3º trimestre

No IES Nosa Sra dos Ollos Grandes puxemos punto e final ao período lectivo cunha actuación do Grupo de Teatro do IES Ollos Grandes

O día 20 de xuño, o club de teatro do noso IES presentou dúas actuacións no instituto "Divino Maestro" de Lugo. A primeira obra, "Memorias de Nunca Jamás", realizada por alumnos de 2º da ESO, transportou ao público ao misterioso mundo de Peter Pan. A segunda peza, "Máis alá das ondas", a cargo do alumnado de 3º da ESO, foi escrita e dirixida pola nosa alumna Noa Álvarez de 1º de bacharelato. Ao día seguinte, no propio “Ollos Grandes”, as obras brillaron de novo, consolidando o seu éxito.

Os días 28, 29 e 30 de maio o alumnado de 3 ESO do IES Nosa Sra dos Ollos Grandes está disfrutando en Vilanova de Arousa de distintos xogos e actividades deportivas na praia das Sinas: kaiak, paddle surf xigante,… acompañados dos seus profesores: Aitor, Adrián, María e Noemí.

Esta actividade está enmarcada dentro do Proxecta: Proxecto de Vida Saudable e Deportiva coordinado polo Departamento de Educación Física.

Onte contamos coa presenza no centro da Subdelegada do Goberno en Lugo, Isabel Rodríguez, e máis a Xefa da Unidade contra a violencia sobre a muller, María Luisa Castro, que nos viñeron presentar o obradoiro "Regueifando en igualdade".

Nel a regueifeira Guadalupe Blanco amosou ao alumnado participante como a través deste xénero da nosa música popular se poden defender valores básicos da nosa sociedade, como son o respecto e a igualdade.

E como en algo menos de dúas horas se pode acabar saíndo ao escenario para que cada grupo cante as súas propias creacións. Música, tradición, lingua e cultura, loitando xuntas a prol da igualdade de xénero

Alumnado de 3º ESO do IES Nosa Sra dos Ollos Grandes viaxou a Madrid para visitar a cidade.

Hoxe, 29 de xuño, no Salón de Actos do IES Nosa Señora dos Ollos Grandes, celebrouse o acto de entrega de diplomas acreditativos da matrícula de honra aos mellores expedientes na  ESO 2023

Parabéns a Carmen, Alicia, Mencía, Sabela e Laura