Este curso o Obradoiro de Radio foi destinado ao alumnado de 3º e 4º de ED. Primaria, impartido por Iago Gordillo.
Coma en ocasións anteriores o obradoiro tivo dúas partes: na primeira cada unha das aulas e de xeito telemático tivo unha clase teórico práctica con Iago, na que lles explicou os conceptos máis básicos de como funciona a radio, tipo de programas, ideas, exemplos... etc.
Finalmente e despois de todo o aprendido, púxolles "deberes", a elaboracion da "escaleta" e "guión do seu propio programa de radio.
Pasadas 2 semanas, Iago achegouse ao noso centro e estivo a metade da mañá con cada unha das aulas para facer o programa e axudarlles no proceso de creación e edición do mesmo dende a mesa de control.
Despois de "pulir" e xuntar todo o material, Iago enviounos o resultado final de cada unha das aulas, que podedes escoitar aquí:
Agardamos que o desfrutedes, tanto como o fixo o alumnado durante o proceso e moitísimas grazas a Iago por achegarse ao noso centro e por compartir con nós o seu tempo e coñecementos. E pola paciencia!!
O venres 31 de maio o alumnado de 3º e 4º de educación primaria tiveron un obradoiro práctico con Iago Gordillo. Nese obradoiro gravaron dous programas de radio. Foi unha experiencia fantástica, onde puxeron en práctica todas as súas aprendizaxes durante este curso.
Este pasado luns día 12 o alumnado de 3º e 5º de ED. Primaria tivo a terceira sesión( desta volta online) do obradoiro de radio que desenvolveron con Iago Gordillo.
A primeira das sesións foi telemática, a segunda para poñer a andar os seus programas tivemos a sorte de ter a Iago no noso centro.
E posteriormente editou, "puliu" e preparou o resultado final dos mesmos, este luns día 12 de xeito telemático tamén, comentou co alumnado e titoras de 3º e 5º sobre o proceso, o resultado e escoitaron tamén os audios definitivos.
Foi unha experiencia interesantísima, na que o alumnado tivo que traballar en equipo, guionizar, preparar, seleccionar melodías, facer a escaleta... entrevistar...
Este curso, e grazas a estar dentro do programa "RADIO na Biblio" ( da Asesoría de Bibliotecas Escolares, Plambe) contamos no cole novamente ( xa nos visitou o curso pasado, e o alumnado quedou encantado!!) con Iago Gordillo.
Desta volta os cursos cos que traballou e fixo un obradoiro de Radio foron os de 3º e 5º de ED. Primaria.
Como primeira toma de contacto, explicación de conceptos básicos e resolución de dúbidas, ambas clases tiveron unha videoconferencia con el o xoves 4 de maio. Onde lles deu unha pequena e dinámica explicación, e aportoulles moitas ideas.
Despois asignoulles a cada aula ( adaptado a súa idade) unha tarefa para preparar en cada a unha das aulas.
Para posteriormente este venres día 12 acercarse ao noso cole e darlle forma á súa "tarefa" convertida desta volta nun podcast.
Moitas grazas a Iago polo seu tempo e por compartir a súa sabedoría con nós, ademais de facelo todo dun xeito que semella sinxelo e ademais interesantísimo.
Acó vos quedan unhas poucas fotos das dúas aulas ( preparando o programa, e tamén no momento de facelo)
Este xoves día 4 comezamos coa formación sobre radio con Iago Gordillo ( gustouno tanto o curso pasado que este ano repetimos formador)
Desta volta a formación vai dirixida ao alumnado de 3º de ED. Primaria ( para establecer os primeiros pasos autonomamente na radio) e para o alumnado de 5ºde ED. Primaria (máis autónomo pero coa necesidade de ampliar a súa formación e coñecementos)
Como primeiro paso ambas clases fixeron unha videoconferencia con Iago , para que lles explicase conceptos básicos, testease os seus coñecementos e sobre todo coñecerse.
A próxima semana, o venres día 12, Iago virá ao noso cole para traballar con estas dúas clases e ver como foi a "tarefa" que lles deixou para ese día.
Aquí vos deixamos algunhas fotos do momento da videoconferencia:
Como xa sabedes, grazas a estar no proxecto de "Bibliotecas Creativas" ( dentro do PLAMBE e Plan Lía da Asesoría de Bibliotecas Escolares) tivemos a sorte de que Paola Guimeráns nos visitase 2 veces para facer un obradoiro co alumnado de 5º e 6º, e onte para facer outro co alumnado de 3º e 4º de ED. Primaria.
Na primeira visita, ao alumnado de 5º xurdíronlle moitas preguntas que facerlle a Paola e xa non quedaba tempo ,polo que decidiron preparar unha entrevista ( coa axuda da súa titora Asun) para poder facerlla onte en Radio Xuve.
Aquí tedes unha foto da entrevistada e das entrevistadoras:
E aquí o resultado da entrevista ( grazas á profe Asun e ao profe Javi pola súa colaboración) e obviamente moitísimas grazas a Paola por deixarse entrevistar.
Este trimestre o alumnado da clase de 5 anos estivo investigando moito para aprender cousas sobre o Universo: o noso planeta, o sistema solar, a vía láctea, os satélites ( artificiais e naturais) , as estrelas, as constelacións, viaxes espaciais: o primeiro animal, o primeiro home e a primeira muller que foron ao espazo... e un montón de cousas máis.
Como culminación a ese proxecto, hoxe foron a Radio Xuve a falar do que máis lles gustou de todo o que aprenderon.
A verdade é que o fixeron xenial, aínda que os nervios fixeron acto de presenza.
Queremos darlle as grazas ao profe Javi, que estivo con nós, axudounos e guiounos no proceso. Ademais de facer a montaxe final .
Aquí tedes unha foto de toda a clase , aínda que para facer a gravación fomos en pequenos grupos.
Coa chegada da Primavera chegan tamén 3 datas importantes: día da auga, da árbore e da poesía.
N actividade relacionada coa Árbore ( premede para ir ao enlace) este ano tivemos axuda do C.E.E Infanta Elena de Monforte.
A parte relacionada coa poesía vai ir á cargo do alumnado da clase de 1º de ED. Primaria que elaboraron un orixinal POEMA coa axuda da súa titora, Miriam para explicarnos ao resto do colexio a actividade que imos realizar para O DÍA DO LIBRO.
Deixámosvos a gravación que fixeron do POEMA que elaboraron e van recitar hoxe:
Posteriormente para celebrar o día da AUGA, imos ter 7 experimentos relacionados coa mesma no patio.
Cada "especialista" preparou un experimento relacionado coa auga e todas as titorías iremos pasando por eles...
Dende os equipos de Dinamización da Lingua Galega e Biblioteca lanzamos unha proposta co gallo do 8M : que o alumnado de 3º de ED. Primaria en adiante entrevistase a unha muller importante na súa vida (ALFIN/AMI )
Xa fose mediante o uso da tecnoloxía: audio ou vídeo ou en modo "escrita" ( máis tradicional)
Mulleres importantes nas súas vidas, e residentes en Boborás.
O primeiro , queremos dar as grazas a todas as mulleres que "aceptaron o reto" de seren entrevistadas, fose no formato que fose. Polo seu tempo e bo facer.
GRAZAS A TODAS.
Para comezar, deixámosvos aquí a entrevista que Aixa, da clase de 5º, lle fixo a súa avoa Pilar:
A continuación deixámosvos a entrevista que Aroa da clase de 3º , lle fixo á súa nai: Patricia Torres ( que é a alcaldesa do noso Concello)
Entrevista a Maica, nai de Mauro, Ángel e Daniel.
Entrevista a Rosa, curmá de Mateo da clase de 5º.
Entrevista a Mª del Carmen, nai de Sofía da clase de 6º
A continuación unha pequena presentación en "Canva" das entrevistas realizadas polo alumnado de 5º de ED. Primaria.
Deixámosvos tamén un DOCUMENTO coas entrevistas realizadas ao xeito tradicional: manuscritas e algunhas máis manuscritas ( ou "mecanografiadas") e as derradeiras entrevistas manuscritas , dende a clase de 3º de Primaria Premede nas palabras suliñadas para poder acceder a elas.
