O director xeral de Educación, Formación Profesional e Innovación Educativa, Manuel Corredoira, recordou hoxe no Parlamento de Galicia que as necesidades do alumnado con trastorno por déficit de atención e hiperactividade (TDAH) están recollidas no Decreto 229/2011 polo que se regula a atención á diversidade do alumnado nos centros docentes da Comunidade Autónoma de Galicia. Non en balde a Consellería destina este curso preto de 3.200 profesionais ao coidado e atención dos estudantes con necesidades específicas de apoio educativa, entre orientadores, especialistas en audición e linguaxe, pedagoxía terapéutica, coidadores e outro persoal especializado; sendo na actualidade a comunidade que conta con máis recursos persoais especializados para este fin, o que supón un investimento de preto de 94 millóns de euros. Ademais, a Consellería atende todas as solicitudes de colexios e institutos públicos para dotalos de emisoras de frecuencia, cadeiras adaptadas, equipamento informático específicos, mesas e atrís, entre outros recursos; e conta cunha liña específica de axudas para que os estudantes dos centros concertados poidan acceder tamén a este apoio.Así mesmo Galicia foi a primeira comunidade que dotou con servizo de orientación interno a todos os centros educativos.

Neste sentido o director xeral aclarou as dúbidas da oposición sobre o tratamento dos estudantes con TDAH indicando que o capítulo V do devandito decreto esta dedicado de forma íntegra ao alumnado con necesidade específica de apoio educativo, “alumnado entre o que se sitúa o diagnosticado con TDAH”. Así mesmo, sinalou que neste texto existen numerosas indicacións para a identificación das circunstancias de cada alumnos e para o axuste da intervención educativa. Ademais lembrou que tanto os equipos docentes como os servizos de orientación coñecen os procedementos e recursos para adoptar as medidas ordinarias ou extraordinarias que procedan.

A atención ao caso concreto do trastorno por déficit de atención e hiperactividade, está a ser ademais un dos puntos de interese da Consellería de Cultura e Educación na configuración da oferta de formación de profesorado. De feito, no curso actual  desenvolvéronse varias actividades formativas arredor das estratexias de intervención e de actuación nas aulas co alumnado con TDAH, e das súas características e necesidades. Por outra banda o departamento educativo da Xunta de Galicia asesora e colabora nas actividades organizadas por asociacións de familias de alumnado con TDAH.

Con todo, o director xeral comprometeuse a que a Consellería continuará a traballar para adoptar as medicadas que representen un beneficio para os estudantes e contribúan á personalización da intervención educativa e ao éxito escolar.

O conselleiro de Cultura, Educación e Ordenación Universitaria, Xesús Vázquez Abad, participou hoxe na Biblioteca de Galicia da Cidade da Cultura na celebración do Día Mundial da Síndrome de Down. Este acto no que se pretende pór de manifesto a necesidade de establecer as medidas precisas para garantir a igualdade real de oportunidade das persoas con capacidades diferentes e a súa inclusión plena na nosa comunidade. A declaración do Día Mundial da Síndrome de Down contribúe a aumentar entre a opinión pública a súa comprensión e concienciación.

Neste sentido, o conselleiro expuxo a necesidade“dun sistema educativo flexible, que  se axeite á diversidade de aptitudes, intereses, expectativas e necesidades do alumnado.” Así mesmo,destacou que paraque todas as persoas acaden o máximo desenvol­vemento persoal e social, é preciso que se lles facilite “unha educación adaptada ás súas singularidades, e que se lles garanta unha igualdade efectiva de oportunidades.”

Vázquez Abad anunciou que neste momento estase a traballar nun borrador da orde que desenvolverá o Decreto 229/2011 polo que se regula a atención á diversidade do alumnado na Comunidade Autónoma de Galicia, unha normativa –lembrou o conselleiro–pioneira no conxunto do estado.

Pola súa banda, o presidente de Down Galicia comentou que “este ano quixemos dedicar este día a unha área sumamente importante na vida de calquera persoa, como é a educación.”

O acto, na Biblioteca da Cidade da Cultura, comezou coa lectura do Manifesto pola autonomía persoal, por parte de dúas persoas coa síndrome de Down, Jaime Vázquez e Cristina Villar. Posteriormente realizouse un maratón de lectura no que participaron máis de 20 persoas con síndrome de Down, así como escritores e responsables políticos.

