Dinamización Lingüística

Departamento de Dinamización Lingüística

Revista Escolar do curso 2022-2023 A Leira dos Trasnos

Temos o pracer de anunciar a saída da revista do curso escolar 2022-2023. Preme na imaxe da portada para descargala.

 

Revista

Camiño de Santiago

Un ano máis o EDLG remata as súas actividades o día oito de xuño coa realización dunha etapa do Camiño de Santiago. Esta é unha actividade plurianual e interdisciplinar.O curso pasado  chegamos a Santiago de Compostela e este ano volvemos a comezar e fixemos a etapa Cebreiro –Triacastela. Unha etapa tan fermosa como difícil na que os nosos  alumnos puideron coñecer o galego do bloque Oriental “in situ”, a súa vexetación, flora, fauna, as construcións (casas, igrexas, pallozas, hórreos...) 

 

Día das letras galegas


Comezou o mes de maio e con el as celebracións das LETRAS GALEGAS.

Todos os anos a Consellería de Educación envía uns carteis sobre o autor ó que se lle dedica o Día das Letras Galegas, este ano Francisco Fernández del Riego. Fíxose unha exposición con estes carteis e o noso alumnado buscou alí información para realizar os traballos que as profesoras de Lingua lles pediron.

O alumnado de 1º da ESO elaborou uns  carteis preciosos coa intención de normalizar e dignificar o uso do galego. Estes carteis expuxéronse na entrada do centro e polos corredores.

O alumnado de FPB1 homenaxeou a Francisco Fernández del Riego elaborando uns carteis sobre a súa vida e a súa obra.

O alumnado de 2º de BAC realizou unhas caricaturas de Fernández del Riego  que se expuxeron polos corredores do centro.

Para coñecer un pouco máis o autor ó que se lle dedica este ano o Día das Letras Galegas, Francisco Fernández del Riego, algúns alumnos de 2º da ESO (Reforzo) fixeron unha representación lida da obra de teatro de Eva Mejuto:  As cousas de don Paco,  na que os protagonistas son os obxectos  que acompañaron a  don Paco  en distintas etapas da súa vida. 

Encontro en Santiago coa escritora Rocío Leira

O día dezasete de abril o alumnado que participa nos clubs de lectura de 1º e 3º da ESO   asistiu en Santiago de Compostela a un encontro coa escritora Rocío Leira. Na organización desta actividade participaron o EDLG e  Grupo de Traballo da Biblioteca en colaboración co IES do Camiño de  Palas De Rei.

Club de Lectura

O día dezasete de abril o alumnado que participa nos clubs de lectura de 1º e 3º da ESO irá  a Santiago de Compostela  para ter un encontro coa escritora Rocío Leira. Colabora o EDLG e o Grupo de Traballo da Biblioteca. Nesta actividade participa tamén o IES do Camiño de  Palas De Rei.

Club de lectura 3ºESO Club de lectura 2ºESO

DÍA DE ROSALÍA

O vinte e tres de febreiro de 1837 nacía en Santiago de Compostela Rosalía de Castro, a mestra do Rexurdimento, a escritora das escritoras e autora da primeira obra impresa escrita en galego.  Por este motivo se institucionalizou o Día de Rosalía  e no IES de Monterroso celebrámolo  cun recital de poemas desta autora. Recitaron os poemas  alumnos de 3º e 1º da ESO.

CONCURSO DE RECITADO POÉTICO ROSALÍA SEMPRE VIVA.

O día once  de marzo de 2023 as alumnas Sandra García Janeiro   e  Iria Leiro Guerra de 4º da ESO   participaron na 7ª edición do concurso de recitado poético “Rosalía Sempre Viva” que se celebrou na Casa-Museo de Manuel María. Estiveron acompañadas da profesora de Lingua Galega e das súas respectivas familias.

