Dinamización Lingüística
Departamento de Dinamización Lingüística
ENTROIDO 2023
|
E case sen darnos conta chegou o Entroido e os nosos rapaces de 1º da ESO puxéronse a traballar e a buscar información sobre o Entroido na zona e en Galicia. Os moi lambonciños preguntaron nas súas casas por receitas típicas desta época do ano. Ademais como este curso contamos con alumnado procedente doutros países tamén soubemos como se celebra o Entroido en Colombia e Perú... e cales son os pratos típicos desta época. O alumnado de 2º, 3º,4º da ESO e 1º de BAC elaborarou coplas e así soubemos dos seus amores e desamores, houbo crítica social e como non podía faltar tamén de fútbol. Unha vez rematados os traballos expuxéronos na columna grande da entrada e polos corredores do IES coa axuda do alumnado de 1º FPB e de Reforzo de Lingua. Pasados uns días estes traballos expuxéronse no Taboleiro das Verbas onde permanecerán todo o curso. |
|
 |
 |
ENTREGA DE PREMIOS DO EDLG
 |
|
ENTREGA DE PREMIOS DO EDLG
O día vinte e dous de decembro de 2022, fíxose entrega dos premios acadados durante o primeiro trimestre nos distintos concursos que o convocou o EDLG en colaboración co departamento de L. Galega e L. e co Grupo de Traballo da Biblioteca. Os xurados que se reuniron para valorar os traballos presentados a estes concursos estaban formados por dous profesores, dous alumnos (que non participaban no concurso) un membro do persoal non docente e a coordinadora do EDLG que actuou como secretaria con voz pero sen voto. Estes xurados tiveron moi difícil a escolla dada a calidade dos traballos presentados.
As postais presentadas ó concurso expuxéronse nun taboleiro na entrada principal do IES. Na montaxe do taboleiro participaron catro alumnas de 2ª de BAC
|
 |
 |
| Noraboa a Iria Vázquez López de 3º ESO A que gañou o primeiro premio do concurso de Relatos de Terror | Noraboa a Nerea Fernández Gómez de 1º BAC A que gañou o segundo premio do Concurso de Relatos de Terror e o terceiro premio do concurso de Relatos de Nadal |
 |
 |
| Noraboa a Sergio Otero Castro de FPB1 que gañou o terceiro premio do Concurso de Relatos de Terror | Noraboa a Thais Otero Veiga de 1º ESO A que gañou o primeiro premio do Concurso de Postais de Nadal |
 |
 |
| Noraboa a Xiana Fernández Fente de 3º ESO A que conseguiu dous premios:o primeiro de Relatos de Nadal e o segundo de Postais de Nadal | Noraboa a Lucas Díaz Ledo de 3ºESO A que levou o segundo premio do concurso de Relatos de Nadal |
 |
 |
| A postal que gañou o primeiro premio do Concurso de Nadal |
 |
 |
| Postal que gañou o segundo premio |
Revista Escolar do curso 2021-2022 A Leira dos Trasnos
Temos o pracer de anunciar a saída da revista deste curso escolar. Preme na imaxe da portada para descargala.
Gañadores do concurso de Videopoemas
O noso alumnado, acostumado xa a participar en todas as actividades propostas polo EDLG, presentou uns videopoemas preciosos ó Concurso de videopoemas sobre composicións poéticas de Rosalía de Castro, Florencio Delgado Gurriarán ou calquera outro autor ou autora da literatura galega. Dada a calidade e a cantidade de traballos presentados o noso xurado tivo moi difícil a escolla. Ó final o alumando gañador foi Naiara Fernández Conde de 3º da ESO B e Hugo Diéguez Gómez de 2º da ESO A.
Microtoponimia
Dentro da situación sociolingüística do galego e tendo en conta o desarraigo da poboación máis nova a profesora de prácticas, Andrea Santiso, impartiu en 1º da ESO A unha unidade didáctica sobre microtoponimia.
Como o noso alumnado procede da zona rural foi fácil que trouxeran unha choiva de microtopónimos (nome de leiras, prados, chousas, fontes, camiños...) para a posterior introdución deses nomes na aplicación Galicia Nomeada, unha plataforma colaborativa para a colección, xeorreferenciación e difusión da microtoponimia galega.
O seguinte paso foi xogar a ser filólogos e completar unha ficha microtoponímica.
