Exposición de maquetas na Biblioteca do IES de Valga

   Na Biblioteca do noso Centro e, ata o día 27 de xuño, pódese contemplar unha exposición de maquetas que durante este curso se foron realizando na materia de Tecnoloxía. Alumnado de 2º, 3º e 4º ESO desta disciplina realizaron un proxecto na aula de Tecnoloxía con diferentes materiais. As maquetas son de coches, coches rato, muíño de vento, brazo escavador hidráulico, barca con motor a vapor e vehículo hidráulico. Para a realización deste proxecto pasaron por tres fases: planificación; deseños dos prototipos e a construción das maquetas. A exposición complétase cuns carteis onde aparece unha breve explicación dos traballos realizados.