Dentro das actividades do MARZO-MULLER, hoxe luns 13 de marzo comezamos a semana coa charla de Melodi Parga Otero, historiadora da Arte (e exalumna do centro), que contou ao alumnado de 2º BAC C os seus estudos universitarios, a sú vida como alumna ERASMUS en Göttingen, as súas andanzas polo Arqueolóxico Nacional, e as súas actuais inquedanzas.... Agardamos que a súa interesante charla sirva de acicate a este alumnado que, en pouco tempo, vai a verse envolto en novas e cruciais experiencias. Agardamos tamén que volvan dentro dun tempo, e conten, como agora o fixo Melodi, as súas andanzas polo mundo adulto, calquera que sexa o que lles toque ou o que poidan vivir.
Grazas Melodi, polas túas palabras, e polo traballo, que xa acumula moitos momentos importantes desde aqueles tempos do blog de prensaescuela, do traballo da "Baraja vial",... e tantas e tantas actividades escolares ás que dedicaches tempo e bo facer!!!
