|
 
O mércores 5 de decembro o alumnado de 1º ciclo de ESO acudiu ao Auditorio de Valga para asistir a un espectáculo baseado na obra teatral "O Valo" de Carlos Labraña, gañadora do IX premio Manuel María de Literatura Dramática Infantil. A obra, que foi representada pola compañía Xoré Teatro, é unha homenaxe aos máis de cinco millóns de persoas que tiveron que aboandonar o seu fogar a causa da guerra de Siria e buscar refuxio noutros lugares. A actividade foi organizada polo Equipo de Dinamización da Lingua Galega.
|
|
| |
|
|
O día 23 de novembro o alumnado de 3º, 4º ESO e 1º Bacharelato acudiu ao Auditorio de Valga para ver a obra de teatro "PEMENTEIRAS" da compañía XORÉ TEATRO. Con esta obra prenténdese potenciar a igualdade a través do empoderamento feminino. A historia está contextualizada no traballo das pementeiras de Herbón, aínda que se pode extrapolar ao resto de mulleres galegas que traballan en explotacións gandeiras e agrarias para axudarlles a recoñecer o seu labor e deste xeito conseguir que sexa máis valorado pola sociedade e por elas mesmas. A actividade foi organizada polo Equipo de Dinamización da Lingua Galega.
|
|
| |
|
|
 O Equipo de Dinamización da Lingua Galega do IES de Valga convoca o VI Concurso de Fotografía. O tema nesta edición será libre. Poderán participar alumnado, profesorado e persoal non docente do IES de Valga. A data límite de entrega será o 15 de decembro.
|
|
| |
|
|
  "Historias de defuntos e outros asuntos" é o título do espectáculo que nos trouxo hoxe ao IES de Valga Brais das Hortas,actor da compañía Tropa de trapo. Un espectáculo moi axeitado para este Día de Samaín no que recrea lendas e contos tradicionais arredor do tema da morte. A esta actividade, organizada polo Equipo de Dinamización Lingüística, asistiu alumnado de 3º ESO e 1º Bacharelato.
QUE DURMADES BEN ESTA NOITE!!!
Se queredes saber máis sobre esta tradición celta que se está a recuperar en Galicia ledeaquí :
https://portaldaspalabras.gal/lexico/mira-que-din/samain/
|
|
| |
|
|
 O 5 de marzo o Equipo de Dinamización da Lingua Galega realizou unha nova viaxe dentro do seu proxecto COÑECENDO GALICIA. Nesta ocasión o alumnado de 3º ESO desprazouse ata Celanova para realizar un roteiro literario e artístico organizado pola Fundación Curros Enríquez. Foron moitos e moi interesantes os lugares visitados como A casa dos Poetas, casa natal de Curros Enríquez; o Mosteiro de San Rosendo, do que nos impresionaron os altares de folla de ouro, a sacristía, o coro, o órgano…; a Capela de San Miguel, unha fermosa e pequena capela mozárabe construída no século X ;a celana que o poeta Celso Emilio Ferreiro escribiu o coñecido poema “Longa noite de pedra”; a espléndida biblioteca do IES de Celanova; ou a aldea medieval de Vilanova dos Infantes, onde visitamosa Torre da Homenaxe e a Cova de San Vivián. Paula, a guía que nos acompañou en todo momento, foi quen fixo posible que esta experiencia fose tan interesante e didáctica para todos nós.
Máis información:
https://gl.wikipedia.org/wiki/Vilanova_dos_Infantes,_Celanova
https://gl.wikipedia.org/wiki/Mosteiro_de_San_Salvador_de_Celanova
http://www.currosenriquez.es/
|
|
| |
|
