Clasificados para a final nacional do concurso "Young Business Talents"

Un grupo de alumnos e alumnas de 2º de Bacharelato do noso centro, formado por María Caamaño, Lucía Senande, Fabio Olveira e Lucía Fernández, acadou a clasificación para a final nacional do concurso "Young Business Talents". Esta clasificación acadouse despois de competir con outros centros de toda España, e consiste na xestión virtual dunha empresa.

A final será no mes de maio en Madrid, se a situación sanitaria o permite.

Este concurso forma parte da asignatura Fundamentos de Administración e Xestión, impartida polo profesor Daniel Rodríguez, dentro do Departamento de Economía do centro, que dirixe Fernando Pérez.

Parabéns pola clasificación acadada!!!