Ao acto asistiron ademais o Valedor do Pobo, José Julio Fernández Rodríguez;o escritor e membro da RAG, Xosé Neira Vilas; a poetisa Rosalía Morlán;e o presidente de Down Galicia, Delmiro Prieto, entre outros.

Cara a unha escola inclusiva

A Consellería de Cultura e Educación e Down Galicia teñen subscrito desde novembro de 2010 un acordo de colaboración. Froito deste acordo, durante o último curso rematado, téñense realizado accións en 86 centros educativos nos que un total de 109 alumnos se beneficiaron da axuda do persoal de Down Galicia. Concretamente, 86 estudantes contan cunhaadaptación curricular, 102 tiveron o apoio do profesorado de pedagoxía terapéutica e 75 contaron coa atención do profesorado de audición e linguaxe. Así mesmo, realizáronse 314 visitas ou contactos do persoal de Down Galicia cos centros educativos. Respecto do acordo o conselleiro destacou que, segundo a comisión mixta encargada de velar polo seu bo desenvolvemento, “está a cumprirse de xeito satisfactorio.”

O conselleiro de Cultura, Educación e Ordenación Universitaria, Xesús Vázquez Abad, asinou hoxe contratos-programa con representantes de 94 centros educativos da provincia da Coruña, nun acto na delegación da Xunta na cidade herculina. Ao asistiron, ademais, a delegada da Xunta na provincia, Belén do Campo; o director xeral de Educación, Formación Profesional e Innovación Educativa, Manuel Corredoira; o subdirector xeral de Ordenación, Innovación Educativa e Formación do Profesorado, Manuel Vila; e o xefe territorial da Consellería na Coruña, Indalecio Cabana.

Vázquez Abad agradeceu aos representantes dos centros a súa participación na segunda convocatoria dos contratos-programa, “especialmente a todos aqueles que o ano pasado participastes no Programa de Iniciativas de Mellora (PIM) proposta desde a Consellería a algúns centros para a mellora do éxito escolar”. “Este curso, porén, -dixo- vós dades un paso máis e propoñedes vós as iniciativas más acaídas para avanzar cara a mellora de resultados”. Neste sentido o conselleiro destacou a satisfacción do seu departamento “coa resposta dos centros educativos e coa implicación e alto compromiso dos 954 profesores da provincia que participades nesta segunda convocatoria”. “A vosa máxima profesionalidade como docentes quedou xa de manifesto, non en balde todos os programas que hoxe asinades naceron para cubrir unha necesidade de apoio ou de estímulo dun estudante”, dixo.

Actuacións desenvolvidas

O conselleiro explicou que este ano os centros coruñeses desenvolverán 143 actuacións, 78 delas na liña de reforzo, acompañamento e apoio, 30 para a mellora da lectura da escritura e do cálculo, 16 para a mellora da convivencia 5 para a redución do abandono e 14 a prol da excelencia educativa. En total participarán éxito escolar 94 centros da provincia, 23 máis dos que o ano pasado formaron parte dos contratos-programa e do PIM, desenvolvendo un 32,4% máis de actuacións, das que se beneficiarán máis de 11.600 estudantes, un incremento de máis de 6.700 beneficiados respecto do curso anterior.

Dos centros participantes, 30 asinaron hoxe contratos-programa en 2 ou máis liñas de actuación diferente, chegando a 4 liñas nos casos dos IES Afonso X o Sabio (Cambre), Agra do Orzán (A Coruña), Urbano Lugrís (Malpica de Bergantiños), e do IES de Melide.

Profesores de reforzo

Vázquez Abad destacou o esforzo económico realizado pola Consellería “nestes tempos de crise, investindo máis de 3,27 millóns de euros para respaldar estas actuacións, dos que máis de 1 millón de euros se destinan a centros da provincia de Coruña”.

Así mesmo, salientou que este curso se mantén a dotación de profesorado a maiores para o desenvolvemento dos contratos-programa, un total de 65 docentes en Galicia, 17 deles na provincia da Coruña.

Éxito da iniciativa

A Consellería de Cultura e Educación asinará contratos-programa cun total de 289 centros educativos. Deste xeito quedou confirmado o éxito da segunda convocatoria desta iniciativa, á que se presentaron 314 centros, con propostas para o desenvolvemento de 527 actuacións, o que supuxo duplicar o número de solicitudes do ano anterior, mostra do interese da comunidade educativa.

