Saltar navegación.


Presentación   |   Horarios   |   Oferta educativa   |   Secretaría   |   Contacto

XORNADAS DE ATLETISMO DIVERTIDO!!!

Ola, familias e alumnado!

O pasado martes, mércores e xoves (18, 19 e 20 de marzo) tiveron lugar un ano máis, as xornadas de Atletismo Divertido por medio de XOGADE e o concello de Fene. Como o tempo acompañounos en todo momento favoreceu que poideramos empregar as instalacións deportivas de atletismo no lugar do Pazo, en Barallobre. Alí comapartimos experiencias durante tres días con outros rapaces e rapazas de todos os colexios de educación primaria do concello de Fene. Trátase dunhas xornadas de convivencia onde hai un pequeno grao de competitividade (san loxicamente) e cuns elementos fundamentais, o deporte como eixe vertebrador para facer exercicio, adquirir valores que nos forman como boas persoas e o divertimento. Poidemos desfrutar de varias disciplinas deportivas onde os rapaces e rapazas demostraron ser uns campións e campionas. Así practicaron varias disciplinas como por exemplo: lanzamento de xabelina, lanzamento de pelota, salto lateral a pés xuntos, salto a pés xuntos, salto con carreira previa, salto de tesoira, carreiras de velocidade, carreiras de relevos, carreira de relevos en gymcana... O alumnado pasouno xenial e o máis importante, trataron de facelo o millor posible dentro das posibilidades que ten cada un.

PARABÉNS a todos e a todas!!! 

 

 

CAMIÑO Á FAMA 1º CICLO GRUPAL

Ola familias, ola rapazada!

Retomamos, á volta das vacacións, a tarefa coreográfica que estamos a desenvolver ao longo deste curso e que tanto éxito e acollida está a ter. Desta vez é unha coreografía grupal a cargo do alumnado de 1º e 2º de educación primaria. Para esta ocasión escolleron a canción "Libertad", de Nil Moliner. Outro exitazo!!!

Tamén vaivos o traballo individual feito pola nosa alumna de 1º, Andrea, que por motivos de saúde non poido estar físicamente connosco pero sí dalgún xeito representando a mesma canción. Marabilloso Andrea, fixéchelo xenial!!!

 

 

 

Mes do xadrez en marzo. International women's month 2023

Durante o mes de marzo tivemos un espazo pop up no centro adicado ao xadrez. Durante os recreos, os nenos e nenas que querían podían vir ata a sala para xogar libremente, aprender, ensinar ou ver as partidas que estaban a acontecer.

Durante as dúas últimas semanas, organizamos un torneo por cursos e nos dous últimos días unhas partidas de "masters" coas persoas gañadoras de cada curso.Resulta que de cada 10 persoas que están federadas para xogar ao xadrez, soamente unha é muller, polo que quixemos aproximarnos a este deporte no cole e o resultado non puido ser mellor, xa que a penas había diferenza en números entre nenos e nenas que querían xogar e o resultado do torneo tamén foi terriblemente enriquecedor.

Estamos moi orgullosas da enorme participación (mais de 100 nenos e nenas viñeron xogar algunha vez e 50 persoas participaron no torneo, de 155 que somos no cole!) e de cara ao ano que vén pensamos que pode ser boa idea repetir, incluir partidas de peón para educación infantil e organizar partidas de persoas adultas, xa que con todo o que lles gusta o xadrez ás profes Cris e Iria non puideron xogar nin unha partida!

 

Admisión alumnado curso 2023/2024

A día de hoxe publícase a listaxe de persoas admitidas para o curso 2023/2024, sendo aceptadas todas as solicitudes de admisión con 16 persoas en 4º de educación infantil e unha persoa nova que se suma a 6º EI

Benvidas!

Observa_Acción 2023. Memoria

E aquí está a nosa memoria de Observa_Acción 2023!

Estamos moi emocionadas de poder compartir unha experiencia así coa comunidade educativa.

 

E este é o vídeo-resumo das observacións (porque somos así: das comidas, reunións e risos que botamos mentres aprendiamos non hai fotos, estabamos moi ocupadas vivíndoo Risa )


 

Camisetas de Centieiras

Bo día!

Comeza a primaveira, e comezan tamén as saídas, actividades deportivas e as gañas de presumir de brazos e camisetas. Dende o cole, pensamos que sería ben chulo ter unha camiseta co logo do noso centro e que nos identificara como orgullosas persoas de Centieiras. Pensamos nunha camiseta branca, que da luz, é sinxela de lavar e queda requeteben coas nosas cores! Que vos parece? Fai click na imaxe para ver o vídeo tan chulo que crearon dende extraescolares:

https://youtube.com/shorts/qqqaUmmnSu4?feature=share

Como conseguir a nosa camiseta? Ben fácil: adxunta nesta nova, está o logo do cole. Nunha imprenta, pódese estampar nunha camiseta branca. Dende o cole levamos o logo a Cofer e ali nos dixeon que as familias que queiran poden encargar a camiseta xa estampada por 11€.

Comezaremos utilizando as nosas camisetas en Atletismo divertido o 18 de abril, así que anímate a facerte coa túa!

GATIZA COÑECE AS VOSAS BRINCADEIRAS

OLA!

