HOXE COMPARTO PARA O ALUMNADO DE 6º DE EDUCACIÓN PRIMARIA, QUE ESTE ANO DEIXA O COLEXIO PARA PASAR AO IES UN DOCUMENTO QUE LLE AXUDARÁ A COÑECER MELLOR ESTA NOVA ETAPA QUE ESTA A PIQUES DE COMEZAR

CLICA NA IMAXE PARA ACCEDER AO RECURSO

Ola a todos e todas

Hoxe propóñovos a todos e todas que nos paremos un anaco a pensar no seguinte:

Fai xa un tempiño que comezaches o colexio, e que a pesar de que este ano foi un chisquiño raro, dende que empezamos no cole tiveches que acostumarte a levar un hábito de estudo: realizar actividades, traballos grupais e individuais, facer exames... pero chegou o momento de pensar:

      Falla algo á hora de estudar?      

Cubre o seguinte cuestionario cunha serie de preguntas relacionadas co xeito que tendes de estudar, estou segura que atoparás a resposta.

Como xa sabemos, desde o pasado 21 de maio é obrigatorio o uso de mascarillas en España en espazos públicos todas as persoas maiores de 6 anos sempre e cando non se poida garantir a distancia de seguridade de dous metros

O xeito de reaccionar dos nenos e das nenas ante o uso destas pode ser moi distinta, dependendo en parte da idade que teñan.

Moitos queixaranse que lles abafa, que lles da calor... unha infinidade de motivos para non facer uso destas.

Pero... como podemos axudar aos nosos fillos e fillas ao uso de mascarillas?

Aquí van algún consellos:

©    

Explicarlles de xeito claro POR QUÉ e PARA QUÉ temos que empregar as mascarillas. Pode ser moi útil explicalo empregando valores como o respecto, coidado, responsabilidade... e vinculalo cos familiares.

©    

Facer o uso de mascarillas algo divertido, podemos buscar distintos modelos ou debuxos para que lles chamen a atención.

©    

É moi importante que saiban en que momentos e lugares deben facer uso destas.

©    

O xogo é unha ferramenta moi útil de aprendizaxe, así que podemos practicar o uso destas na casa a través do mesmo.

©    

Poñer o exemplo de que somos un SUPERHÉROES ou SUPERHEROÍNAS, todos eles soen levar a cara cuberta, pois nós tamén unimos as forzas contra o coronavirus.

©    

No alumnado de máis idade pode ser útil amosarlle imaxes dalgún famoso ou famosa que lles gusten ou admiren facendo uso das mascarillas.

©    

Os máis pequenos e pequenas poden levar consigo nos paseos o seu peluche o boneco favorito cunha mascarilla feita por eles e elas.

  E o máis importante....somos o seu exemplo, se queremos que eles e elas o cumpran e o normalicen, nós debemos ser os primeiros en cumprilo.

A continuación comparto un material que pode axudar a explicar esta nova situación aos nosos pequenos e nosas pequenas

O aspecto emocional é un dos máis importantes a ter en conta nesta situación que estamos vivindo e que é nova para todos e todas, como xa comentei noutras ocasións.

Nesta ocasión comparto un caderno ilustrado elaborado por Miriam Leirós e ilustrado por Eva Prol Sanjurjo. Tenta traballar o coronavirus desde unha perspectiva emocional expoñendo para o alumnado diversas actividades que favorezan a expresión emocional destes e destas.

Agardo que sexa de utilidade para todos e todas vós

PARA ACCEDER AO RECURSO CLICA NA IMAXE

O Colexio Oficial de Psicoloxía de Galicia publica un pequeno caderno que conten unha serie de reflexións e consellos así como unha proposta de actividade.

Neste momento que estamos a vivir o plano emocional cobra moita importancia, é normal que tanto os pequenos e as pequenas como os adultos e adultas sintamos distintas emocións.

