Últimos días de clase do 2022... Tiñamos pendente contar a experiencia na IV sesión Autonómica do MEP e así o fixemos o mércores 21 de decembro con Juana Carrera en radio cadena COPE. Sempre é unha boa oportunidade explicarse en público, contar o que aprendemos e difundir o que vivimos. Tal vez sexan estas as mellores aprendizaxes que poidamos levar con nos o resto da nosa vida. O doble perfil das alumnas Mariam Dilami, Alba Loureiro, Patricia Pérez López e Candela Rodríguez, como embaixadoras junior do Parlamento europeo e como delegadas para o MEP enriquece unha charla na que desenvolven as súas vivencias deste primeiro trimestre.
De regreso ao centro Alba Loureiro presentou un traballo en clase sobre algúns dos mitos do Nadal: as orixes desta celebración, e algúns dos costumes que xa forman parte da nosa rutina estacional: as uvas, a árbore,... Unha lección realista que non empaña en absoluto a significación especial destas datas.
