Taboleiro

 Calendario de entrega de notas 

Xornada de Portas Abertas o vindeiro venres 25 de xuño no Campus de Lugo, onde se concentran varias das novas ofertas de grao da USC como o novo grao en Xestión Cultural, que comeza no curso académico 2021-2022, ou os Graos en Bioquímica e Empresa e Tecnoloxía, que se iniciaron no presente curso. Todos eles son graos únicos no Sistema Universitario Galego e súmanse a outros de implantación recente, os Graos en Robótica e en Paisaxe.

Esta Xornada de Portas Abertas vai dirixida especialmente ao alumnado que acaba de rematar as probas ABAU e aos seus pais e nais.

Xunto coa presentación das titulacións, darase información sobre os servizos para o alumnado como son as residencias universitarias. Este é un resumo das quendas e percorridos ofertados.

Para inscribirse na Xornada, as persoas interesadas deben cubrir o seguinte formulario:

https://forms.office.com/r/qEzbsCMxtq

Para calquera dúbida poden dirixirse ao correo: aponte.lugo@usc.es

Alfonso Blanco Torrado, crego, animador sociocultural, escritor, fundador e coordinador de XERMOLOS, presentou no IES Nosa Señora dos Ollos Grandes ao alumnado de 4º ESO  o Paseo dos Soños.

O alumnado de 4º ESO, na materia de plástica fixo este traballo sobre o Hectómetro literario. Outros compañeiros traballaron en Lingua Galega sobre a vida e obra destes persoeiros chairegos.

O día 8M, 8 de marzo conmemórase o Día Internacional da Muller. Esta data foi institucionalizada pola ONU en 1975 co fin de reivindicar a loita das mulleres pola igualdade de oportunidades.

O IES Nosa Señora dos Ollos Grandes súmase a esta reivindicación con distintos actos.

 Celia Mariño, Silvia López, Sabela Leirado e Yago  Atadell, de 2º de bacharelato puxeron voz a un dos actos que se celebraron o día 8 de marzo no IES Nosa Señora dos Ollos Grandes.

Leron tres cartas escollidas da obra literaria Cartas de Amor de Fran Alonso. Quixeron recoller, con tres historias de ficción femininas, que ben poderían ser reais, tres crueis exemplos de violación de dereitos fundamentais e de privación da igualdade de oportunidades, só polo feito de seren mulleres.

Celia contounos a historia dunha rapaza saharaui, que retorna ao campamento de Tinduf; Silvia a dunha muller inmigrante, que a punto de parir decide emprender unha viaxe, acompañada sempre do medo a ser deportada; e Sabela falounos dunha nena de nove anos que conta o día en veu visitala “a maldición...”

 Para rematar o acto, Yago recitou o coñecido poema Libre te quiero, coma desexo final de que unha forza imparable de homes e mulleres nos empurre cara a igualdade de xénero.

Por outra banda dende a Biblioteca tamén se elaborou un vídeo con alumnas do centro en diferentes idiomas reivindicando que o futuro é feminino.

Rosalía sempre viva en nós!

Para celebrar o Día de Rosalía, o alumnado de 3ºF acudiu ao parque do mesmo nome e, diante do busto da escritora, realizou unha lectura de poemas e unha ofrenda floral.

Poemas como “Nasín cando as prantas nasen”, “Negra sombra”, “Unha vez tiven un cravo”, “Campanas de Bastabales”, “Adiós ríos, adiós fontes”

e para rematar o poema que Federico García Lorca dedicou á nosa poetisa:                 

                        “Canzón de cuna  para Rosalía de Castro, morta”

¡Érguete, miña amiga, que xa cantan os galos do día!

¡Érguete, miña amada, porque o vento muxe coma unha vaca!

Os arados van e ven dende Santiago a Belén,

Dende Belén a Santiago un anxo ven en un barco.

Un barco de prata fina que trae a dor de Galicia.

Galicia deitada e queda transida de tristes herbas.

Herbas que cobren teu leito e a negra fonte dos teus cabelos.

Cabelos que van a ô mar onde as nubes teñen seu nidio pombal.

¡Érguete, miña amiga, que xa cantan os galos do día!

¡Érguete, miña amada, porque o vento muxe coma unha vaca!