Skip to Content

Lingua galega

Departamento de Lingua Galega. Curso 2022-2023

A composición do departamento de lingua galega do IES Nosa Señora dos Ollos Grandes durante o curso 2022-2023 é a seguinte:

  • Barral Rodríguez, Ana Mª (xefa de departamento)
  • Penas Roibás, Áurea Mª
  • Rodríguez de Arriba, Purificación
  • Rodríguez Rouco, Ana María
  • Lodos Veiga, José
  • Méndez Linares, Mª Ángeles

Visita á Exposición "Centenario de María Casares"

Alumnado de 4º ESO do IES Nosa Señora dos Ollos Grandes visitou a Exposicíón Centenario de Mª Casares na Biblioteca Pública de Lugo.

 

Visita á exposición Postais para recordar

Alumnado de 2º e 3º ESO do IES Nosa Señora dos Ollos Grandes visitou no Arquivo Histórico Provincial de Lugo a exposición Postais para recordar.

  

Na exposición pódense contemplar vistas de monumentos, paisaxes, rúas, etc. de distintas localidades galegas a mediados do século XX

Buscando as frases dos escritores galegos nos pasos de peóns

Un grupo de alumnos e alumnas de 2º ESO buscou frases relacionadas con escritores galegos nos pasos de peóns do centro de Lugo.

As citas chamaron moito a atención ao noso alumnado

Falemos da escola 2

Alumnado de 1º de Bacharelato do IES Nosa Señora dos Ollos Grandes participou na segunda edición da actividade Falemos da escola.

   

Esta actividade, organizada en colaboración con Afundación (obra social de Abanca), celebrouse no Espazo+60, e puxo a mirada nos cambios educativos desde os anos 60

 

Fálame da emigración 2

O alumnado de 2ºA de ESO participou o día 29 de marzo nesta actividade que se realiza en colaboración con Afundación. 

 

Visitamos a sede de Afundación e nove alumnos relataron as vivencias dos seus parentes como emigrantes. A continuación tivemos un debate con persoas maiores que tamén viviron esta experiencia  e analizamos as circunstancias, causas e consecuencias deste fenómeno tan significativo na nosa sociedade.

 

Día de Rosalía

Alumnado do IES Nosa Señora dos Ollos Grandes participou nunha actividade de homenaxe a Rosalía de Castro.

Recitáronse poemas da autora e acompañouse da música de contrabaixo dun alumno de 1º de Bacharelato

 

Fálame da emigración

Alumnado de 2º ESO A  do IES Nosa Señora dos Ollos Grandes participou na actividade "Fálame da emigración" en colaboración con Afundación, obra social de Abanca.

Nesta primeira sesión recibimos a varias persoas da terceira idade que relataron as súas experiencias como emigrantes en diferentes países de Europa e América. Fomos partícipes de vivencias moi duras que compartiron con nós e que nos fixeron reflexionar sobre a emigración galega como feito significativo da nosa historia.

Na segunda parte (que celebraremos máis adiante) serán os nosos alumnos os que relatarán as experiencias de emigrantes das súas familias despois dunha investigación que están realizando.

Visita á exposición: Anxel Casal, 125 anos con nós

Alumnado de 3º ESO e 4º ESO visitou a Exposición: Anxel Casal, 125 anos con nós.

             

Esta exposición situada no Vello Cárcere, mostra a vida e o traballo do editor, que puxo en marcha a Editorial Nós.

A mostra forma parte da campaña que a Asociación Anxel Casal leva a cabo para que Casal sexa homenaxeado no día das Letras Galegas e darlle o recoñecemento como editor, impresor, administrador e distribuidor do libro galego.

Visita á exposición itinerante Alfonso X e Galicia

Alumnado do IES Nosa Señora dos Ollos Grandes visitou a exposición itinerante Alfonso X e Galicia, na Capela de Sta María.

  

Trátase de unha exposición  organizada co motivo do 800 aniversario do nacemento do Rei Sabio. Destaca a súa importante relación con Galicia, que ten unha das súas expresións nas Cantigas de Santa María, unha das obras líricas medievais máis senlleiras escritas en lingua galega.

 

Tamén analiza o conxunto da figura de Afonso X: os seus avatares políticos, a súa obra cultural e mesmo achega detalles sobre o pasado medieval galego a través de documentos, testemuños arqueolóxicos, literarios e musicais. 

 

Distribuir contido


by Dr. Radut