Os centros participantes no curso 2012/2013 desenvolverán un total de 417 actuacións, 256 delas para o reforzo, orientación e apoio; 91 de mellora da lectura, escritura e cálculo; 34 para a mellora da convivencia; 6 dirixidas á redución do abandono escolar; e 30 para favorecer a excelencia educativa. Un total de 99 colexios e institutos asinaron contratos-programa con 2 ou máis liñas de actuación.

O obxectivo é que se beneficien destes contratos-programa preto de 35.800 alumnas e alumnos de toda Galicia, grazas á implicación de 2.950 docentes, dos que 65 foron contratados a maiores pola Consellería, que inviste nesta iniciativa máis de 3,27 millóns de euros.

O conselleiro de Cultura, Educación e Ordenación Universitaria, Xesús Vázquez Abad, asinou hoxe contratos-programa con 35 centros educativos da provincia de Ourense, nun acto na delegación da Xunta na cidade das Burgas ao que asistiron máis de 70 membros das comunidades educativas destes colexios e institutos. Ademais, estiveron presentes o director xeral de Educación, Formación Profesional e Innovación Educativa, Manuel Corredoira; o subdirector xeral de Ordenación, Innovación Educativa e Formación do Profesorado, Manuel Vila; e a xefe territorial da Consellería na provincia, Mercedes Gallego; así como inspectores dos centros participantes.

Vázquez Abad agradeceu aos representantes dos centros a súa participación na segunda convocatoria dos contratos-programa”A Consellería non pode estar máis satisfeita coa resposta dos centros educativos e coa implicación e alto compromiso dos 231 profesores da provincia que participades nesta segunda convocatoria”, salientou. “Queremos reiterarvos o noso máis profundo agradecemento por ese interese que amosades día a día polo voso alumnado, e que demostrades buscando de forma desinteresada novas vías para abrirlles as portas cara a un futuro máis próspero”, dixo.

Actuacións desenvolvidas

Neste sentido, o conselleiro explicou que este ano asinan contratos-programa 12 centros máis na provincia ca na primeira convocatoria, o que supón que desenvolverán un 22,2% máis de actuacións a prol da mellora do éxito escolar que o curso pasado. En total, os 35 colexios e institutos da provincia desenvolverán 44 actuacións, delas 33 na liña de reforzo, acompañamento e apoio, 8 para a mellora da lectura da escritura e do cálculo, 1 para a mellora da convivencia e 2 a prol da excelencia educativa. Dos centros participantes, 9 asinaron hoxe contratos-programa en 2 liñas de actuación.

O obxectivo é que máis de 4.300 alumnas e alumnos da provincia poidan acadar, un incremento de máis de 2.400 estudantes beneficiados na provincia máis respecto do curso pasado.

Profesores de reforzo

Vázquez Abad destacou o esforzo económico realizado pola Consellería “nestes tempos de crise, investindo máis de 3,27 millóns de euros para respaldar estas actuacións, dos que máis de 324.000 euros se destinan a centros da provincia de Ourense”.

Así mesmo, salientou que este curso se mantén a dotación de profesorado a maiores para o desenvolvemento dos contratos-programa, un total de 65 docentes en Galicia, 6 deles na provincia ourensá.

Éxito da iniciativa

A Consellería de Cultura e Educación asinará contratos-programa cun total de 289 centros educativos de toda Galicia. Deste xeito quedou confirmado o éxito da segunda convocatoria desta iniciativa, á que se presentaron 314 centros, con propostas para o desenvolvemento de 527 actuacións, o que supuxo duplicar o número de solicitudes do ano anterior, mostra do interese da comunidade educativa.

Os centros participantes no curso 2012/2013 desenvolverán un total de 417 actuacións, 256 delas para o reforzo, orientación e apoio; 91 de mellora da lectura, escritura e cálculo; 34 para a mellora da convivencia; 6 dirixidas á redución do abandono escolar; e 30 para favorecer a excelencia educativa. Un total de 99 colexios e institutos asinaron contratos-programa con 2 ou máis liñas de actuación.

O obxectivo é que se beneficien destes contratos-programa preto de 35.800 alumnas e alumnos de toda Galicia, grazas á implicación de 2.950 docentes, dos que 65 foron contratados a maiores pola Consellería, que inviste nesta iniciativa máis de 3,27 millóns de euros.

