Skip to Content

                              

Novas

ABERTO O PRAZO DE ADMISIÓN DE MEMBROS DA COMUNIDADE EDUCATIVA DO CENTRO COMO COLABORADORES VOLUNTARIOS NAS TAREFAS DE ATENCIÓN E APOIO AO ALUMNADO USUARIO DO COMEDOR ESCOLAR DURANTE O CURSO 2019-2020

Mér, 26/06/2019 - 12:00 — admin

As nais, os pais, os/as titores/as legais e os/as acolledores/as familiares do alumnado deste centro de ensino, que desexen, ao longo do curso 2019-2020, colaborar de xeito altruista nas tarefas de atención e apoio aos escolares usuarios do comedor escolar, poderán apuntarse nas listas de admisión, que, habilitadas para este fin, se atopan na Dirección.

O prazo para presentar solicitudes permanecerá aberto ata o día 11 de setembro de 2019, podéndose reabrir un novo prazo, de ser o caso, ata o 21 de decembro de 2019.

San Valentín 2014

Ven, 21/02/2014 - 21:28 — Xuvencos
 
O día de San Valentín realizamos as seguintes actividades:

Entroido 2014

Ven, 21/02/2014 - 19:52 — Xuvencos

Un ano máis imos celebrar o entroido no cole de Boborás.

Coma o ano pasado, neste libro web iremos reflictindo todas as novas en relación á celebración do entroido 2014 no noso centro.

Este ano tamén cumpriremos as mandas que o meco nos vai marcando para cada día da semana.

Volveremos a realizar o desfile de entroido o xoves de comadres e a el está invitada toda a comunidade educativa. Ao remate teremos a tradicional chocolatada.

O concurso de disfraces volverá a ser o venres, como despedida do entroido2014.

Durante toda a semana cumpriremos as mandas do meco.

Animámosvos a participar a todas e todos!!

Feliz entroido!!

Solicitude de praza para o curso 2014/2015

Lun, 03/02/2014 - 07:08 — Xuvencos

Desde o 1 de febreiro e ata o 15 do mesmo mes está aberto o prazo de Reserva de praza para o alumnado de 6º curso que desexe continuar os seus estudos no IES Chamoso Lamas. Dito alumnado deberá presentar no noso centro o ANEXO I debidamente cumprimentado. Se non desexa reservar praza en dito instituto deberá facelo constar por escrito antes do 28 de febreiro e solicitar praza noutro centro entre o 1 e o 20 de marzo, entregando o ANEXO II debidamente cumprimentado no centro que desexe continuar os seus estudos.

O resto do alumnado, que este ano estivo matriculado no noso centro, ten Reservada praza de oficio no centro. Se decide solicitar praza noutro centro ten que achegarnos unha copia da solicitude entregada nese novo centro.

Desde o día 1 de marzo e ata o 20  do mesmo mes está aberto o prazo de solicitude de praza no noso centro para novo alumnado ou procedente doutros centros educativos. Por mor da previsión de matrícula para o próximo curso, non deixedes a solicitude de praza para última hora.

O procedemento está regulado polo Decreto 254/2012 e unha Orde que o desenvolve.

Listaxe de admitidos para o curso 2014/2015

O alumnado admitido deberá formalizar a matrícula entre o 20 e 30 de xuño.

 DOCUMENTOS

 DESCARGA
 Reserva de praza no centro ou IES. Do 1 ao 15 de xaneiro. ANEXO I.

 Solicitude de praza no centro do 1 de marzo ao 20 de marzo. ANEXO II.

 Formalización de matrícula. Do 20 ao 30 de xuño. Requisitos necesarios.

 Documentación que acompañará á matrícula.

 Solicitude de lingua materna en Ed. infantil
 Solicitude de matrícula na área de relixión.

 Autorización para usar as imaxes do alumnado con fins educativos.

Tríptico Informativo
Renuncia á reserva de praza no IES Chamoso Lamas

Obradoiro de drupal

Lun, 02/12/2013 - 21:26 — Xuvencos

Logotipo de Drupal Recursos para a sesión do 12 de febreiro:

Normativa de comedores

Mar, 10/09/2013 - 20:28 — Xuvencos

Este curso escolar a Consellería de Educación publicou unha nova normativa para o Servizo do Comedor, segundo a cal se establecen 4 modalidades:

  • Alumnado con gratuidade total.
  • Alumnado que abonará 1 € diario.
  • Alumnado que abonará 2,5 € diarios.
  • Alumnado que abonará 4,5 € diarios.

Os solicitantes de praza no comedor deberán cumprimentar o seguinte documento e presentalo asinado na Secretaría do centro.

Nos seguintes documentos podedes ver a regulamentación que está en vixencia.

Reunión dos titores cos pais e nais

Ven, 30/08/2013 - 23:53 — Xuvencos

O xoves 12 de setembro realizaremos a primeira reunión cos pais e nais do alumnado de Educación Primaria e Ed. Infantil, para informar do desenvolvemento do novo curso escolar e das novas acontecidas desde o remate do curso pasado.

