AGRUPACIÓN DE CENTROS: ACTIVOS POR LA INCLUSIÓN
1. Descrición do proxecto
O proxecto de activos pola inclusión, como o seu nome di, consiste en traballar de maneira activa todos os aspectos posibles de cara a unha inclusión efectiva, real e eficaz.
Agrupámonos catro centros de España para desenvolver o proxecto de maneira común e coordinada:
CEIP ISIDRO ALMAZÁN de Guadalajara ( centro coordinador)
CEIP EDUARDO LUCENA de Córdoba
CEIP LOS VALLES de Laguna de Duero ( Valladolid)
CEIP de GALÁN de Arteixo ( A Coruña)
A inclusión potenciarase coa aprendizaxe e a relación con outros centros educativos agrupados para o mesmo fin. Pretendemos unha formación integral do alumnado, baseándonos na información e formación. O desenvolvemento do proxecto é ao longo de dous cursos
2. Proxectos na web.
Os proxectos están expostos na web do centro e publicarase todo o relacionado co seu desenvolvemento.
3. Actividades
Realizáronse diferentes actividades neste primeiro trimestre.
Dende o mes de outubro, o profesorado de distintos niveis estivo traballando co seu alumnado actividades que estaban programadas para o primeiro trimestre e outras que foron xurdindo de aportacións do profesorado e doutros estamentos públicos que se están sumando a participar.
· Sensibilización coa deficiencia visual
Traballouse de maneira prioritaria en cuarto de educación primaria.
Mural feito polo alumnado no que aparece o alfabeto braille no seu corredor.
Xornadas de sensibilización táctil.
Aprenderon a poñer o nome en braille. Primeiros, segundos e cuartos.
· Canción tradicional adaptada
O alumnado de terceiro traballará una canción tradicional cun xogo e co uso da lingua de signos.
· Sensibilización coa deficiencia auditiva
Contamos coa visita dun mestre con implante coclear, o venres día 18 de novembro que veu dar unha charla a todo o alumnado de primaria, explicando o que é un implante coclear e a súa experiencia.
· Inclusión de alumnado con dano cerebral
O 26 de outubro recibimos a dúas traballadoras da Federación Galega de Dano Cerebral (FEGADACE) que nos trouxeron unha historia na que Mireia, dos Bolechas, conta as principais características do dano cerebral adquirido.
· Bo día
Dende a megafonía do centro estívose escoitando a música do saúdo en diferentes idiomas. Todo o alumnado do colexio aprendeu a signar o bo día.
· Club de lectura do profesorado
O profesorado participante levará a cabo a lectura de Fun Home de Alison Bechdel, unha novela que conta as memorias dunha familia americana, lectura directamente relacionada coa diversidade afectivo - sexual.
. Club de lectura do alumnado
Tamén se puxeron en marcha dous clubs de lectura entre o alumnado de sexto, con libros relacionados coa inclusión.
4. Actividades previstas proximamente
· Encontros cursos 2022-2023 e 2023-2024
Encontros de distintos centros participantes ao longo dos dous cursos para intercambio de experiencias e formación.
·Desprazamento de alumnado
O alumnado de 6º de primaria ( actualmente en 5º) visitará o CEIP Eduardo Lucena de Córdoba en xuño de 2024 para coñecer e visitar o centro educativo, coñecer os alumnos e as alumnas cos que estiveron intercambiando experiencias no transcurso do proxecto, á vez que visitan e coñecen a contorna cultural. Irán acompañados de profesorado do centro.
O alumnado do CEIP Los Valles de Laguna de Duero de Valladolid visitará o noso centro en abril de 2024. Durante a súa visita realizarán distintas actividades: convivencias co noso alumnado, visita guiada do centro educativo, talleres, mostra de actuacións, visita por Arteixo e a lugares de interese da Coruña.
· Formación intercentros para o profesorado
1. Descansos activos en xaneiro, desde Guadalajara. A maiores nos proporcionarán a posibilidade de formación en “Escuelas visuales”
2. Patios inclusivos, desde Córdoba.
3. Dificultades auditivas en marzo, desde Oseiro-Arteixo.
4 Inclusión coas tics, desde Laguna de Duero.
5. Dúbidas
Para calquera dúbida, suxerencia ou aportación que teñades, podedes poñervos en contacto a través do correo: agrupacioncentros.ceipgalan@edu.xunta.gal
Oseiro, 16 de decembro de 2022
O equipo directivo
