O luns 27 de febreiro desenvolveuse un taller teórico práctico de primeiros auxilios para o alumnado de 1º dos Ciclos Formativos de Soldadura e Caldeiraría e de Construcións Metálicas, en réxime ordinario, dual e adultos, en horario de 16.30 a 18.30.
A finalidade foi proporcionar coñecementos básicos de primeiros auxilios, que identifique situacións de emerxencia e mellore as súas destrezas na aplicación das mesmas. Por outra banda, aproveitouse a xornada para amosar o desfibrilador adquirido polo centro e difundir o protocolo do soporte vital básico e instrucións de uso do mesmo.
A actividade, foi organizada polo Departamento de Formación e Orientación Laboral e o profesorado do grupo de traballo que está a formarse e traballar en relación coas posibles situación de emerxencia e protocolos para as mesmas no centro educativo, desenvolvendo a mesma coa colaboración de Purificación Martínez Cobas, Técnica Superior en Prevención de Riscos Laborais de ASIME.