Despois o alumnado, a xeito de simulación, tivo que visitar o lugar xeográfico en que se atopa un dos seus microtopónimos seleccionados e realizar unha reportaxe na que figurase a seguinte información: nome propio, nome do microtopónimo, lugar, parroquia, concello e provincia en que se atopa, descricións semántica e etimolóxica do nome e outra información que se considerase interesante.
Por último cada alumno deseñou un cartel sinalizador dun microtopónimo da súa escolla. Para isto, empregouse a aplicación Canva, que permite realizar deseños gráficos online sen a necesidade de ter unha conta creada.
O final expuxéronse os carteis no “Curruncho das verbas” e fixemos esta foto.
Celebración do Día das Letras Galegas e actuación musical de Falcatrueiros
Este venres 13 de maio, e con motivo do Día das Letras Galegas do 17 de maio, os alumnos Nerea Gómez Fernández de 4º da ESO A e Rodrigo Otero Pardo de 3º da ESO B deron unha pequena conferencia sobre Florencio Delgado Gurriarán.
A continuación a Asociación Falcatrueiros de Monterroso interpretou pezas musicais en galego (dáse a casualidade que os membros da asociación que actuaron son alumnado do IES de Monterroso)
Cun tempo inmellorable, todo o alumnado do centro desfrutou da actuación.
 |
 |
 |
 |
Seguimos celebrando as nosas Letras
Como todos os anos, a Consellería de Educación enviou uns carteis sobre o autor ó que se lle adica o Día, este ano a Florencio Delgado Gurriarán. Fíxose unha exposición con estes carteis e o noso alumnado foi buscar alí información para realizar os traballos que as profes de galego lle pediron.
Concurso de videopoemas
Concurso de videopoemas sobre composicións poéticas de Rosalía de Castro, Florencio Delgado Gurriarán ou calquera outro autor ou autora da literatura galega.
Concurso destinado a todo o alumnado do IES. A participar individualmente ou en grupo.
TEMÁTICA
Os videopoemas consistirán nunha presentación dixital ou vídeo baseado nunha composición poética en galego de Rosalía, Florencio Delgado Gurriarán ou calquera outro poeta galego. O poema deberá aparecer nalgún momento, ben sexa impreso, recitado ou en calquera outra opción que se considere.
FORMATO
Os videopoemas presentaranse preferiblemente en formato MP4 e non poderán superar os 3 minutos, incluídos créditos se os houber. As obras deben ser orixinais e inéditas. En caso de usar música, textos ou imaxes alleas, deberán ser materiais libres de dereitos de autor.
PRAZOS
O alumnado participante deberá enviar o seu traballo antes do 20 de maio, por correo electrónico, ó enderezo edlgmonterroso@gmail.com
No corpo da mensaxe deben sinalar o título do videopoema, a persoa autora ou autoras e o curso no que están.
PREMIOS
Os dous mellores traballos presentados recibirán un vale de 40 euros para mercar libros ou material en lingua galega.
Os premios son únicos, independentemente do número de persoas que participen na realización dos videopoemas premiados.
Comezou o mes de maio e con el as celebracións das Letras Galegas
O día cinco tivemos o pracer de ter con nós ó escritor Xosé Luís Vázquez Somoza, autor de O conserxe, libro que este curso lemos en 4º da ESO, e nos clubs de lectura de terceiro da ESO, de 2º da ESO e de adultos. O autor falou da súa obra e respondeu a todas cantas preguntas se lle formularon. O tempo pasou voando e conferencia fíxose moi curta. Agardamos telo outra vez con nós e poder seguir charlando con el.
Xosé Luís Vázquez Somoza é catedrático de L. Galega e L. e exerce de profesor no IES Lucus Augusti de Lugo, do que foi Director.
E, aparte de ser un gran escritor, é unha persoa que irradia moita paz e da que hai que destacar a súa faceta humana.
Concurso de Recitado poético "Rosalía Sempre Viva"
O día dezanove de marzo de 2022 as alumnas Sandra García Janeiro de 3º ESO B e Gema Vázquez Rodríguez de 3º da ESO B participaron na 6ª edición do concurso de recitado poético “Rosalía Sempre Viva” que se celebrou na Casa-Museo de Manuel María. Estiveron acompañadas da profesora Marta Cobas e das súas respectivas familias.
@BiblioIESMonterroso
