A poucos días da celebración do Samaín apareceu en Centieiras unha cabaza xigante. De onde saiu, como chegou á escola e, o máis importante, canto pesa esta cabaza? É todo un misterio! Seredes capaces de acertar o peso xusto da cabaza xigante de Samaín?

Participade no concurso O Peso Xusto escribindo nos papeis que atoparedes na entrada o voso nome, o curso e o peso que estimedes correcto. O día do Samaín sairemos de dúbidas e comprobaremos se alguén acertou o peso xusto da cabaza xigante do Samaín.

O alumnado de 5º e 6º de primaria estivo traballando arreo en Arts para crear estes collages inspirados nas caveiras de azucre que fan en México para celebrar o Día dos Mortos. Ademais, practicaron inglés e aprenderon sobre esta tradición.

Agora estes traballos tan coloridos e alegres decoran a entrada do centro. Quedaron ben vistosos! Good work!

Este curso estreamos no terceiro ciclo a proposta de grupos interactivos que no noso centro xa se viña facendo noutros ciclos. Desfrutamos dunha xornada de xogos de mesa en grupos formados por nenos e nenas de 5º e 6º e un familiar que voluntariamente achegouse ao centro a participar con nós nesta nova andaina. Temos que agradecer ás familias a súa disposición, paciencia e entrega nesta actividade. O resultado vese nas fotos e algunhas das primeiras impresións das familias xa as temos.

"Encantada de xogar con estes nenos e nenas e DE APRENDER CON ELES." Lucía Souto

"Encantado de xogar todos xuntos e pasar un ratiño tan divertido. Desexando volver!" Diego Maceiras 

"Momentos bonitos e divertidos." Isabel Cortizas 

"Encantoume pasar este bo rato con todos estes "pequenos artistas". Ata a próxima!" Silvia Delgado 

"Encantada de vir e de que teñades iniciativas tan chulas que compartir. Grazas!" Paula de Santiago 

Hoxe en 1º e 2º de Educación Primaria conmemoramos o Día das Escritoras. Para celebralo limos sinopses e partes de diferentes contos infantís escritos por mulleres: Corre corre cabaciña, A casa da mosca chosca, Fina a pirata ou Escarlatina a cociñeira defunta foron algúns dos elixidos. A partir das lecturas, os nenos e nenas debían tratar adiviñar cal era a portada de dito conto e así tamén coñecer á autora. Unha vez feito isto, levaban o robot DOC ata ela.

Visibilizamos e coñecimos así a labor de escritoras galegas.

Hoxe, luns 16 de outubro, conmemoramos o Día das Escritoras. Esta data vense conmemorando dende outubro do 2016  para recuperar o legado das mulleres escritoras, facer visible o traballo das mulleres na literatura e combater a discriminación que sufriron ao longo da historia. Este luns traballamos  o poema de Gloria Fuertes "Poema al No". Pasamos o poema ao galego, o escribimos entre todos e todas e fixemos un pequeño mural para decorar a porta da nosa aula.

Ola, rapazas e rapaces de Centieiras! Xa estamos en outubro e este mes celébrase unha das miñas festas favoritas, o Samaín! Celebrarémolo na escola o día 31 de outubro e, para iso, poderedes vir disfradas e disfrazados ese día ao cole e poderedes traer as vosas cabazas decoradas desde o día anterior, o luns 30 de outubro.

Ademais, aproveito para pedirvos que escribades contos de medo arrepiantes e fagades debuxos de terror para decorar a escola e crear un ambiente terrorificamente divertido!

Conto con vós!

Nas aulas de 1º e 2º xa estamos a tope co noso proxecto documental integrado.

O pasado luns realizamos na biblioteca un xogo no que traballamos o impacto dos microplásticos no mar e nos diferentes seres vivos. Convertémonos en placton, sardiñas, bonitos, baleas, tartarugas e tamén en pescadores para aprender sobre a cadea trófica. Foi unha actividade moi visual coa que seguimos a concienciarnos sobre o uso de plásticos e a contaminación en xeral.

