O CS DE Guías, información e asistencia turísticas comezamos as actividades de 2023 da mellor maneira posible, viaxando a Madrid para asistir a FITUR ‐Feria Internacional de Turismo‐ e ao tempo facer outras actividades como visitar a exposición inmersiva,Tutankamon, ir ao teatro, facer unha visita guiada pola cidade ou visitar unha axencia de viaxes referente a nivel nacional.

 Despois dunha entretida viaxe en tren chegamos a Madrid, desprazamos ao hotel onde nosaloxábamos ‐preto da Praza Maior‐, fixemos o check in e saímos hacia Matadero Madrid para ver a unha chea de tesouros, tumbas, templos e misterios do antigo Exipto. Trátabase dunha exposición inmersiva con experiencias fantásticas de realidade virtual, xogos interactivos de realidade aumentada, unha animación de 360º que cobre as catro paredes e o chan, paneisinformativos,…; todo elo tendo como protagonista ao Faraón Neno, Tuntankamon, no Exipto do 1300 a. C.

O xoves 19 de decembro tocaba FITUR!!!

A 43ª edición dunha das feiras turísticas máis importantes que este ano mostrábase optimista por poder viaxar sin restricións. O lema, “Viaja al Centro… del Turismo”.

A primeira visita foi a Galicia. O noso lema, “Unha viaxe enogastronómica e sostible”. Esa é a aposta da Xunta de Galicia para consolidar a nosa Comunidade como destino de referencia.

O pasado luns 16 de xaneiro, o alumnado de 4º de ESO asistiu a unha charla incluida dentro do plan Proxecta  “Por 365 días de respecto e igualdade” sobre violencia de xénero na mocidade, no salón de actos do Río Cabe. A poñente foi Rosa, terapeuta ocupacional no centro de recuperación integral  dependente da Consellería de Emprego e Igualdade, e o obxectivo da actividade foi proporcionar ás rapazas e rapaces desde a escola, formación e ferramentas que lles permitan coñecer e recoñecer a violencia contra as mulleres, e actuar na súa prevención, fomentando a autoestima, a autonomía, o coñecemento da construción social das súas identidades sexuais  e a asignación de roles, o que permitirá traballar na eliminación de estereotipos sexistas e de falsas crenzas.

Miguel Vega López, alumno de 2º de Bacharelato, acaba de proclamarse subcampión do VIII concurso Talento na Bolsa. Esta competición ten como patrocinadores a “Renta4banco” e ao “Instituto de Estudios Bursátiles” (IEB), formando parte do Plan de Educación Financeira elaborado pola CNMV e o Banco de España. O seu obxectivo é buscar e premiar o talento sostible, xa que procura demostrar que os investimentos en Bolsa poden ser sostibles, seguros, socialmente responsables e que axuden a xerar coñecemento real das finanzas. Ademais, con este concurso preténdese contribuír á mellora da cultura financeira do alumnado de bacharelato, dotándolles de ferramentas, habilidades e coñecementos para adoptar decisións financeiras informadas e apropiadas ao longo da súa vida.

O primeiro clasificado neste concurso obtivo unha rendibilidade do 49%, recaendo a segunda posición en Miguel Vega López, alumno do IES Río Cabe, cunha rendibilidade do 36,87 %. Ao redor de 600 alumnos/as de bacharelato de toda España participaron na edición deste ano. Os premios repártense entre os oito primeiros clasificados e consisten en cheques para realizar compras en amazon ademais de bolsas para estudar no IEB, concretamente Miguel, como 2º clasificiado, recibiu unha tarxeta de 250 euros, unha bolsa do 50% para cursar un grao ou un máster universitario e un diploma acreditativo do posto alcanzado.

Ao longo do xogo da bolsa, que durou do 18 de outubro ao 20 de decembro de 2022, os alumnos de bacharelato competiron entre si para tentar obter a maior rendibilidade e a carteira de investimento mellor valorada ao final do prazo, seguindo os parámetros reais do mercado bolsista español. Desta forma, os participantes deberon obter a máxima rendibilidade dun capital ficticio de 30.000 euros co que partían ao comezo deste xogo. Neste sentido, e segundo recollían as bases do concurso, os ‘bróker’ ficticios puideron realizar as operacións que considerasen oportunas coa cantidade que tiñan asignada en valores do Ibex35 e do Mercado Continuo Español.

No Río Cabe quixemos que o alumnado disfrutase dunha xornada festiva antes das tan ansiadas vacacións de Nadal. Para isto, organizouse  o “II Trimaratón Deportivo” composto por Baloncesto 3x3, Soga-Tira e Datchball; éste último xogo gozou dunha gran aceptación entre o alumnado, polo que será tido  en conta para futuras xornadas festivas.

Esperamos que voltarades coas pilas cargadas!!

Ó  longo do primeiro trimestre o alumnado do Ies Río Cabe, tivo a oportunidade de participar nun torneo de bádminton que se levou a cabo durante o tempo de lecer.

Foron moitos os rapaces/as que xogaron e dedicaron o tempo do recreo a facer actividade física mediante o Bádminton.

No torneo por parellas, os gañadores da final xogada o 22-12-2022  foron Eric e Gabriel, de 3º da ESO, sendo finalistas Ximena e Íker,  gañadores deste mesmo torneo no curso pasado. Parabéns a todos eles!!

Dende o centro queremos felicitar a todo o alumnado polo seu magnífico traballo conxunto para decorar as aulas, que rebosaban ambiente navideño. Os resultados foron moi bos   e a elección dos mellores non foi doada. Os cursos premiados son os seguintes:

            1º Premio: 1º ESO A, B e C

            2º Premio: 2º ESO B

       Moitos parabéns e moi feliz ano novo!!

As saídas do CS de Guías, información e asistencia turísticas no mes de outubro consistiron  nunha visita guiada por Monforte, outra visita ao Centro de Interpretación do Camiño de Inverno e a derradeira,  un recorrido guiado nos Escolapios.

O luns 19 de decembro de 2022 no salón de actos do Ies Rio Cabe celebrouse unha charla sobre as regras de xogo do Fútbol a cargo de David Pérez Pallas (árbitro VAR 2a División) e Adrián (árbitro Asistente 2a División), de ascendencia monfortina.  Comezou ás 19h e rematou pasadas as 21h, o cal demostra o interese que suscitou entre os asistentes. 
Cabe destacar que o público foi moi heteroxéneo, xa que non so había adestradores e futuros técnicos  senón que tamén participaron xogadores de distintas idades e afeccionados/as.

Agradecer os árbitros que se desplazaron dende Vigo a dar a charla e a todas/os  os/as participantes.

O día 14 de decembro de 2022 o alumnado de 2º ESO do IES Río Cabe   realizou unha saída á cidade de Lugo acompañados polos profesores de Lingua Galega e Literatura, Marco Antonio Piñeiro e Ana Otero, e o profesor de Educación Física, Jorge Fortes.

Durante a primeira parte da mañá visitaron o Museo de Lugo e nel participaron nunha xincana das rutas literarias do museo sobre os contos do libro Contos de fantasmas no museo, o cal leron previamente nas clases de Lingua Galega e Literatura.

Na segunda parte da mañá, alumando e profesorado acompañante gozou dunhas horas no rocódromo de Lugo RocoLugo onde puideron iniciarse na escalada. Foi todo unha experiencia!

A actividade estivo organizada polos departamentos de Lingua Galega e Literatura e Educación Física.