Durante a semana do 23 de abril celebramos no noso colexio o Día Mundial do Libro. As actividades que realizamos foron coordinadas polo equipo de biblioteca e nelas participou toda a comunidade educativa.
As máis destacadas e que tiveron unha gran participación, foron as seguintes:
E ti..., Para que les?. Actividade elaborada desde os centros do Plambe, na cal participamos a nivel individual, realizando un mural con todos os cartaces dos alumnos. Unha vez desmontada a exposición elaboraremos un libro cos cartaces que pasará a formar parte da biblioteca.
Concurso de comics onde o protagonista tiña que ser a mascota da nosa biblioteca. "Xuve".
Concurso de contos sobre a historia de "Xuve".
Concurso de debuxo sobre "Xuve", para os alumnos de Educación Infantil.
Elaboración de tres murais sobre esta data, un deles en inglés.
Creación de marcapáxinas.
Memorizar e recitar varios poemas sobre o libro. Cada ciclo recitou un poema na biblioteca, tendo de espectadores aos demais alumnos.
Lectura dos contos gañadores polos seus autores.
Entrega de carnet da biblioteca, para poder xeestionar os préstamos por medio do Meiga.
O mércores 21 de abril celebramos unha xornada de atletismo, dentro da modalidade "Xogando ao atletismo" no pavillón do Paco Chao de Carballiño. Participamos xunto cos colexios do Vila de Arenteiro, CEIP de Beariz, CEIP Virxe da Pena da Sela do irixo, CEIP de Amoeiro e CEIP de Carballeda de Avia.
Era a primeira vez que participábamos nunha xornada deste tipo, e a verdade é que resultou ser unha experiencia fabulosa xa que nos encontramos con compañeiros coñecidos doutros coles da comarca e coñecemos a outros novos.
Xa estamos desexando que chegue o ano que ven para volver a repetir a actividade, pero a próxima vez esperemos contar con máis tempo para desenvolver todas as probas...¡¡¡quizás unha xornada de convivencia... con xantar incluído!!!
Clasificación por equipos da categoría de benxamíns.
Clasificación por equipos da categoría de alevíns.
O pasado día 9 de febreiro os alumnos e alumnas do C.E.I.P Nosa Señora de Xuvencos, así coma varios mestres e mestras do centro, acudimos ao mesmo corazón do Ribeiro para ver a última película do director de orixe canadense James Cameron. Estamos a falar de Avatar, a longametraxe de maior recadación na historia do cine. A proxección tivo lugar na sala “Novocine Leiro”, no concello que leva o mesmo nome. Esta sala é a única na provincia de Ourense dotada con sistema 3D. Nenos e maiores gozamos deste filme de ciencia-ficción que nos tivo pegadiños ás nosas cadeiras durante mais de dúas horas. Foi unha divertida mañá na que abraiados, contemplamos coma os personaxes parecían saíren da pantalla.
O mércores 11 de marzo actuaron na aula de música do noso centro os conatcontos enviados pola editorial Kalandraka. Fixeron unha representación espectacular de varios contos que temos na nosa biblioteca da editorial: Crocodrilo; Onde viven os monstruos; Onde?; No bosque.
Podedes ver máis imaxes na galería do centro
Na semana do día da poesía tivemos no centro unha sesión de contacontos moi especial: "Contos sobre burros".
O alumnado e o profesorado non perderon detalle das representacións do artista que consegiu un máximo de atencón e silencio nas diferentes fábulas que nos foi escenificando.
O venres 5 de marzo enfrentámonos aos alumnos e alumnas de Amoeiro. En alevíns masculino e feminino os equipos de Amoeiro gañaron con moita facilidade, pero en benxamíns o partido estivo moi disputado, aínda que ao final a victoria foi para o equipo de Amoeiro.
A proba cultural estivo moi emocionante ata o final, que se decidiu pola mínima a favor de Amoeiro. A pesar dos resultados, pasámolo moi ben e estamos desexando que chegue a próxima xornada.
Podedes ver máis imaxes na galería do centro
Xornada 4
O día 11 de marzo disputamos a 4ª xornada do Deporte escolar entre o noso CEIP e o Colexio Sagrado Corazón do Carballiño. Os resultados foron os esperados, xa que a diferencia de matrícula entre os dous centros se reflectiu tamén no desenvolvemento dos encontros. Como o resultado era o de menos (non si!!??) os xogadores pasárono moi ben: uns por xogar e outros por gañar. O mellor de todo é que coñecemos a futuros compañeiros e amigos.
