O alumnado de 2º ESO visitou a cidade de Lugo, na que realizou unha Xincana Literaria no Museo Provincial e coñeceu "A Domus do Mitreo- Museo Universitario", somerxéndose no Lucus Augusti de fai dous mil anos. A viaxe completouse cunha visita guiada á Casa museo de Manuel María no concello de Outeiro de Rei. Foron acompañados polo profesorado Ana Castro, Lucía Gómez, Avel Turnes e Esteban Fernández. A actividade foi organizada polo departamento de Lingua e Literatura Galega.