Os familiares do alumnado de Educación infantil terán unha charla informativa o primeiro día de clase ao traer aos nenos ao colexio.

Na reunión porase de manifesto que a coordinación familia/escola ten que funcionar da mellor maneira posible, o que repercutirá na mellora da calidade educativa do centro, sendo os principais beneficiados o alumnado do colexio.

Facilitarase a seguinte información na reunión:

  • Nova normativa de comedor. (Moi importante)
  • Normativa de transporte.
  • Horario do centro.
  • Fichas de datos.
  • Horarios do alumnado.
  • Información sobre os diferentes Plans que se están a desenvolver no centro:
    • Proxecta, PROA, PLAMBE, Abalar, Fomento do Galego, Linguas estranxeiras...
  • Ao rematar a reunión xeral, os titores informarán nas súas clases, aos familiares do alumnado, sobre diversos aspectos a ter en conta no desenvolvemento do curso escolar 2013/2014.

NON FALTEDES !!

Solicitude de praza curso 2013/2014

Xov, 04/04/2013 - 20:51 — Xuvencos

Desde o día 5 de abril e ata o 17  do mesmo mes está aberto o prazo de solicitude de praza no noso centro. Como non temos problemas de praza, podedes solicitar praza ao longo de todo o ano, aínda que vos recomendamos que o fagades o máis pronto posible para non levar sorpresas de última hora.

Este ano cambiou o procedemento, regulado por un novo Decreto e unha nova Orde que o desenvolve.

Calendario de prazos.

 DOCUMENTOS

 DESCARGA
 Reserva de praza no centro ou IES. Do 18 ao 22 de marzo. ANEXO I.

 Solicitude de praza no centro do 5 de abril ao 17 de abril. ANEXO II.

 Formalización de matrícula. Do 20 ao 30 de xuño. Requisitos necesarios.

 Documentación que acompañará á matrícula.

 Solicitude de lingua materna en Ed. infantil
 Solicitude de matrícula na área de relixión.

 Autorización para usar as imaxes do alumnado con fins educativos.

Tríptico Informativo

Ata sempre Mercedes!!!

Mér, 03/04/2013 - 20:54 — Xuvencos

Esta nova que estou escribindo é desas que nunca pensas que farás, xa que é duro aceptar que non volverás a ver á persoa coa que compartiches tanto  traballo, esforzo, interese, logros, alegrías, tamén tristezas….pero enseguida te das conta de que son moitos os momentos que xamais esquecerás, que os bos recordos desta persoa perdurarán na túa vida xa que deixaron unha pegada imposible de borrar.

Como podedes adiviñar pola imaxe, estou a falar da nosa querida amiga e compañeira de traballo ata fai pouco, Mercedes… “profe” para moitos de vós, ou de vosos pais e nais,  ao longo destes últimos 30 anos.

Foi unha persoa exemplar, e moi dilixente, no desenvolvemento do seu traballo como mestre, o que lle valeu ás veces inxustamente para ter fama de moi ”dura” xa que ao convivir de cerca con ela, observabas que todo o que facía no aula era sempre na busca da mellora e progreso do seu alumnado, calidade que non sempre se lle recoñece a un mestre e que eu subliño intencionadamente no caso de Mercedes.

Agora que descansas en Paz, e nos observas desde o Ceo, que saibas que sempre te recordaremos e vivirás na nosa memoria.


Ata sempre Mercedes!!

Galicia Style

Xov, 28/02/2013 - 21:42 — Xuvencos

Esta é a letra do Flashmob que realizaremos o 21 de marzo, na convivencia de EDL da comarca do Arenteiro que se celebrará no Irixo, en defensa e promoción do idioma galego.

GALICIA STYLE


O galego é guai.... galegoguai
Somos de Galicia que é un sitio especial
aquítemos de todo, quenlledera á capital
praias, bosques, leiras, fragas, ave e moitomáis
Ven aquí e o comprobarás.

Isto é Galicia, man
se ti queres ven con nós e pasaralo ben.
Canta, baila, moveyourbody e salta tamén
e se non che gusta o baile vente con alguén...
É o Edén.

Con San Amaro e Boborás disfrutarás e reirás.
Vente óIrixo,
xoga en galego
falatamén,
iso está ben.
O idioma que teuspais conservaron para ti...ti...ti...ti...ti....

O galego é guai....galegoguai...
Eeeeeeeehh fala galego!
O galego é guai.... galegoguai


Somos de Galicia que é un sitio especial
aquítemos de todo, quenlledera á capital
praias, bosques, leiras, fragas, ave e moitomáis
Ven aquí e o comprobarás.

Con San Amaro e Boborás disfrutarás e reirás.
Vente óIrixo,
xoga en galego
falatamén,
iso está ben.
O idioma que teuspais conservaron para ti...ti...ti...ti...ti....

O galego é guai....galegoguai...
Eeeeeeeehh fala galego!
O galego é guai.... galegoguai


3:06 minutes (2.85 MB)
Distribuir contido


by Dr. Radut