A través da ANPA Citania solicitaron ao centro un espazo para aparcar bicicletas e patinetes. Vaise a probar a habilitar o lado dereito segundo se sube (pegado á varanda verde) da rampla de acceso ao ximnasio pola porta metálica. Poderanse encadear aos ferros pero deben quedar correctamente colocados de xeito que non obstaculicen o acceso ao centro a persoas con mobilidade reducida e persoal autorizado exclusivamente.

Obviamente desde o centro non nos podemos facer responsables do que lle poida pasar aos vehículos durante a súa permanencia dentro do recinto.

Vémonos o martes día 2 de abril

Este é o vídeo que lle dedicamos a Estela Doiro na súa visita ao centro:

Na seguinte ligazón tedes información sobre a xustificación de faltas de asistencia por consultas médicas, enfermidades ou indisposicións.

Este curso participamos no programa Radio na biblio. Dentro deste queremos contar cun logotipo para a nosa Radio Papaventos. Polo tanto, convocamos o seguinte concurso:

1. O logotipo para a Radio Papaventos deberá estar relacionado coa radio e co nome desta.
2. Poderá participar tanto o alumnado coma as súas familias.
3. O logotipo será escollido polo equipo de biblioteca e o de radio.
4. O alumnado usará a plantilla dispoñible para debuxar o seu logotipo e entregará o seu deseño (1 por neno/a) á súa titora.
   
5. O prazo de entrega de deseños remata 31 de xaneiro de 2023.
6. Poderase declarar o premio deserto.

Números premiados no sorteo das cestas de Nadal organizado pola ANPA Citania:

O período de vacacións de Nadal abrangue desde o día 23 de decembro ata o día 6 de xaneiro de 2023. 

As clases comezarán o luns día 9 de xaneiro de 2023.

INFORMACIÓN SOBRE O REMATE DO TRIMESTRE

• O período de vacacións de Nadal abrangue desde o día 23 de decembro ata o día 6 de xaneiro de 2023.  As clases comezarán o luns día 9 de xaneiro de 2023.
• O martes día 20 de decembro, en horario de 16:00 a 19:00 horas, o profesorado recibirá ás familias que o desexen para informar sobre o rendemento académico do alumnado durante este primeiro trimestre.
• Os boletíns de cualificacións entregaránselles ao alumnado o xoves, día 22 e tamén serán publicados en Abalar móbil.
• O mércores21 de decembro, a partir das 9:30 horas teremos no ximnasio o festival de Nadal para as familias, ao que estades todas e todos invitados/as
• O xoves 22, o festival será para o alumnado do colexio a partir das 9:30 horas. Recibiremos aos Reis Magos e degustaremos a chocolatada organizada pola ANPA. Formas de colaborar:            
• Para xerar o menor número de refugallos posibles invitámosvos a que cada nena e cada nenotraian da casa unha cunca de asa para o chocolate- Aportando 50 céntimos que serán entregados ás titoras.
• Botando unha man para levala a cabo (montar mesas, preparar chocolate, servir, recoller,...)
• Participando no concurso de biscoitos caseiros. Os xuíces serán os reis magos e o resto repartirase entre o alumnado como acompañamento ao chocolate
• Para as dúas últimas é preciso informar previamente a través do correo: info@anpacitania.es
• Tamén vos convidamos a presenciar a participación do alumnado nos xogos que se levarán a cabo no pavillón o xoves día 22 a partir das 13:15 horas aproximadamente.

BOAS FESTAS!

No taboleiro situado na porta de acceeso ao centro está dispoñible a información sobre os resultados das votacións para as eleccións de representantes do profesorado e das familias ao Consello Escolar.

O 2 de maio de 2023 foi escollido como Día de Conveniencia Pedagóxica polo que non haberá clases de acordo coa
Orde do 20 de maio de 2022 pola que se aproba o calendario escolar para o curso 2022/23 nos centros docentes sostidos con fondos públicos na Comunidade Autónoma de Galicia.

