísimas cousas interesantes sobre diferentes tipos de árbores, a súa orixe, a súa alimentación, as sementes...

Pasámolo xenial e aprendemos un moitísimo!

Para conmemorar o Día dos Dereitos dos Nenos o Concello de Vilagarcía celebrou un Pleno Infantil, no que participamos con 3 concelleiros que defenderon o Dereito dos nenos ao xogo.

Despois de averiguar que o noso personaxe misterioso era Anxo Moure tocaba coñecelo e, sabedes? contounos unha chea de historias e contos.

Que ben o pasamos todos! Pero, ademais, aprendemos algo moi importante: hai que coidar as árbores, plantalas, aloumiñalas... e cando esteamos enfadados ou tristes tamén podemos abrazalas para sentirnos mellor.