Skip to Content

                              

Novas

RESERVA DE PRAZA NO IES CHAMOSO LAMAS 23-24

Lun, 16/01/2023 - 10:57 — admin

Desde o 16 de xaneiro, e ata o 6 de febreiro, está aberto o prazo de Reserva de praza para o alumnado de 6º curso que desexe continuar os seus estudos no IES CHAMOSO LAMAS.

Para presentar unha solicitude deberá seguir algunha das opción descritas a continuación:

Dende esta páxina https://www.edu.xunta.gal/admisionalumnado/

1. Cubrir a solicitude informáticamente e presentala asinada de xeito manual no centro:
Para presentar a solicitude presencialmente no centro deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro.

2.Cubrir a solicitude informáticamente e asinala en Sede Electrónica: 
Para presentar a solicitude a través da Sede Electrónica deberá acceder a admisionalumnado con usuario de Chave365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar a solicitude.

IMPORTANTE: Debe achegar, na Sede Electrónica da Xunta de Galicia, o anexo dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, última páxina da solicitude que pode visualizar e descargar nesta aplicación)

3. Cubrir a solicitude manualmente e presentala asinada presencialmente no centro:

Se desexades cubrila manualmente deixo o enlace aos seguintes documentos

SOLICITUDE DE RESERVA

Se non desexa solicitar praza en dito instituto, pero presentou o ANEXO I,  deberá facelo constar por escrito no IES CHAMOSO LAMAS antes do inicio do proceso de Admisión. Posteriormente deberá solicitar praza noutro centro entre o 1 e o 20 de marzo, entregando o ANEXO II, debidamente cumprimentado, no centro que desexe continuar os seus estudos.

O resto do alumnado, desde Ed. Infantil ata 5º Ed. Primaria, que este ano estivo matriculado no noso centro, ten Reservada praza de oficio no centro polo dereito de Permanencia. Se decide solicitar praza noutro centro ten que achegarnos unha copia da solicitude de admisión entregada nese novo centro

Lexislación aplicable

DECRETO 13/2022, do 3 de febreiro

ORDE do 21 de outubro de 2022 pola que se desenvolve o Decreto 13/2022

 

Implantación provisional do sentido único por obras

Lun, 17/10/2022 - 17:37 — admin

O Concello implantou provisionalmente, desde hau uns días, o sentido único na rúa Evaristo Riande, por mor das obras do aparcamento do futuro centro de saúde de Boborás. Este sentido único facilita adecuadamente a xestión do tráfico, sendo de OBRIGADO CUMPRIMENTO por parte de todos e todas. Máis información.

 

Un saúdo.

A dirección.

 

 

 

 

 

ALUMNADO DE NOVA INCORPORACIÓN PARA O CURSO 2022-2023

Mar, 26/04/2022 - 04:38 — admin

Está publicada no taboleiro do edificio do CEIP Nosa Señora de Xuvencos a listaxe de alumnado de nova incorporación admitido para o curso 2022-2023.

 

Informamos que todo o alumnado que fixo a solicitude en prazo está admitido.

Recordamos que teredes que realizar a matrícula entre o 23 e o 30 de xuño de 2022. Publicaremos a documentación necesaria con antelación.

 

XORNADA DE PREVENCIÓN DAS ADICCIÓNS NA ADOLESCENCIA

Xov, 18/11/2021 - 07:56 — admin

Mañá venres, 19 de novembro, as 16:30 h terá lugar unha Xornada de Prevención das Adiccións con e sen substancia na Adolescencia, organizada polo Servizo de Prevención de Condutas Adictivas (Mancomunidade de concellos de O Carballiño e Concello de O Carballiño), en colaboración coa Universidade de Santiago de Compostela.

 

DISCAPACIDADE: XORNADA DE SENSIBILIZACIÓN

Ven, 07/05/2021 - 18:00 — admin

O venres 7 de maio achegáronse ata o noso centro Tati e Delfín, da Asociación de Persoas con Discapacidade de Ourense (Discafis-Cogami) para facer unha xornada de sensibilización sobre a discapacidade, acercando desta maneira a realidade deste colectivo ao alumnado do centro.

