Visita ao Concello de Lugo

Alumnado de 1º ESO do IES Nosa Señora dos Ollos Grandes visitou o Concello de Lugo. A actividade resultou moi didáctica e entretida.

Despois dunha breve información sobre a importancia da nosa Muralla e os escudos das 4 provincias de Galicia gravados nas cristaleiras que puidemos ver subindo as escaleiras da casa do concello, chegamos ao Salón de plenos.

Alí o noso alumnado reconvertidos en concelleiros e alcalde debateron as necesidades de Lugo no ámbito do ocio e o deporte. Ideas que houbo que votar para poder chegar a un consenso.