BENVIDOS E BENVIDAS AO NOSO CENTRO

TABOLEIRO DE SECRETARÍA

 

FONDO SOLIDARIO DE LIBROS DE TEXTO E AXUDAS PARA ADQUIRIR LIBROS DE TEXTO E MATERIAL ESCOLAR 2022-2023

No DOG DO 18 de maio de 2022, publícase a Orde do 29 de abril de 2022 (EXTRACTO) pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/2023.

NORMAS XERAIS

  • O Prazo de presentación de solicitudes será do 19 de maio ao 22 de xuño.
  • So se presentará unha única instancia para todos os fillos e fillas admitidos no mesmo centro para o curso 2022/2023.
  • As solicitudes pódense presentar das seguintes formas:

        - De xeito manual, recollendo o modelo na secretaría do centro ou descargandoos  aquí. ANEXOS  I ANEXO II.

         - Na Aplicación Fondolibros. Unha vez cuberta e co número de solicitude asignado, poden imprimila e entregala no centro. Tamén se pode presentar a través Sede Electrónica da Xunta de Galicia.

DOCUMENTACIÓN A PRESENTAR

  • Anexo I (deberá vir asinada polos dous proxenitores)
  • Anexo II para a comprobación dos membros computables da unidade familiar, agás o solicitante.
  • Copia do libro de familia, onde figuren os membros computables da unidade familiar.
  • En caso de separación ou divorcio deberase achegar a sentenza xudicial e/ou convenio regulador onde conste a atribución da custodia do/a menor.
  • Certificado acreditativo do grao de discapacidade.

 

 PRAZOS

  • 21 de xuño: Data límite para a entrega dos libros do fondo emprestados neste curso 2021/2022.
  • 22 de xuño: Data límite para a entrega da solicitude e documentación para as axudas para os libros do curso 2022/2023.
  • 27 de xuño: Publicación da resolución provisional no taboleiro do centro.
  • 28 e 29 de xuño: Período de reclamación á adxudiación provisional.
  • 30 de xuño: Publicación da relación definitiva no taboleiro do centro.
  • Do 4 ao 8 de xullo: Entrega dos vales de libros e material aos solicitantes que teñen dereito

 

 

ADMISIÓN ALUMNADO CURSO 2022-2023

                                                                                                      AVISO

 Rematado o prazo de presentación de solicitudes de admisión para o vindeiro curso escolar 22-23  neste centro presentáronse:

-19 solicitudes para 4º de Educación Infantil, habendo 25 prazas vacantes.

-21 solicitudes para 1º de Educación primaria, habendo 26 prazas vacantes.

-2 solicitudes para 3º de primaria, habendo 3  prazas vacantes.

 

Dado en ningún curso se superou o número de vacantes, todas as solicitudes quedan admitidas.

Seguiremos publicando as novidades na páxina web do centro e no taboleiro de anuncios do centro.

Lembrámoslles que o prazo de formalización de matrícula abrangue do 20 ao 30 de xuño.

  

 

SOLICITUDE DE ADMISION CURSO 2022-2023

PRAZO DE SOLICITUDE: DO 1 AO 21 DE MARZO

DOCUMENTACIÓN A PRESENTAR 

- Solicitude de admisión debidamende cumprimentada e asinada (modeloED550B)  que facilita o centro ou a través da aplicación admisionalumnado.

   -Fotocopias do libro de famila:

        -folla de inscrición do neno/a.

        -folla de inscrición do matrimonio ou titulares.

        -folla de inscrición de irmáns matriculados no do centro  ( de ser o caso).

-Fotocopia do DNI do alumno/a ( de telo), pai e da nai ou titores legais.

-Informe médico.

-Fotocopia da cartilla de vacinacións.

-Fotocopia da tarxeta do seguro médico.

-Certificado de convivencia expedido polo Concello que acredite o domicilio de todos os membros da unidade familiar.

-Dúas fotos tamaño carné  (co nome por detrás).

INFORMACIÓN IMPORTANTE

-Cada alumno/a só pode presentar unha única solicitue no centro que solicite en primeiro lugar, advertindo que a infracción determinará a perda dos dereitos de prioridade que podan corresponderlle.

