IES Río Cabe

 

Benvido á web do IES Río Cabe. Desde esta páxina inicial podes acceder aos diferentes bloques de contidos que se ofrecen. Nela ofrécese puntualmente toda a información que resulte de interese para toda a comunidade educativa.

Así mesmo, na Aula virtual, os departamentos irán actualizando o seu material didáctico.

Visita ó Parque Eólico de Sotavento

No día de hoxe,16 de xuño, o alumnado de 4º de ESO visitou as instalacións do Parque eólico de Sotavento , en Xermade, Lugo. A mesma visita foi realizada polo alumnado de 2º de ESO o pasado 24 de maio. O obxectivo das visitas foi coñecer de primeira man un proxecto  “que pretende tomar conciencia da necesidade de promover novos modelos de desenrolo que axuden a diversificar as fontes enerxéticas á  a vez que impulsen o aforro e o uso enerxético responsable”.

 

Así, o alumnado e profesores acompañantes aprenderon como aforrar enerxía no fogar, como orientar as vivendas a construir para que sexan máis eficientes, aproveitar e gastar menos auga, viron o funcionamento de aeroxeradores e atenderon a moita información moi interesante para transformar a nosa mentalidade en canto a axuda ó medioambiente.

 

Unha visita que sen dúbida repetiremos en próximos anos.

 

 

 

 

 

 

 

 

 

 

 

Excursión ó Courel . Rota Uxío Novoneyra

 O luns 7 de xuño do 2021 ó alumnado de 1º ESO do IES Río Cabe de Monforte de Lemos fixo a ruta de sendeirismo de Uxío Novoneira na serra do Caurel. Foron acompañados polas profesoras Nuria Mariño, Carmen Morais, María Padrón e Carlos Parada. A actividade estivo organizada polo Departamento de Normalización lingüística, Bioloxía e Educación Física.

 A rota empezou ás 11h saíndo do pobo de Parada e continuou por Moreda, para adentrarse nas devesas que conforman os 8 km de ruta. O alumnado foi lendo as distintas poesías que aparecen no recorrido e  desfrutando das espectaculares vistas que presenta a serra do Caurel.

 Unha vez na aldea de Parada fixemos unha visita rápida á casa de Uxío Novoneira, guiados pola traballadora da Fundación Uxío Novoneira, Marta

Ó rematar a visita á casa aproveitamos para xantar ó lado da fonte e lavadoiro e baixo a sombra dos carballos.

 Xa de volta paramos a coñecer o pregamento de Campodola, no Concello de Quiroga.

O IES Río Cabe quere agradecer ó Concello de Folgoso de Caurel o mantemento da rota en boas condicións e a Fundación Uxio Novoneyra a súa colaboración dun xeito totalmente desinteresado.

 

Visita do alumnado do CS Turismo a DAVEIGA e paseo polo Miño coa empresa Sacra Activa

O pasado 9 de xuño o alumnado do Ciclo Superior  de Turismo visitou a primeira hora da tarde as instalacións da fábrica Daveiga produtora das famosas galletas Mariñeiras, onde puidemos comprobar a aposta que fai esta sociedade pola utilización de materias  primas naturais  e de calidade.

 

A visita comezou cun percorrido polas distintas salas de elaboración  onde Suso nos explicou  todo o proceso dende a formación  inicial da masa, amasado,  cocción, selección  e posterior empaquetado.

                                                              

 

Ao rematar, Xose Lois, xerente e cofundador da empresa, falounos sobre a orixe desta idea  e a evolución no mercado ao longo destes anos. Fíxonos partícipes do seu  proxecto empresarial  da economía do social  onde os traballadores participan activamente na empresa.

Dámoslle as grazas a Daveiga pola oportunidade  de coñecer un pouco máis  a súa  empresa, baseada no aproveitamento sostible dos recursos locais, respetuosa co medio e  cunha grande resposabilidade laboral.

Seguidamente desprazámonos ao pobo de Belesar onde Martín, responsable do proxecto empresarial Sacra Activa, nos levou ao mando do seu catamarán pola Ribeira do Miño, gozando da beleza da nosa paisaxe.


Xa de volta, agasallounos cunha pequena merenda acompañada de cata na bodega Ecosacra,  un lugar de paz e tranquilidade con máis de 300 anos de antigüidade. 

 

 

Un perfecto final para un día adicado á iniciativa emprendedora na Ribeira Sacra. 

Moitas grazas  a nosa alumna Carmen polas xestións feitas e a  Xose Lois e  Martín pola vosa  amabilidade e bo facer.

Premendo no seguinte enlace podedes acceder á Galería de fotos da saída.

 

Xornada de aprendizaxe no CLUB DEPORTIVO LUGO

O pasado mércores  día 9 de xuño os nosos alumnos  en prácticas do Nivel I Técnico Deportivo especialidade de fútbol foron invitados polo C.D. Lugo para desenrolar unha xornada de coñecemento  e aprendizaxe a carón dos entrenadores e xogadores de dito club.

 

 O día estivo estruturado da seguinte maneira:

10:00-11:30 Explicación das bases do modelo de metodoloxía desenvolto na tempada 20/21.

11:30-13:00 Realización e explicación das sesións que se realizarían pola tarde: Obxectivos  xerais e individuais e roles dos adestradores.

16:00-18:00 Visionado das sesións de Cadete División de Honra e Cadete Liga Galega.

18:00-19:30 Visionado da sesión de Infantil Liga Galega.

 

Dende o noso centro  dámoslle  as grazas ao C.D.Lugo pola xornada e o excelente trato recibido.