O conselleiro de Cultura, Educación e Ordenación Universitaria, Xesús Vázquez Abad, asinou hoxe contratos-programa con 31 centros educativos da provincia Lugo, nun acto na delegación da Xunta na cidade da Muralla ao que asistiron máis de 60 membros das comunidades educativas destes colexios e institutos. Ademais, estiveron presentes o director xeral de Educación, Formación Profesional e Innovación Educativa, Manuel Corredoira; o subdirector xeral de Ordenación, Innovación Educativa e Formación do Profesorado, Manuel Vila; e o xefe territorial da Consellería na provincia, José Jesús Ramos Ledo; así como inspectores dos centros participantes.

Vázquez Abad agradeceu aos representantes dos centros a súa participación na segunda convocatoria dos contratos-programa, “especialmente a todos aqueles que o ano pasado participastes no Programa de Iniciativas de Mellora (PIM), que nós vos propuxemos, e que este ano vos integrades nos contratos-programa”. “A Consellería non pode estar máis satisfeita coa resposta dos centros educativos e coa implicación e alto compromiso dos 286 profesores da provincia que participades nesta segunda convocatoria”, salientou. “Queremos reiterarvos o noso máis profundo agradecemento por ese interese que amosades día a día polo voso alumnado, e que demostrades buscando de forma desinteresada novas vías para abrirlles as portas cara a un futuro máis próspero”, dixo.

Actuacións desenvolvidas

Neste sentido, o conselleiro explicou que este ano os centros lucenses desenvolverán un 17% máis de actuacións a prol da mellora do éxito escolar que o curso pasado. En total, os 31 colexios e institutos da provincia desenvolverán 48 actuacións, delas 28 na liña de reforzo, acompañamento e apoio, 11 para a mellora da lectura da escritura e do cálculo, 5 para a mellora da convivencia e 4 a prol da excelencia educativa.

O obxectivo é que máis de 3.800 alumnas e alumnos da provincia poidan acadar, un incremento de preto de 1.700 estudantes beneficiados na provincia máis respecto do curso pasado.

Dos centros participantes, 13 asinaron hoxe contratos-programa en 2 ou máis liñas de actuación diferente, chegando a 3 liñas nos casos dos IES Poeta Díaz Castro (Guitiriz), Sanxillao (Lugo) e Xograr Afonso Gómez de Sarria.

Profesores de reforzo

Vázquez Abad destacou o esforzo económico realizado pola Consellería “nestes tempos de crise, investindo máis de 3,27 millóns de euros para respaldar estas actuacións, dos que máis de 363.000 euros se destinan a centros da provincia de Lugo”.

Así mesmo, salientou que este curso se mantén a dotación de profesorado a maiores para o desenvolvemento dos contratos-programa, un total de 65 docentes en Galicia, 6 deles na provincia de Lugo.

Éxito da iniciativa

A Consellería de Cultura e Educación asinará contratos-programa cun total de 289 centros educativos. Deste xeito quedou confirmado o éxito da segunda convocatoria desta iniciativa, á que se presentaron 314 centros, con propostas para o desenvolvemento de 527 actuacións, o que supuxo duplicar o número de solicitudes do ano anterior, mostra do interese da comunidade educativa.

Os centros participantes no curso 2012/2013 desenvolverán un total de 417 actuacións, 256 delas para o reforzo, orientación e apoio; 91 de mellora da lectura, escritura e cálculo; 34 para a mellora da convivencia; 6 dirixidas á redución do abandono escolar; e 30 para favorecer a excelencia educativa. Un total de 99 colexios e institutos asinaron contratos-programa con 2 ou máis liñas de actuación.

O obxectivo é que se beneficien destes contratos-programa preto de 35.800 alumnas e alumnos de toda Galicia, grazas á implicación de 2.950 docentes, dos que 65 foron contratados a maiores pola Consellería, que inviste nesta iniciativa máis de 3,27 millóns de euros.

