O CEIP de Fontes-Baíña solicita a colaboración das familias para a celebración do DÍA ESCOLAR DA NON VIOLENCIA E DA PAZ no centro. Nesta ocasión, haberá que recortar unha imaxe dun xornal, revista, folleto... logo pegala na nave espacial e escribir unha palabra, frase, pareado... que esa imaxe vos suxira e que teña relación coa PAZ.
O pasado venres 16 de xaneiro o alumnado de 5º e 6º asistiu ao espectáculo de Cándido Pazó "Memorias dun neno labrego" no Auditorio V Centenario de Baiona. Trátase dunha adaptación ao teatro da novela de Xosé Neira Vilas, na que se representan varias das historias de Balbino, o protagonista de Memorias dun neno labrego.
Durante a vindeira semana, do 12 ao 16 de xaneiro, o alumnado terá froita fresca para almorzar no recreo. Teremos tres semanas máis de forita de aquí ata o final de curso, que iremos informando.
Do 12 ao 15 de xaneiro, a compañía Blue Mango Theatre chegará ao Centro Cultural de Vigo para presentar Spinderella, unha divertida comedia en inglés dirixida a escolares de 3º ciclo de educación primaria.