Iria Leiro Guerra Sandra García Janeiro

ENTROIDO 2023

E case sen darnos conta chegou o Entroido e os nosos rapaces de 1º da ESO puxéronse a traballar e a buscar información sobre o Entroido na zona e en Galicia. Os moi lambonciños preguntaron nas súas casas por receitas típicas desta época do ano. Ademais  como este curso contamos con alumnado procedente doutros países tamén soubemos como se celebra o Entroido en Colombia e Perú... e cales son os pratos típicos desta época.

O alumnado de 2º, 3º,4º da ESO e 1º de BAC elaborarou coplas e así soubemos dos seus amores e desamores,  houbo crítica social e como non podía faltar tamén  de fútbol.

Unha vez rematados os traballos expuxéronos na columna grande da entrada e polos corredores do IES coa axuda do alumnado de 1º FPB e de Reforzo de Lingua. Pasados uns días estes traballos expuxéronse no Taboleiro das Verbas onde permanecerán todo o curso.

ENTREGA DE PREMIOS DO EDLG

ENTREGA DE PREMIOS DO EDLG

 

O día vinte e dous de decembro de 2022, fíxose entrega dos premios acadados durante o primeiro trimestre nos distintos concursos

que o convocou o EDLG en colaboración co departamento de L. Galega e L. e co Grupo de Traballo da Biblioteca.

Os xurados que se reuniron para valorar os traballos presentados a estes concursos estaban formados por dous profesores, dous

alumnos (que non participaban no concurso) un membro do persoal non docente e a coordinadora do EDLG que actuou como

secretaria con voz pero sen voto. Estes xurados tiveron moi difícil a escolla dada a calidade dos traballos presentados.

  • A alumna Iria Vázquez López de 3º ESO A acadou o 1º premio do Concurso Relatos de Terror.

  • A alumna Nerea Fernández Gómez  de 1ª BAC A acadou DOUS premios: o segundo premio do concurso de Relatos de Terror e o 3ª premio do Concurso de Relatos de Nadal.

  • O terceiro premio do Concurso de Relatos de Terror foi para Sergio Otero Castro de FPB1

  • O primeiro premio do Concurso de Postais de Nadal gañouno Thais Otero Veiga de 1ª ESO A

  • Xiana Fernández Fente de 3º da ESO A conseguiu dous premios: o primeiro do Concurso de Relatos de Nadal e o segundo do Concurso de Postais de Nadal.

  • O alumno Lucas Díaz Ledo de 3º ESO A levou o 2º premio no Concurso de Relatos de Nadal.

 

As postais presentadas ó concurso expuxéronse nun taboleiro na entrada principal do IES. Na montaxe do taboleiro participaron catro alumnas de 2ª de BAC

 

 

Noraboa a Iria Vázquez López de 3º ESO A que gañou o primeiro premio do concurso de Relatos de Terror Noraboa a Nerea Fernández Gómez de 1º BAC A que gañou o segundo premio do Concurso de Relatos de Terror e o terceiro premio do concurso de Relatos de Nadal
Noraboa a Sergio Otero Castro de FPB1 que gañou o terceiro premio do Concurso de Relatos de Terror Noraboa a Thais Otero Veiga de 1º ESO A que gañou o primeiro premio do Concurso de Postais de Nadal
Noraboa a Xiana Fernández Fente de 3º ESO A que conseguiu dous premios:o primeiro de Relatos de Nadal e o segundo de Postais de Nadal Noraboa a Lucas Díaz Ledo de 3ºESO A que levou o segundo premio do concurso de Relatos de Nadal
A postal que gañou o primeiro premio do Concurso de Nadal
Postal que gañou o segundo premio 

 

 

Revista Escolar do curso 2021-2022 A Leira dos Trasnos

Temos o pracer de anunciar a saída da revista deste curso escolar. Preme na imaxe da portada para descargala.

 

Revista escolar a Leira dos Trasnos. Curso: 2022-2023

Distribuir contido