Traballaron a discapacidade en torno ao conto "4 Esquinitas de nada" onde fixeron partícipes as nenas e nenos, ademais de pintar un medallón cun círculo ou cun cadrado, segundo elixiron cada un.

Faláronlles dos distintos tipos de discapacidade: sensorial, motora, intelectual e psíquica;e algunhas barreiras arquitectónicas coas que se atopan estas persoas (nos autobuses, edificios, cines, supermercados,..) qué pasa cando aparcamos enriba dun paso de peóns, por qué non podemos aparcar no sitio de minusválidos.

E tamén lles preguntaron qué cousas creían que podía facer Delfín, nadar, conducir, cociñar,...

E por último fixeron un pequeno role playing para que puideran coñecer algunha discapacidade física, podendo montar na cadeira de rodas e poder moverse pola aula pondo algunha barreira.

Participaron na actividade o alumnado de 3-4-5 anos de Educación Infantil e 2º e 6º de Educación Primaria.

 Foi unha xornada diferente, pero na que aprenderon moitas cousas.

 Moitas grazas a Tati e a Delfín pola súa visita.

LISTAXE DE ADMITIDOS PROVISIONAL E DEFINITIVA

Lun, 26/04/2021 - 04:02 — admin

A listaxe de admitidos no CEIP Xuvencos para o curso 2021/2022 estará publicada no taboleiro de anuncios do colexio.

Todos os alumnos/as que solicitaron a praza están admitidos/as.

Existe un prazo de 5 días de reclamación.

Antes do 15 de maio publicarase a listaxe definitiva.

 

O prazo de formalización de matrícula será do 20 ao 30 de xuño.

 

Boborás 26 de abril de 2021

INFORMACIÓN COVID-19

Ven, 16/10/2020 - 18:00 — admin

Nos últimos días coñecemos a existencia de dous positivos no grupo de pais e nais colaboradores do comedor e de catro positivos no alumnado.

Desde o centro, estase a actuar segundo o protocolo, con adecuación e proporcionalidade así como coa maior coordinación posible coas autoridades sanitarias e educativas.

Como consecuencia, seguindo as instrucións recibidas polas devanditas autoridades, illáronse aqueles membros da comunidade educativa, neste caso, pais e nais colaboradores do comedor e alumnado, por ser contactos estreitos. Todas estas persoas foron, de acordo ó protocolo, informadas e comunicadas adecuadamente.

Pregamos, desde o centro, que continuemos a extremar as medidas de precaución e de seguridade por parte de todos e todas e facemos un chamamento á prudencia e á normalidade para garantir o bo funcionamento do centro educativo.

Ante calquera dúbida, lembramos a conveniencia de solventala directamente co centro, a través do correo electrónico, do teléfono e, de non ser posible, presencialmente, con cita previa.

Moitas grazas.

Un saúdo.

 

Boborás, a 16 de outubro de 2020

O director

 

Javier Álvarez

NOTA INFORMATIVA

Xov, 24/09/2020 - 18:00 — admin

A adaptación a este curso tan atípico e delicado está a complicar en exceso as labores docentes e de garda do alumnado en servizos como o comedor escolar.

Debido á situación excepcional pola Covid-19 e por falta de recursos de espazo, atendendo a criterios de adecuación e de seguridade, agradecemos ás familias que, no caso de que sexa posible, recollan ás 14:30 h ós fillos e fillas que coman no 1º turno de comedor.

As familias que teñan fillos/as nos dous turnos non estarían afectadas por esta nota informativa.

 

Boborás, 25 de setembro de 2020.

PLAN DE ADAPTACIÓN AO COVID19

Xov, 17/09/2020 - 18:00 — admin

FONDO SOLIDARIO DE LIBROS DE TEXTO

Mér, 08/07/2020 - 09:00 — admin

Xa están dispoñibles no taboleiro interior do centro as listaxes de admitidos e excluídos do fondo solidario de libros de texto.

Por protección de datos non se publicarán as listaxes na páxina web.

As persoas interesadas poderán reclamar nos dous (2) días seguintes á publicación da listaxe provisional.

O plazo para as reclamacións é ata o venres, 10 de xullo.

Horario do centro: de 10 a 13 h.

Distribuir contido