Como sabedes hai uns días Gatiza pediunos se podiamos ensinarlle algunha brincadeira, canción para xogos ou dito de botar a sortes, porque tiña moitísimas ganas de coñecelos.

Grazas a vós conseguimos recompilar un montón e agora Gatiza xa pode aprendelos e empregalos!

 

CAMIÑO Á FAMA 2º CICLO GRUPAL

Ola de novo, rapazada e familias!

Unha nova entrega coreográfica de Camiño á Fama, realizada conxuntamente este pasado venres, entre o grupo de terceiro e cuarto de primaria. Desta vez representaron un remix de películas de Disney entre as que se atopan, "Quiero ser como tú" (O libro da selva), "Un poco loco" (Coco), etc. Outro acontecemento marabilloso. Deiquí sae algún verdadeiro/a artista, dígovolo eu!!!

 

 

 

ACTIVIDADE DEPORTIVA SEMANA SANTA

Ola rapazada!

Déixovos por eiquí a información que me chegou dunha oferta deportiva para poñer en práctica nas vacacións de Semana Santa se vos interesa. É sobre deportes de auga, e máis concretamente, cursos de iniciación ao piragüismo por medio do CLUBE CABANAS KDM, do concello veciño de Cabanas. Desexo que sexa do voso agrado e anímovos a que acudades, pois estou seguro que vaivos molar moito. Xa me contaredes.


DÍA DA POESÍA 2023

Mañá 21 de marzo, para conmemorar o Día da Poesía, o alumnado do centro colgará a partir das 9:00 os seus traballos a diferentes ubicacións: Avenida Tarrio, Praza do Concello e Praza Verde.

Non deixedes de visitar estas exposicións!

 

CAMIÑO Á FAMA 5º EP

Ola rapazada, ola familias!

Unha semana máis deixámosvos por eiquí a coreografía da actividade CAMIÑO Á FAMA realizada este pasado venres polo alumnado de 5º de educación primaria. Desta vez interpretan a banda sonora orixinal da película, "Cazafantasmas". Desexamos que vos goste tanto como a nós. Parabéns polo traballo realizado.

 

NAUTILUS

O xoves 16 de marzo de 2023  o alumnado de 3º e 4º de EP acudiu á sede da Afundación Abanca ver a obra de teatro "NAUTILUS".

O capitán Nemo aprecia o mar máis que a súa propia vida. Nemo vive a bordo do Nautilus, un submarino segredo que percorre os océanos de todo o mundo, lonxe de todo e de todos. Pero desde hai un tempo, o capitán observa que os bancos de coral estanse a converter en montañas de lixo, os peixes en bolsas de plástico, e as pradarías de posidonia en vertedoiros acuáticos. A vida mariña está en perigo e Nemo propúxose evitalo, pero non pode facelo el só. Por iso recluta ao profesor Aronax, a quen levará a unha viaxe de 20.000 leguas submariñas para amosarlle os segredos dese mundo fascinante ameazado pola contaminación humana.

Nautilus é unha versión da clásica novela de aventuras “20.000 leguas de viaxe submariño” cunha lectura actual, comprometida e ecoloxista. A historia que contaría Julio Verne hoxe en día.

                      

                     

CAMIÑO Á FAMA 6ºA-6ºB

Ola rapazada, ola familias!

Aquí deixámosvos un novo vídeo da coreografía montada polo noso alumnado dentro da actividade... "CAMIÑO Á FAMA". Comezamos unha nova volta onde pasarán de novo tódolos grupos do colexio. Desta vez son, de xeito grupal, os dous cursos de sexto de primaria os encargados de iniciala. Desexámosvos que vos goste pois fixérono simplemente, XENIAL!

 

Gatiza quere aprender brincadeiras!

 

Xa vedes que Gatiza segue aprendendo galego. Agora quere que lle ensinedes brincadeiras, cancións para acompañar xogos, para saltar á corda ou á goma, ditos de botar a sortes, recitados ou rimas para xogar ás palmas ou a outros xogos de mans, así que necesita que escollades un deses ditos, rimas ou cancións e que gravedes un vídeo no que llo ensinedes. Só tedes que ter en conta o seguinte:

  1. No vídeo debedes falar en galego.
  2. Debe estar gravado en horizontal.
  3. Ten que ser curto, dun minuto como máximo.
  4. Debe escoitarse e entenderse o que dicides.
  5. Traédeo á escola gardado nunha memoria USB co voso nome. Tedes de prazo ata o día 17 de marzo.

Animádevos a brincar en galego con Gatiza!

8 de marzo: Miramos o mundo a través dos lentes violetas.

Hoxe, día 8 de marzo, conmemórase o Día da Muller e na escola fixemos unhas gafas violetas para que, a través dos seus lentes, poidamos ver un mundo no que existe unha igualdade real entre homes e mulleres. Isto é o que se pretende transmitir ao alumnado e no que se incide nas nosas aulas cada día e tamén o que se fomenta coas actividades organizadas desde o programa IguálaT.

  

As rapazas e rapaces de quinto e sexto de primaria fixeron debuxos e traballos sobre esta data e hoxe, durante o acto conmemorativo, as nenas e nenos de sexto leron os seus traballos para todas e todos os que formamos parte da escola.

Miremos sempre o mundo a través dos lentes violetas!

Distribuir contido