Departamento de Orientación

O venres 10 de maio celebramos a Xornada de Acollida do alumnado que vén para 1ºde Primaria o vindeiro curso.

Asistiron os nenos e nenas  das Escolas de Infantil de Barrionovo e Vilarrodís coas súas mestras e familias, e tamén da gardaría Vagalume.

Esperamos que a actividade fose alegre e ilusionante para os nenos e nenas, e por suposto de achegamento ao que vai a ser o seu centro no mes de setembro.

O alumnado realizou na biblioteca do centro un debuxo, que se colgará no taboleiro do hall en setembro, se lles entregou unha camiseta, visitaron unha aula de primeiro, a aula de música, na que coñeceron a Sandra, a mestra de música e cantaron unha canción.

As familias tiveron información do centro da man da directora e xefa de estudos. E xa por último xuntámonos no comedor e pasamos todas e todos xuntos un intre en convivencia.

Foi unha xornada moi agradable. Agardámosvos en setembro!!!

Estimadas familias:

Xuntamos un díptico acerca do coidado do centro coa finalidade de recordar a súa historia, valorar os logros acadados ao longo de todos estes anos e a necesidade de transmitir aos novos membros da comunidade educativa a importancia de traballar xuntos cara á súa mellora.

Tamén aproveitar a ocasión para educar aos alumnos e ás alumnas na obriga cívica que teñen de coidar, respectar e valorar os bens comúns que comparten.

Nas titorías faranse traballos específicos acerca do tema. Podedes ver no arquivo adxunto a unidade didáctica.

Haberá unha exposición na entrada do centro que se publicará na páxina web.

Agradeceríamos que deixen ideas e propostas de mellora na caixa de suxestións instalada na planta baixa.

Traballemos xuntos por unha boa formación para todo o alumnado co centro.

Premede na imaxe para ver o díptico.