O conselleiro de Cultura, Educación e Ordenación Universitaria, Xesús Vázquez Abad, asinou hoxe contratos-programa con 129 centros educativos da provincia de Pontevedra, en dous actos nas delegacións da Xunta en Vigo e Pontevedra.  Nas sinaturas, ás que asistiron máis de 250 membros das comunidades educativas destes colexios e institutos, estiveron ademais presentes a delegada da Xunta de Galicia en Vigo, María José Bravo Bosch; o delegado en Pontevedra, José Manuel Cores Tourís; o director xeral de Educación, Formación Profesional e Innovación Educativa, Manuel Corredoira; o subdirector xeral de Ordenación, Innovación Educativa e Formación do Profesorado, Manuel Vila; o xefe territorial da Consellería na provincia, César Pérez Ares; así como inspectores dos centros participantes.

Vázquez Abad agradeceu aos representantes dos centros “o voso interese por esta segunda convocatoria de contratos-programa e o voso esforzo á hora de analizar as fortalezas e as eivas dos centros educativos nos que exercedes a docencia”. Neste sentido, salientou o éxito da iniciativa, na que este curso se implican 129 centros na provincia, 27 máis dos que participaron no 2011/2012 nos contratos-programa e o Programa de Iniciativas de Mellora (PIM). Ademais valorou o esforzo dos centros que o ano pasado participaron no PIM e este ano desenvolveron iniciativas para integrarse nos contratos-programa.

O conselleiro destacou o valor desta iniciativa, iniciada polo seu departamento o pasado curso, como aposta da Consellería pola autonomía dos centros de ensino, “porque ten constatado que sodes os docentes quen mellor coñecedes ás alumnas e alumnos e os que podedes acadar deles o mellor de si mesmos”. “A Consellería non pode estar máis satisfeita coa resposta dos centros educativos e dos 2.950 profesores implicados en toda Galicia”, dixo.

Así mesmo, Vázquez Abad salientou o esforzo económico realizado pola Consellería “nestes tempos de crise, investindo máis de 3,27 millóns de euros para respaldar estas actuacións, dos que máis de 1,5 millóns se destinan a centros da provincia de Pontevedra”

Liñas de actuación

A primeira hora da mañá o conselleiro reuniuse cos representantes dos 60 centros participantes de Vigo e a súa zona de influencia, que desenvolverán un total de 84 iniciativas ao abeiro dos contratos-programa asinados. Delas, 52 corresponderanse coa primeira das liñas de actuación previstas, a de reforzo, orientación e apoio; 21 coa de mellora da lectura, da escritura e do cálculo; 6 para a mellora da convivencia e 5 para mellorar o nivel de coñecementos para acadar a excelencia. “Incluso 21 destes centros - destacou o conselleiro- van asinar  contratos-programa en 2 ou máis liñas de actuación diferente, e o CPI Cova Terreña, de Baiona, chega a asinar 4 iniciativas distintas”.

Posteriormente, Vázquez Abad desprazouse á delegación da Xunta de Galicia na cidade do Lérez, onde asinou os restantes contratos-programa da provincia con 69 colexios e institutos. Das 98 actuacións que van desenvolver, 65 enmárcanse na liña de reforzo, orientación e apoio; 21 na de mellora da lectura, escritura e cálculo; 6 na destinada a favorecer a convivencia; 1 na dirixida á redución do fracaso escolar; e 5 na liña de mellora do nivel de coñecementos para acadar a excelencia. Ao igual que na zona de Vigo, algúns centros – en concreto 26- asinaron o desenvolvemento de 2 ou máis proxectos.

Éxito da iniciativa

A Consellería de Cultura e Educación asinará contratos-programa cun total de 289 centros educativos. Deste xeito quedou confirmado o éxito da segunda convocatoria desta iniciativa, á que se presentaron 314 centros, con propostas para o desenvolvemento de 527 actuacións, o que supuxo duplicar o número de solicitudes do ano anterior, mostra do interese da comunidade educativa.

Os centros participantes no curso 2012/2013 desenvolverán un total de 417 actuacións, 256 delas para o reforzo, orientación e apoio; 91 de mellora da lectura, escritura e cálculo; 34 para a mellora da convivencia; 6 dirixidas á redución do abandono escolar; e 30 para favorecer a excelencia educativa. Un total de 99 colexios e institutos asinaron contratos-programa con 2 ou máis liñas de actuación.

O obxectivo é que se beneficien destes contratos-programa preto de 35.800 alumnas e alumnos de toda Galicia, grazas á implicación de 2.950 docentes. Pola súa parte, a Consellería inviste nesta iniciativa máis de 3,27 millóns de euros.