Actividades

Día de Rosalía 22

Hoxe, coincidindo coa data do seu nacemento, conmemoramos o Día de Rosalía.

Ademáis de diferentes traballos de aula sobre a figura da escritora, tamén fixemos uns traballos plásticos dignos de estar colgados das paredes de calquera museo, nacional ou internacional! Somos artistas!!

Tamén plantamos uns preciosos pensamentos que forman parte do xardín adicado a autora de Cantares Gallegos e Follas Novas para "sementar pensamentos" como fixo ela.

Engadir novo comentario.

Terra de Tanxugueiras

Xogamos coas palabras?

Engadir novo comentario.

Día da Ilustración

Dende o 2014 cada 30 de xaneiro celébrase en Galicia o Día da Ilustración, coincidindo coa data do nacemento de Castelao.

Este ano, coñecemos a tres mulleres galegas que, ademais de ilustradoras fan uns marabillosos murais, igual que Haring fixo con Tuttomondo.

As artistas que coñecemos son Eva Casais, Lara Torres e Lidia Cao. A que fan cousas preciosas?

Engadir novo comentario.

magosto

Engadir novo comentario.

Polo San Martiño trompos ao camiño

Como nos gusta a festa! Un ano máis celebramos o Magosto no día de San Martiño, pero desta volta cunha novidade. Veu un castañeiro co seu tren para asar as castañas. En grupos, separados por aulas, puidemos saborear este manxar tan importante para a nosa terra.

Despois de encher ben o bandullo, xogamos a moitos xogos tradicionais, aínda que tamén tivemos que facelo en zonas diferenciadas. Non faltaron a buxaina, o pano, a comba ou as chapas... foi unha xornada na que todos o pasamos moi ben cos xogos de antes que, como di o noso lema deste ano, tamén son para nenos e nenas de agora. E non faltou a música, desta volta a ritmo de rap. Que divertido foi!

O rap do magosto - Paco Moreiras

Engadir novo comentario.

Uns artistas de medo!

Remata o verán celta e nós celebrámolo con cabazas que, como non podía ser doutro xeito, estaban decoradas inspiradas en obras de arte e artistas.

Por uns días a entrada do cole converteuse nun museo As cabazas eran impresionantes; todas as familias merecen unha felicitación polo seu traballo pois ao derroche de imaxinación engadiron moito traballo para lograr unhas obras de arte espectaculares. Non faltaba detalle; estaban Frida Kahlo, Picasso, Dalí... O Grito, O fillo do home, unha menina, A mona Lisa, os xirasois... e moitas inspiradas na obra de Yayoi Kusama, Kandinski ou Miró; e ata un museo!

Pero a festa non quedou aí. Todos o alumnado fixo un relato de medo e para elixir un gañador de cada aula foi moi difícil pois todos eran arrepiantes. Os gañadores leron os seus contos aos compañeiros.

Relatos De Medo

Publish at Calameo

E non faltaron a teacher e a profe Chus contando uns contiños.

E para botar os medos fora puxémolos nun papel e démosllos ao come-medos. Que impresión meter a man na súa boca!

Tivemos que facer 3 sesións para cumprir as normas COVID, pero aínda que non estivemos todos xuntos pasámolo de medo!