Alumnado de 2º ESO A do IES Nosa Señora dos Ollos Grandes participou na actividade "Fálame da emigración" en colaboración con Afundación, obra social de Abanca.
Nesta primeira sesión recibimos a varias persoas da terceira idade que relataron as súas experiencias como emigrantes en diferentes países de Europa e América. Fomos partícipes de vivencias moi duras que compartiron con nós e que nos fixeron reflexionar sobre a emigración galega como feito significativo da nosa historia.
Na segunda parte (que celebraremos máis adiante) serán os nosos alumnos os que relatarán as experiencias de emigrantes das súas familias despois dunha investigación que están realizando.