-A solicitude terá que estar preferiblemente asinada polos dous titulares da patria potestade ou representantes legais. No caso de separación ou divorcio será necesaria a sinatura de ambas/os proxenito‑ ras/es, agás que a patria potestade estea atribuída, con carácter exclusivo, a un deles. En ambos casos, será necesario presentar, xunto coa solicitude de admisión, a resolución xudicial correspondente para o seu cotexo polo centro educativo.

-O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

NECESIDADE DE BAREMACIÓN

 No suposto de que exista máis demanda que oferta de postos escolares, abrirase un prazo de 10 dias hábiles, contados a partir dos dous dias seguintes ao remate do prazo para presentar a documentacón xustificativa dos criterios de baremación alegados.

 

Proceso de admisión regulado na Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos, modificada pola Orde do 25 de xaneiro de 2017 e a Orde do 18 de decembro de 2020.

 

 

 

CARREIRA DAS LETRAS GALEGAS

O PASADO VENRES DÍA 20 DE MAIO, OS NENOS E NENAS DO MATO VIZOSO, FOMOS AO ESTADIO DA MAGDALENA PARA PARTICIPAR NA CARREIRA DAS LETRAS GALEGAS XUNTO COS NENOS E NENAS DOS OUTROS COLES DO CONCELLO. ADEMAIS VIMOS A ACTUACIÓN DE UXÍA LAMBONA E A BANDA MOLONA!!! 

QUE BEN O PASAMOS!  (Pinchade na foto e poderedes vernos)

LETRAS GALEGAS

O IDIOMA É A FALA

QUE NOS XUNGUE E SOSTÉN

¡SE PERDEMOS A FALA

NON SEREMOS NINGUÉN!

Para celebrar o día da nosa lingua e recordar este ano a FLORENCIO DELGADO GURRIARÁN, os nenos/as do Mato Vizoso fixemos unha festa na que aprendemos cantigas e bailes populares acompañados de Montse Rivera e Mercedes co espectáculo ARMADANZAS. Así seguimos mantendo viva a nosa fala e a nosa cultura. 

Pinchade na foto e veredes que ben o pasamos 

OS CONTOS DA TITIRITESA

O pasado luns os nenos/as de infantil e primeiro de primaria, disfrutaron moito con Celtia "DA Xanela do Maxín" e o seu espectáculo "OS CONTOS DA TITIRITESA".

DÍA DO LIBRO

Para celebrar o DÍA DO LIBRO, o pasado venres recollemos uns agasallos sorpresa na biblioteca do cole .................. A ler !!

VISITA DO ALUMNADO DE 4º DE EDUCACIÓN PRIMARIA AO CASTRO DE VILANDONGA

Hai uns días, o alumnado de 4º de educación primaria visitou o Castro de Viladonga. Alí coñeceron como vivían os nosos antepasados, traballaron o barro e... aprenderon moitas cousas que podedes ver se pinchades na foto. 

VISITA DO ALUMNADO DE 2º DE PRIMARIA A EXPONAV

O pasado venres os nenos e nenas de 2º de primaria visitaron Exponav en Ferrol e  RECIBIUINOS UN PIRATA!!!!!!!!!!

Queredes velo? Pinchade na foto.


8 DE MARZO "DÍA DA MULLER TRABALLADORA"

Dende aquí a nosa homenaxe a tódalas mulleres loitadoras que traballan en busca da igualdade.

Traballo dos máis pequenos.

 

 

Traballo dos maiores.

 

ENTROIDO NO MATO VIZOSO

Un ano máis non celebramos o ENTROIDO como nos gustaría. O MECO non puido asistir ao centro por estar confinado, pero nós seguimos ao pé da letra os seus mandatos. 

O martes para empezar,

un sombreiro na cabeza levarás.

.........

 

E o venres veña festa!

Pinchade na foto e disfrutade da festa.

 

DÍA DE ROSALÍA

Rosalía de Castro naceu un 23 de febreiro hai 185 anos.Coincidindo con esta efeméride, no noso colexio homenaxeamos á escritora galega máis universal...."SEMPRE ROSALÍA". Pinchade na foto e no link para ver os nosos traballos.

 

 

 

https://drive.google.com/file/d/1UnOn5asWfVknkCIwEQvokerzb9MyGkwp/view?usp=sharing

Distribuir contido