Seguimos traballando! 

Tedes a vosa disposición a Programación Xeral Anual para este curso académico 2023-2024 premendo na imaxe. Esta, foi aprobada polo Consello Escolar o día 10 de Outubro de 2023. 

O pasado venres 6 de outubro inauguramos o noso proxecto documental integrado que pretende traballar e concienciar sobre o coidado do medio ambiente.

Que fixemos para esta ocasión tan especial? Aproveitamos que ese día se levaba a cabo a XII Limpeza Simultánea de Praias organizada por ADEGA e aproveitamos para limpar a Praia de San Valentín.

Puxémonos en marcha ás 10 e media da mañá e todas xuntas e xuntos fomos camiñando ata alí formando parellas de pequenas e pequenos e maiores.

Unha vez alí, expertas da asociación ADEGA faláronnos un pouquiño sobre aspectos básicos a ter en conta na praia e logo xa nos puxemos mans á obra. Traballamos moito e tamén desfrutamos un pouquiño da área e dos compañeiros e compañeiras.

Ao final, clasificamos a basura atopada e o que máis nos sorprendeu é que había un montón de pauiños de limpar os oídos! En total e aínda que a praia parecía moi moi limpa logramos recoller 25 quilos de lixo!

Unha vez chegamos ao cole,  para rematar este día, fixemos a votación do nome do noso proxecto.

As nenas e nenos escolleron: PEGADAS VERDES!

Non vos esquezades deste nome porque seguro o oiredes moitas veces máis ao longo do curso!

3,2,1 Arrancamos!

Grazas a ADEGA pola axuda e a predisposición e ao Concello de Fene polas luvas e a colaboración en toda a loxística. Da gusto facer escola deste xeito. 

Premendo na imaxe atoparedes o material escolar preciso para este curso escolar 2023-2024.

Profesorado adscrito para o curso 2023-2024:

EDUCACIÓN INFANTIL

• 4º Educación infantil: Josefina Herreros Calvo
• 5º Educación infantil: Silvia María Filgueira Pena
• 6º Educación infantil: Beatriz Gamallo Permuy
• Mestra de apoio de infantil: Alba Tenreiro López

EDUCACIÓN PRIMARIA:

• 1º Educación primaria: Sara Pérez Ruiz
• 2º Educación primaria: Andrea Fernández López
• 3º Educación primaria: María del Carmen Leira Moreno
• 4º Educación primaria: Ana María Barro Casas
• 5º Educación primaria: María Cristina Acevedo Varela
• 6º Educación primaria: Isabel Torrente Seco

PROFESORADO ESPECIALISTA:

• Audición e Linguaxe: Gloria Gómez Edreira, compartida co CPI A Xunqueira (centro base)
• Educación Física: Abel González Varela
• Inglés: Iria Sande Garrote
• Orientación: María Elisa Martínez Palacios, compartida con CEIP Santiago Apóstolo
• Pedagoxía Terapéutica: María Macarena Espiñeira Filgueiras
• Relixión católica: Teresa María Anca Ardao, compartida con CEIP Maciñeira
• Educación musical: Sabela Paz Romero

Bo día,

do 3 ao 31 de xullo o horario de atención presencial será de 10:00 a 13:00, previa cita, chamando a calquera dos seguintes teléfonos:

- 881930133

- 881930134

- 644765166

Presentamos o Proxecto Educativo e Funcional de centro aprobado por unanimidade en Claustro e Consello Escolar o 28 de xuño de 2023. Pódese consultar facendo click na imaxe ou no documento adxunto máis abaixo.

Atentamente,

Iria González Grande

Directora

Publicamos a memoria final do curso 2022-2023 aprobada en Claustro e Consello escolar o 28 de xuño de 2023. Pódese consultar facendo click na imaxe ou adxunta ao final da noticia.