O 26 de novembro celebramos no Puzo do Lago, en Maside, a proba comarcal de campo a través. Participaron un total de nove centros da comarca do Arenteiro con 364 inscicións nas categorías de benxamín, alevín, infantil e cadete.
A xornada foi todo un éxito de participación, colaboración e comportamento. Os éxitos deportivos estiveron moi repartidos entre todos os centros.
Asemade, tamén hai que destacar a colaboración prestada polo Concello de Maside na organización da proba e na entrega de medallas, contando coa presencia do alcalde do Concello na mesma.
Os corredores do noso centro conseguiron subirse ao podio en dúas ocasións: Melani en alevín feminino e Amancio en alevín masculino. Moitos parabéns!!!
No mes de xaneiro celebramos a final comarcal no Parque do Carballiño. A metereoloxía ese día non acompañou moito, pero a xornada resultou espectacular en canto ao deportivo.
O día 11 de Novembro celebrouse en Ourense o San Martiño, a xente festexa este día facendo os magostos, no colexio tamén decidimos celebrar ese día.
Unha semana antes comunicámoslle aos nenos que iamos celebrar o magosto e para iso tiñan que traer unhas poucas castañas para que despois de facer a fogata, asalas todas alí.
Preparamos nas clases uns gorros en forma de castaña para levar podto o día da festa.
Os mestres participamos facendo o mural, para elo elaboramos con periódicos recubertos de papel marrón a leña para a fogata, tamén con papeis de cores fixemos o lume, e engadíronse castañas feitas polos nenos.
Como o tempo non fixo bo o refrán de dita festa, tivemos que xantar no comedor do colexio un menú especial, empanada e bocadillos de chourizo; pero pasámolo igual de ben, xa que a mestra de música ambientou a comida con cancións moi movidiñas que fixeron que non aguantaramos sen saír a mover o esqueleto.
Pola tarde saímos a acender o lume para saltalo a continuación e encinsarnos cos carbóns, como manda a tradición.
Para finalizar xogamos un partido de fútbol entre os mestres e os alumnos. Un ano máis os alumnos non fomos quen de ganarlle aos mestres.
A noite do 31 de Outubro é o Samaín, festa coa que se celebra a chegada dun novo ano na cultura celta, abríndose esa noite a porta a un novo mundo.
Trátase dunha noite dedicada ao terror, aos mortos e aos espíritos que na transición ao novo ano vagan na escuridade. O sangue e os nenos disfrazados son os principais protagonistas percorrendo as casas pola noite ofrecendo favores a cambio de doces ou caramelos.
No noso país esta festividade estase a facer un oco converténdose pouco a pouco nunha celebración con máis adeptos.Con motivo desta festa no colexio Nosa Señora de Xuvencos organizamos unha serie de actividades durante a semana, xa que o propio día do Samaín era sábado; queríamos que cando chegase o día sinalado todo estivese perfecto e antes tivemos que pensar que facer para que os nenos se divertisen e participasen de cheo na festividade sinalada e que todo saíra o máis perfecto posible.
Comezamos anunciando clase por clase o que iamos celebrar o xoves día 29 pola tarde, día do Samaín no centro, explicando en que consistía dita festa, e como se celebra; os nenos axiña se puxeron moi ledos e emocionados xa que comprenderon que ían ser os protagonistas da xornada.
Unha vez explicado, decidimos adornar o colexio en conmemoración á noite do 31 facendo uns murais nos que cada un dos nenos pintaron as súas propias cabazas e os mestres participamos activamente debuxando e con propostas.Primeiro repartimos aos de infantil pantasmas que decoraron con boliñas de papel de cores, aos de primaria comunicámoslle que o día da festa íase celebrar un concurso de cabazas que terían que colorear e decorar o seu antollo para conseguir que fora a mellor de cada ciclo e levar un agasallo.
Mentres dedicaban algunha sesión para decoralas con todo os detalles os mestres iamos decorando as letras do mural que presidiría a entrada do colexio.Tamén decidimos traer cabazas da casa, abrilas, limpalas e preparalas cos ollos, a boca, e o nariz para logo expoñelas ante os nenos e que viran como era o resultado deste traballo, xa que é o símbolo máis importante do Samaín.
