CEIP MANUEL RODRÍGUEZ SINDE

Este ano, debido á situación actual, non poderemos gozar do concerto didáctico que habitualmente nos ofrecían desde o Conservatorio de A Guarda. Compartimos a información que nos fan chegar:

Nestes intres está aberta a de reserva de praza para o curso 2021-2022 no CONSERVATORIO DE MÚSICA DE A GUARDA. Si che gusta a música e estás interesado en aprender a tocar un instrumento, a estudar música, a coñecer novos compañeiros non o dubides e fai xa a reserva. Podes facela cubrindo un pequeno formulario na nosa páxina web https://www.edu.xunta.gal/centros/cmuselementalaguarda/

Este venres día 30 de abril, faremos unha homenaxe á nosa querida compañeira Elsa. Decidimos que un lugar do centro debería levar o seu nome, e que mellor lugar que a horta escolar, ese lugar especial que ela puxo en marcha e no que, coma sempre, puxo tanto traballo e amor. Debido á situación que vivimos, moi ao noso pesar, non podemos realizar un acto con moita xente. As familias que o desexedes podedes colaborar enviando a través das vosas fillas ou fillos unha flor (preferiblemente co talo longo) que se colocará no portal de acceso á horta de Elsa.

Entre o 12 e o 29 de abril (ambos incluídos) estará dispoñible a enquisa sobre a convivencia no noso centro. Para respondela deberedes usar o código que vos chegou a través das vosas fillas ou os vosos fillos. Este código só se pode empregar unha vez. Esta enquisa é totalmente anónima.

Existen cuestionarios para cada sector. Para acceder a eles facede click no apartado correspondente:

• Cuestionario para as familias.
• Cuestionario para o alumnado de 5º e 6º (faise no cole)
• Cuestionario para o profesorado.
• Cuestionario para o persoal non docente.

No arquivo adxunto de abaixo tedes un documento con respostas a dúbidas frecuentes.

O pasado venres día 2 celebrouse o Día Mundial do Autismo co lema "Podo aprender. Podo traballar". Desde o Sinde sumámonos a esta conmemoración co seguinte vídeo:

O teu navegador non soporta este vídeo.

Este ano a Festa de Nadal tivo que ser diferente. Non puidemos facer o tradicional festival pero fixemos outras cousas, un escape room, visionamento do Festival virtual, unha peli e unha vídeochamada con Papá Noel que nos enviou os agasallos pedidos para nós pola ANPA Citania. A seguir tedes un vídeo de resumo desta día.

Este ano, lamentablemente, non podemos facer o habitual festival de Nadal pero temos un festival virtual espectacular. Esperamos que vos guste. Felices festas e saúde para todas e todos!

3 anos

4 anos

O alumnado de Sinde amosou ter capacidades moi interesantes e distintas que nos lembran que ser diferentes é moi divertido.

Con este video conmemoramos o día da disCAPACIDADE.

Desde o Equipo de Dinamización da Lingua Galega propuxeron inventar un poema e rapealo. Temos un alumnado con moito flow.

1º de Primaria

rap

2º de Primaria

3º de Primaria

O pasado mércores celebrouse no Sinde o Día Internacional para a Eliminación da Violencia contra a Muller. A continuación tedes o resultado:

Seguiremos a traballar para lograr a eliminación desta lacra social.

Este ano queremos celebrar o Día da Capacidade. Para iso estamos a organizar unha actividade na que o alumnado nos envíe de xeito voluntario un vídeo coas súas mellores habilidades. Na seguinte imaxe tedes máis información:

A profe Jenny creou este vídeo titorial por se vos pode facilitar o traballo na aula virtual do centro coas vosas fillas e fillos:

O alumnado do Sinde e as súas familias enviáronnos as fotos das súas cabazas. Son terrorificamente marabillosas!

Velaí o vídeo no que as podedes ver:

Rematou o concurso de Pilabot. Xuntamos máis de 100 kilogramos de pilas. Moitas grazas pola vosa colaboración!

Lembramos que o próximo mércores día 23 non haberá clases por ser día festivo local.

Velaí novas e divertidas formas coas que nos podemos saudar: