Saltar navegación.


Presentación   |   Horarios   |   Oferta educativa   |   Secretaría   |   Contacto

Estrea en Youtube da nosa versión de "Quédate en tu casa"

Bo día!!
Aínda que hoxe non saia o sol, en Centieiras estamos igualmente alegres. Atención á estrea do noso vídeo, ás 11:15!!

 

Fene Lendo mulleres emítese na radio

O martes 10 de marzo, en conmemoración do día da muller, o curso de 5ºEP foi á biblioteca municipal a participar no maratón de lectura "Fene lendo mulleres". 

Agora RadioFene o emitirá pola radio co seguinte calendario:

Luns 23. Colexio Jorge Juan.
Martes 24. Colexio Os Casais.
Mércores 25. Colexio A Xunqueira.
Xoves 26. Colexio O Ramo
Venres 27. Colexio Centieiras.
 
O maratón pódese escoitar os dias sinalados ás 12 do mediodia en Radio Fene no 107.7 da Frecuencia Modulada ou neste enlace á páxina web.
 
Animádesvos a escoitalo?
 

Suspendidas as clases a partir do luns 16 de marzo

Boa tarde,

Debido ás novas instruccións relativas ao COVID-19 que podes ler aquí, ademáis da SUSPENSIÓN de calquera actividade lectiva ou extraescolar nos centros educativos a partir do luns 16 de marzo, únese o peche das instalacións e o teletraballo por parte do claustro de profesorado e do equipo directivo.

A partir do mércores 18 de marzo aparecerán suxestións didácticas para todos os cursos na web nos apartados "actividades de infantil" e "actividades de primaria". 

A atención ás familias se articulará por medio da web e da aplicación Abalar móbil, a cal agora máis que nunca é necesario que instaledes e rexistredes. Todo o profesorado estará dispoñible en horario lectivo, de 9 a 14h para resolver dúbidas e atender ao alumnado e familias. Para isto, as titoras e especialistas abrirán un canle de comunicación a través de mensaxería na aplicación Abalar móbil.

Tamén estará habilitada a atención telefónica nos teléfonos do centro.

Dende o centro estamos á espera de futuras instruccións para poder ir solucionando os posibles problemas que vaian aparecendo nestas semanas excepcionais.

Moitas grazas a todas e a todos pola paciencia, a colaboración e responsabilidade.

Atentamente,

Iria González Grande.

Querido Marcial, botarémoste de menos

Hoxe é o último dia de Marcial, así que con todo o noso cariño lle adicamos esta presentación

 

 

Visita DOMUS (A Coruña) 3º-4º EP

O pasado 27 de febreiro o alumnado de 3º e 4º de Primaria visitou a DOMUS (A Coruña).

Alí visionamos unha película documental que tiña varios apartados, e o que máis nos gustou foi o da posidonia, planta mariña. Tamén había outro que falaba das matemáticas na nosa vida...

Logo poidemos desfrutar e xogar con todos os aparellos que había e descubrimos  a forza coa que chutamos a pelota, o noso peso e a nosa altura, a destreza visual, a rapidez de reacción... e moitas máis cousas.

Foi unha mañá moi entretida, pasámolo moi ben... Iso si, fixemos unha paradiña entre tanto descubrimento para tomar a "merenda" e repoñer forzas para seguir cos nosos descubrimentos.

 

 

Entroido en Fene 2020

Ernesto, fotógrafo da vila en Greta, esto va de bodas, fixo unha selección de fotos do Entroido Fenés, coa nosa comparsa de Centieiras como protagonista. Se queredes botar un ollo ou atoparvos nas fotos, facede click aquí!

CÓNTOCHE QUE SEI FACER?

Hoxe tivemos a segunda entrega de "Cóntoche que sei facer?".

Grazas a esta propota estamos a descubrir as facetas máis descoñecidas dos nosos compañeiros e compañeiras.

Xa estamos chegando que chegue a vindeira emisión.

Moitas grazas pola vosa colaboración familias! Sen vós isto non sería posible.

Entroido 2020

Aquí temos as fotos do pasarrúas, das canción e bailes e da degustación dos produtos de Entroido. Pasámolo fenomenal!

 

CHARLA CON EVARISTO AMADO

Entre o 9 e o 13 de marzo celebraremos no colexio  a Semana da Prensa. Este mércores como adianto tivemos a sorte de contar coa presenza na nosa biblioteca de Evaristo Amado Fernández, Coordinador da Fin de Semana na Axencia EFE. Evaristo é natural de Pontedeume, licenciouse en Periodismo na Universidade de Santiago de Compostela e na actualidade traballa en Madrid, o seu traballo na Axencia EFE consiste en redactar, editar e coordinar equipos de periodistas.

          A charla foi moi interesante e tivemos oportunidade de facerlle moitas preguntas as cales nos contestou encantado. Explicounos moi ben as diferentes tarefas as que se enfrentan cada día no seu traballo. Preguntámoslle porqué cada hai un atropelo ou accidente no noso pobo non sae en todas as cadeas de televisión ou como podían chegar tan rápido cando pasaba algo nun partido de fútbol. A moitos pareceunos  interesante eso de estar acreditado como periodista nos grandes acontecementos deportivos e poder ver todo o que acontecede dende primeira línea. 

Queremos darlle as grazas a Evaristo Amado, dende agora Tito para nós, e convidalo a voltar ao noso cole cando queira.

                              

                              

         Ao remate da charla os alumnos e alumnas da clase de quinto fixemos entre todos este mapa conceptual coa información recollida na charla e que vai ser o noso punto de partida para adentrarnos na semana de marzo na que os xornalistas seremos nós.

 

Entroido 2020

Este ano o tema central do entroido en Centieiras será "O camiño de Santiago".

O venres 21 de febreiro, ás 10:30 sairá o noso pasarrúas dende o cole ata o concello, onde cantaremos e bailaremos unha canción.

Despois, á volta teremos a degustación de produtos de Entroido que prepararon as familias con tanto mimo e esmero.

Todas as familias están convidadas a pasar con nós este día tan divertido e alegre. 

 

Vinde a Centieiras!

 Entroido 2020

 

 

DÍA DA PAZ

O pasado día 30 de xaneiro celebrouse o Día da Paz e desde o Ceip Centieiras quixemos comemoralo dun xeito moi especial, no que a convivencia, a igualdade, o respecto polos demais, a axuda mútua e a amizade estivesen moi presentes.

Por isto, durante a xornada, afillados e padriños participaron xuntos nos distintos talleres ofertados e desfrutaron da grata compaña dos compañeiros e compañeiras do centro ASPANEPS que viñeron á escola celebrar con nós esta data.

 

Talleres, lecturas compartidas, cancións,… non faltou neste día.

 

CÓNTOCHE QUE SEI FACER

Dende o Equipo de Dinamización Lingüística do Centro queremos presentarvos a actividade: CÓNTOCHE QUE SEI FACER?

Con ela pretendemos que o alumando  conte e  ensine o que sabe facer, empregando para ilo a lingua galega, e así acadar unha competencia lingüística a nivel oral. Para iso contamos coa colaboración das  familias e a participación do alumnado.

Hoxe venres 24 de xaneiro, é a primeira proxección dunha serie delas que colgaremos nesta páxina web  para que as desfrutedes.

Agardamos que esta actividade vos guste, e así  descubramos  un pouco máis que saben facer os nosos nenos e nenas.

E lembrade… a seguinte proxección será o 21 de febreiro.

Grazas! 

Distribuir contido