COMUNICACIÓN Á COMUNIDADE ESCOLAR SOBRE O INICIO DO PROCESO ELECTORAL

Ponse en coñecemento da Comunidade Educativa (mestres/as, pais/nais e persoal de administración e servizos) deste Centro que o pasado venres, 28 de outubro, ás 14:00 horas, na secretaría do centro iniciouse o proceso de eleccións para a renovación parcial dos membros do Consello Escolar, coa elección por sorteo público dunha mestra ou mestre, unha representante do persoal non docente e unha persoa representande das familias para a composición XUNTA ELECTORAL . Os resultados do sorteo están publicados no taboleiro da entrada ao centro.

Nestas eleccións corresponde renovar 3 representantes do profesorado, 2 representantes do sector pais/nais e o representante do persoal de administración e servizos.

De conformidade co establecido na Resolución do 19 de setembro de 2022 da Secretaría Xeral de Educación e Formación Profesional, realizarase proximamente neste Centro a renovación dos membros do CONSELLO ESCOLAR que é o instrumento de participación na vida escolar de todos os sectores educativos do Colexio.

O vindeiro venres día 28 de outubro de 2022, ás 8:55 horas na secretaría do Centro, procederase ao sorteo público –ao que vostedes poden asistir– para a designación dos membros da Xunta Electoral que se encargará de velar polo correcto funcionamento do proceso de renovación do Consello Escolar deste Centro.

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, ei ntegrada por:

 -O Director do Centro.

 -Un profesor ou profesora.

 -Un pai ou nai ou titor legal.

-Un/ha representante do persoal de administración e servizos

Aberto o prazo para a solicitude de participación no fondo de libros e nas axudas para a adquisición de libros e material escolar desde o 19 de maio ata o 22 de xuño.

Presentarase unha única solicitude para todas as fillas e fillos matriculados no centro.

A solicitude será única para todos os fillos que estean admitidos no mesmo centro docente para o curso 2022/23, e nela especificarase o nivel de estudos que espera realizar cada un deles no citado curso. Se estivesen admitidos en centros docentes distintos, presentarase unha solicitude en cada un dos centros, na que se incluirán os admitidos nese centro para o curso 2022/23. No caso de que a solicitude se
tramite por vía electrónica empregando a aplicación fondolibros, será necesaria a presentación dunha solicitude por cada alumno aínda que estean no mesmo centro.

Ademais da presentación presencial no centro, igual que no curso anterior, os cidadáns e cidadás poderán realizar a solicitude accedendo á aplicación Fondolibros, e unha vez que teñan cubertos todos os datos deberán gardala, obtendo así o número de solicitude, e posteriormente poderán optar polas seguintes formas de presentación:
•Presentación no centro: Neste caso imprimirán a solicitude e o anexo II e presentarana no centro
(debidamente asinada), xunto coa documentación (A solicitude xa terá asignado un número pola
aplicación).
•Presentación na Sede Electrónica da Xunta de Galicia

Documentación complementaria
1. As persoas interesadas deberán achegar coa solicitude (anexo I) a seguinte documentación:
a) Anexo II (comprobación de datos dos membros computables da unidade familiar).
b) Copia do libro de familia ou documento equivalente, onde figure o alumno e os demais membros computables da unidade familiar.

c) Certificado de discapacidade do/da alumno/a ou calquera membro da familia non expedido pola Administración autonómica.
d) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero, cando o agresor forme parte da unidade familiar.
e) Resolución xudicial de incapacitación con patria potestade prorrogada ou rehabilitada.

f) Resolución administrativa ou xudicial acreditativa da situación de acollemento ou do certificado do centro de menores, para o alumnado en situación de tutela ou garda da Xunta de Galicia.
g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE

Toda a información na ligazón á orde.

Anexos I e II dispoñibles nos ficheiros adxuntos e na secretaría do centro.

Finalizado o proceso de elección ao Consello Escolar do Centro, resultaron escollidas as seguintes candidaturas por parte das familias:

• Zaira Rodríguez Vicente
• Leticia Martínez Pérez
• Daniel Alonso Pérez

Ligazóns ás enquisas SELFIE

ALUMNADO (4º, 5º e 6º de Educación primaria)

PROFESORADO

EQUIPO DIRECTIVO (Inclúe coordinadoras TIC, Biblioteca, EDLG, Infantil, Voz Natura e D.O.)