Neste segundo trimestre o alumnado do colexio coñeceu os bolis 3D que tiñamos no centro e o Kit que nos prestou o CFR de Ourense para realizar as nosas creacións.
No seguinte video poderedes ver canta imaxinación e creatividade ten o noso alumnado.
Para conmemorar o 11F, Día Internacional da Muller e a nena na ciencia o alumnado de cuarto de educación primaria creou os seus propios caleidociclos con catro investigadoras que realizaron valiosas achegas no avance da tecnoloxía óptica: Katherine Blodget, María Goeppert-M, Hedwig Kohn e Donna Strickland.
O caleidociclo é un anel tridimensional articulado que pode virar sobre si mesmo indefinidmente sen romperse nin deformarse, creado por Doris Schattschneider, inspirándose nos patróns de Escher (artista gráfico neerlandés famoso polas súas obras que desafían a percepción dos nosos ollos e exploran ilusións ópticas e xeometrías surrealistas).
Na semana do 6 ao 10 de novembro o alumnado de 4º de Educación Primaria coñeceu a Realidade Aumentada.
Primeiro fixeron o seu propio Merge Cube en cartulina blanca. Despois descargamos na tablet as aplicacións Merge Object Viewer, Merge Explorer e Merge HoloGlobe.
A continuación accederon ao menú de ciencia no visor de obxectos e escolleron a colección de anatomía humana, onde puideron ver os diferentes aparellos e órganos que compoñen o corpo humano e observaron cómo os obxectos se animaban e cobraban vida.
Foi unha experiencia moi bonita e que repetiremos en vindeiros temas.
Aquí vos deixamos un video para que vexades o ben que o pasaron.
O xoves 5 de maio de 2022 na clase de 6º tivemos un obradoiro para aprender a crear videoxogos.
Primeiro fixemos un repaso pola historia dos videoxogos: cando apareceron os primeiros, como eran, as primeiras videoconsolas e os pasos que tiñamos que seguir para deseñar o noso videoxogo.
Unha vez que isto nos quedou claro era o momento para pensar no que queriamos crear e como o iamos deseñar, entre toda a clase fixemos unha chuvia de ideas, eleximos o que máis nos gustou, e se puidese facer no tempo que tiñamos, e a crear.
Para crealo utilizamos unha páxina Web que se chama "MakeCodeArcade". É unha páxina na quepodemos ir programando o que queremos que faga o noso videoxogo, eleximos personaxes, fondo… Era un programa moi parecido a Scratch. Tiñas que poñer carpetiñas e códigos...
Creamos todos un mesmo videoxogo pero con diferentes variantes, por exemplo cada un elexiu as súas personaxes e paisaxes.
Cando acabamos todos de facer o videoxogo déronnos unhas maquiniñas pequenas para enchufalas no ordenador portátil. Cada un probou o seu xogo e tamén o dos nosos compañeiros/as.
Foi moi divertido esperamos volvelo repetir.
(Texto elaborado polo alumno ADRIÁN SOUTO GONZÁLEZ)
No segundo trimestre o alumnado de segundo de primaria fixo os seus propios robots "BRISTLEBOT" (un robot simple feito a partir dun cepillo de dentes e un motor vibratorio).
Os materiais que necesitamos foron:
motor vibratorio 6mm
batería de botón LR44
cepillo de dentes
ollos adhesivos
limpiapipas
cinta adhesiva de dúas caras
Primeiro cortámoslle o mango ao cepillo de dentes deixando so a cabeza, a continuación puxémoslle a cinta adhesiva na parte de arriba, pegamos o motor de vibración enriba (colocando un dos cables do motor na cinta e o outro no aire), despois colocamos a pila de botón enriba da cinta co lado negativo cara abaixo. A continuación agregámoslle as patas, que as fixeron cos limpiapipas, entre o motor e a pila e por último pegámoslle os ollos. E xa estaban listos para pintar.
No video que tendes a continuación podedes ver algo do proceso e o ben que o pasaron creando os seus propios robots.
O alumnado de 2º de primaria estivo facendo os seus primeiros circuitos en papel con cinta de cobre, leds e pilas, aproveitando a festividade do Samaín para participar na CODEWEEK (Semana Europea da Programación).
Era a primeira vez que utilizaban a cinta de cobre e gustoulles moito. No video podedes ver o resultado do seu traballo.
Os días 18 e 19 de maio achegouse ao centro a Aula STEAM itinerante "Afundación escolares" para facer varios obradoiros co alumnado do centro.
O primeiro obradoiro de robótica básica: ¨De cando o pincel e o lapis se enfurruñaron e non quixeron compartir cadro¨ o 18 de Maio, para o alumnado de 4º, 5º e 6º de E.I. e 1º, 2º e 3º de E.P.
O segundo obradoiro de electrónica básica, scratch e programación con microbit:¨A arte das emocións¨ o 19 de maio, para 4º, 5º e 6º de E.P.
Foi unha experiencia moi bonita e o alumnado desfrutou moitísimo. Nos seguintes vídeos podedes ver o ben que o pasaron.
Desta volta a actividade desenvolveuse nas aulas, coa axuda dos titores e titoras, establecimos varias categorías e formas de presentación (máis liberdade para os cursos máis altos).
O certo é que quedamos gratamente sorprendidas co nivel das achegas e coa creatividade demostrada en certos cursos.
Aquí vos deixamos as recopilacións dos mesmos:
En primeiro lugar as vídeo-creacións do alumnado de 5º e parte de 6º :
Queremos parabenizar ao alumnado de 5º de primaria pola calidade das súas presentacións/vídeos/animacións e a súa titora Asunción que os e as asesorou no seu traballo. Son fantásticas:
En segundo lugar, achegámosvos os 3 gañadores e gañadoras de 5º e 6º de primaria, que tamén presentaron as súas creacións en lingua Inglesa ( que elaboraron coa colaboración do profe Javi)
En terceiro lugar presentámosvos as creacións do alumnado de 4º de primaria e parte do de 6º ( en formato dixital, tamén moi orixinais ) a través dun ISSUU
E por último , todas as creacións ( en formato folio) do alumnado de ED. iNFANTIL, 1º, 2º e 3º quedaron expostas na entrada da nosa Biblioteca escolar para que toda a Comunidade Educativa poida velas e desfrutalas tanta coma nós.
Para o xurado (formado polas integrantes do equipo de biblioteca) foi moi moi difícil decidir quen ía ser o gañador ou gañadora, porque a calidade das aportacións foi boísima.
MOITÍSIMAS GRAZAS A TODOS E TODAS POR PARTICIPAR, POR IMPLICARSE , POR COMPARTIR E CREAR E SOBRE TODO
Todo o alumnado de sexto de primaria participou na montaxe dos escornabots que nos deron tras participar na xornada de formación das Bibliotecas creativas, nas que entramos neste curso. Foi unha experiencia moi positiva para todos eles. Agora toca elaborar plantillas para poder utilizalos.
No seguinte video podedes ver todo o proceso. Esperamos que vos guste.