Saída parque Biosaudable O Viveiro - Plan Proxecta Naturézate

O pasado xoves 27 de maio as titoras de 1º ESO organizaron unha saída ao Parque O Viveiro de Monforte para continuar co Plan Proxecta Naturézate. Alí realizamos actividades relacionadas coa biodiversidade e o alumnado puido aplicar os coñecementos sobre flora adquiridos na materia de Bioloxía e co Plan Naturézate. Como se pode ver nas fotos, tamén tiveron tempo de desfrutar e xogar.

La 

 

 

 

In search of hidden Monforte

O luns día 7 de xuño as alumnas do Ciclo superior de turismo do noso centro ( CS Guía, información e asistencia turísticas) fixeron de guías turísticas para un grupo de alumnos de 4º ESO. Toda a ruta se desenrolou en inglés. Os alumnos de secundaria non se esperaban unha visita na que non se lles falou dos lugares máis emblemáticos, típicos e coñecidos de Monforte, senón doutros  ocultos ou xa desaparecidos e cunha historia detrás. E o mellor foi que tiveron que practicar inglés e facer de detectives durante hora e media para resolver aas pistas e poder seguir o itinerario de principio a fin.

 

Todos desfrutamos moito do estupendo tour e o colofón foi degustar un rico postre tradicional chamado “vexiga” e intentar descubrir sen éxito os seus sinxelos ingredientes. Esperamos que os rapaces de 4º da ESO  aprenderan algo novo. As alumnas de Turismo e eu  agradecémoslles o seu bo comportamento, simpatía e respecto en todo momento. 

 

Unha experiencia para repetir.

 

 

 

 

 

Convocados os premios extraordinarios de Educación Secundaria Obrigatoria ao rendemento académico correspondentes ao curso 2020/21

Informamos que dende o día 7 se xuño ata o día 6 de xullo de 2021 poderán presentarse as solicitudes para os premios  extraordinarios de Educación Secundaria Obrigatoria ao rendemento académico correspondentes ao curso 2020/21.

Poderá optar ao premio extraordinario o alumnado que reúna os seguintes requisitos:
- Ter cursado durante o ano académico 2020/2021 4º curso de educación secundaria obrigatoria no réxime ordinario en calquera dos centros da Comunidade Autónoma de Galicia.
- Estar proposto polo equipo docente para a expedición do título de Graduado en Educación Secundaria.
- Ter obtido no conxunto dos catro cursos de Educación Secundaria Obrigatoria unha nota media igual ou superior a 9,00 puntos.

Todos os requisitos relacionados neste artigo deberán posuírse no día en que remate o prazo de presentación de solicitudes.

Premendo na seguinte imaxe  pódese consultar a forma e prazo de presentación das solicitudes así como a estructura da proba.

 

 

 

Visita ao Encoro de Belesar e Ecomuseo Arxeriz

 

 

O venres pasado os nosos alumnos/as de 3º ESO realizaron unha excursión ao Ecomuseo de Arxeriz e ao embalse de Belesar. Esta actividade enmárcase dentro Plan Proxecta “Patrimonio Etnográfico da Ribeira Sacra” no que seguen a traballar. O obxectivo era coñecer un pouquiño máis a Ribeira Sacra… e conseguímolo!! Ao chegar ao Ecomuseo fomos recibidos por Mar e Sonia que nos explicaron como era a vida nesa zona. Moito foi o que aprendemos: o papel tan importante que tiñan as barcas do río, os tipos de barcas, os apeiros usados na pesca, as pontes que había sobre o Miño, os pobos que quedaron mergullados pola construción dos encoros do Miño e do Sil, como era o traballo nas viñas (como se facía a poda ou se daba o sulfato, como se vendimiaba e trasladaba a uva nos culeiros ou cestos), como eran as cubas, para que se usaban os alambiques… e moitas cousas máis. En Arxeriz tamén visitamos o Pazo e o Castro, desde este último puidemos contemplar unhas impresionantes vistas ao meandro do Cabo do Mundo. Despois da visita ao castro, desprazámonos ata Belesar para coñecer o seu encoro. Alí, Mar explicounos cando e como foi construido, como funciona, premios que recibiu, etc. Esta última visita durou moi pouquiño xa que o tempo apremiaba e tiñamos que regresar ao Instituto.

 

Agradecemos a Mar e a Sonia as súas explicacións, pacienca e amabilidade.

Obradoiro "Ti sí que es un bo peixe"

Os Os alumnos de 3º de ESO participaron os  días 24 e 26 de maio nun programa chamado “Ti sí que es un bo peixe”, creado pola Consellería do Mar co obxectivo de facilitar o coñecemento e consumo de produtos frescos do mar de Galicia e incidir e equilibrar nas súas dietas alimentarias. O programa constou de dúas partes: un obradoiro, dunha hora de duración e  levado a cabo por dous biólogos galegos,que sev centrou en dar a coñecer os aspectos saudables do consumo de produtos do mar, peixes e mariscos representativos do mar de Galicia.

 

 

A segunda parte, o  día 26 de maio, na que  os alumnos de 3º de ESO, continuaron co desenvolvemento do programa, participando nunha excursión virtual a varias localizacións mariñeiras onde visualizaron distintas especies do fondo mariño e  a súa extracción e comercialización. Despois os alumnos levaron a cabo unha actividade de recoñecemento de bivalvos. Coa axuda de calibres explicouse a forma de medir o tamaño mínimo de das diferentes especies incidindo na importancia de cumprir e respectar os tamaños mínimos. Por último, antes de rematar a xornada lectiva se lles entregou a cada participante unha bolsiña  dun catering coas preparacións realizadas a base de peixe.

 

 

 

Distribuir contido