Decidimos que os rapaces trouxeran disfraces para o momento da festa, pero como non todos tiñan, ou non eran de medo fixemos un sombreiro de bruxa e un colgante cunha figura relacionada co medo para ter algo que poñer; por suposto, os mestres fixemos os nosos correspondentes sombreiros con cabelo e todo.
O día escollido, o xoves, chegou e dedicamos a última hora da tarde para gozar do Samaín. Os nenos puxeron os disfraces e nos vestímolos co programado, os sombreiros e os medallóns.Saíron ao patio decorado coas cabazas que trouxeran e colocamos as feitas por eles na parede. Sacamos fotos e puxemos música, fixemos un desfile nos que dende infantil ata o terceiro ciclo de primaria participaron cantando en inglés as cancións que practicaran na clase.
Bailaron e xogaron ata que chegou o momento de rematar a festa pero sen esquecernos do concurso das cabazas. Os mestres elexímolas mentres eles divertíanse.
Durante a semana do 23 de abril celebramos no noso colexio o Día Mundial do Libro. As actividades que realizamos foron coordinadas polo equipo de biblioteca e nelas participou toda a comunidade educativa.
O mércores 21 de abril celebramos unha xornada de atletismo, dentro da modalidade "Xogando ao atletismo" no pavillón do Paco Chao de Carballiño. Participamos xunto cos colexios do Vila de Arenteiro, CEIP de Beariz, CEIP Virxe da Pena da Sela do irixo, CEIP de Amoeiro e CEIP de Carballeda de Avia.
O pasado día 9 de febreiro os alumnos e alumnas do C.E.I.P Nosa Señora de Xuvencos, así coma varios mestres e mestras do centro, acudimos ao mesmo corazón do Ribeiro para ver a última película do director de orixe canadense James Cameron. Estamos a falar de Avatar, a longametraxe de maior recadación na historia do cine. A proxección tivo lugar na sala “Novocine Leiro”, no concello que leva o mesmo nome. Esta sala é a única na provincia de Ourense dotada con sistema 3D. Nenos e maiores gozamos deste filme de ciencia-ficción que nos tivo pegadiños ás nosas cadeiras durante mais de dúas horas. Foi unha divertida mañá na que abraiados, contemplamos coma os personaxes parecían saíren da pantalla.
O mércores 11 de marzo actuaron na aula de música do noso centro os conatcontos enviados pola editorial Kalandraka. Fixeron unha representación espectacular de varios contos que temos na nosa biblioteca da editorial: Crocodrilo; Onde viven os monstruos; Onde?; No bosque.
Na semana do día da poesía tivemos no centro unha sesión de contacontos moi especial: "Contos sobre burros".
O venres 5 de marzo enfrentámonos aos alumnos e alumnas de Amoeiro. En alevíns masculino e feminino os equipos de Amoeiro gañaron con moita facilidade, pero en benxamíns o partido estivo moi disputado, aínda que ao final a victoria foi para o equipo de Amoeiro.
O día 11 de marzo disputamos a 4ª xornada do Deporte escolar entre o noso CEIP e o Colexio Sagrado Corazón do Carballiño. Os resultados foron os esperados, xa que a diferencia de matrícula entre os dous centros se reflectiu tamén no desenvolvemento dos encontros. Como o resultado era o de menos (non si!!??) os xogadores pasárono moi ben: uns por xogar e outros por gañar. O mellor de todo é que coñecemos a futuros compañeiros e amigos.
O 26 de novembro celebramos no Puzo do Lago, en Maside, a proba comarcal de campo a través. Participaron un total de nove centros da comarca do Arenteiro con 364 inscicións nas categorías de benxamín, alevín, infantil e cadete.
A noite do 31 de Outubro é o Samaín, festa coa que se celebra a chegada dun novo ano na cultura celta, abríndose esa noite a porta a un novo mundo.
Decidimos que os rapaces trouxeran disfraces para o momento da festa, pero como non todos tiñan, ou non eran de medo fixemos un sombreiro de bruxa e un colgante cunha figura relacionada co medo para ter algo que poñer; por suposto, os mestres fixemos os nosos correspondentes sombreiros con cabelo e todo.