Moitos especialistas falan da importancia de identificar estar e debuxalas ou escribilas é o mellor modo de afrontalas e consideran que axuda a xestionalas.

PARA ACCEDER AO MATERIAL COMPLETO CLICA NA IMAXE DE ABAIXO

Aquelas familias de alumnado beneficiario de becas NEAE no presente curso 2019/2020:

O Ministerio de Educación e Formación Profesional publicou unhas modificacións en relación ás mesma no presente curso 2019-2020.

NON DEIXEDES DE CONSULTAR OS CAMBIOS

CLICA NA IMAXE

Concretamente das becas de NEAE referidas a:

Recolle o seguinte:

Hoxe 15 de maio conmemorase o DÍA DA FAMILIA

Este ano, dada a situación que nos tocou vivir a consecuencia da pandemia, a palabra FAMILIA cobra máis sentido que nunca, pois son elas as que se ven obrigadas a protexer aos membros da súa familia, de coidar os seus fillos e fillas que non poden acudir ao colexio e en moitos casos continuar coas súas responsabilidades laborais.

O concepto de familia foi mudando nas últimas décadas, polo que dar unha definición de familia non é unha tarefa sinxela, pois cada fogar presenta unha realidade distinta, pero todas elas son únicas e especiais.

As Nacións Unidas considera que a familia constitúe a unidade básica da sociedade.

Desde o Departamento de Orientación compartimos con vós un conto relacionado con esta temática:

POR UN PUÑADO DE BOTONES

Un conto que transmite dun xeito moi visual, sinxelo e directa os distintos tipos de familia que existen a sociedade actual.

DESFRUTÁDEO

Gustouvos??

Agora propóñovos un reto ou actividade:

FACER A VOSA FAMILIA DE BOTÓNS

Con botóns que teñades pola casa, e ao igual que no conto, creade a vosa familia.

Se non tes botóns, non te preocupes: PODES DEBUXALOS.

Deixade voar a vosa imaxinación e creatividade para ser o máis orixinal posibles. Estou segura do ben que vos quedará.

Se queredes compartir o resultado, non o dubides, manda unha foto ao correo do cole:

ceip.arzua@edu.xunta.es

Estarei encantada de ver os vosos traballos.

FELIZ DÍA FAMILIAS

Hoxe comparto unha serie de pautas de gran utilidade para organizar o noso estudo, de xeito que este sexa eficaz.

PARA ACCEDER AO RECURSO CLICA NA IMAXE

Ola a todos e todas

Sen dúbida o 2020 será un ano que pasará a historia pola situación que nos tocou vivir a todos e todas como consecuencia da pandemia do Covid-19.

Por iso hoxe traio unha proposta que me parece moi interesante para facer en familia:

FACER UNHA CÁPSULA DO TEMPO

Pero...Que é unha cápsula do tempo?

Unha cápsula do tempo, neste caso, é un documento que recolle os nosos pensamentos e situacións neste momento concreto que estamos vivindo e que esconderemos á espera de ser aberto no futuro

1. Descarga o documento clicando na imaxe.
2. Mírao con calma e tómate o teu tempo para respondelo, seguramente che levará varios días.
3. Unha vez rematado, repásao, quizais haxa cousas que queiras cambiar.
4. Finalmente gárdao nun lugar secreto e pon unha data para rescatalo o curso que ven cando nos vexamos.

Moi importante, lembra ese lugar secreto para poder rescatar a nosa cápsula do tempo pasados os anos, seguro que nos gustará saber que pensabamos e como nos sentíamos nestes momento.

MOITO ÁNIMO

Ola de novo

Como xa sabemos, e levamos desfrutando, desde o día 2 de maio podemos saír á rúa a facer deporte ou pasear, iso si: 

SEGUINDO SEMPRE AS INDICACIÓNS SANITARIAS E DO GOBERNO

Hoxe comparto con vós un material onde precisamente nos fala de isto.

Agardo que sexa do voso interese

PODES ACCEDER A EL CLICANDO NA IMAXE