O alumnado de 2º de ESO participou nun Obradoiro de Baile Tradicional Galego nas súas horas de Educación Física os días 23 e 25 de novembro.

Miguel Barbazán, ex-alumno do instituto e membro da Asociación Cultural Cantigas e Agarimos foi o mestre deste Obradoiro.

O alumnado aprendeu, dun xeito práctico, dous dos bailes "soltos" máis característicos galegos, muiñeira e maneo.

Fixemos exercicio, pasámolo ben e aprendimos algo novo da nosa cultura!

Parabéns aos participantes e a poñer o aprendido en práctica nas foliadas, en canto a Covid nos deixe.

Podedes ver a galería completa de imaxes nestes enlaces:

• 2º ESO A
• 2º ESO B
• 2º ESO C

O IES de Brión  Súmase a iniciativa BRIÓN EN NEGRO CONTRA A VIOLENCIA MACHISTA .O dia 25N convidamos a toda a comunidade educativa a vir vestida de negro, co obxectivo de amosar publicamente a nosa repulsa contra a violencia machista.

Co lema   “Se é amor, non doe"    dende a Biblioteca fíxose  unha selección de lecturas que están  á nosa disposición.Escolleuse  tamén  unha serie de curtas en varias linguas, pois a violencia contra as muleres está presente en todas as sociedades e culturas..  O mércores visionaránse  na biblioteca. 

Tamén sumouse co cancelo #BibliotecasSTOPViolencia para visibilizar as iniciativas deste día.

O cartaz e selección de curtas

https://bibliobrion.blogspot.com/2020/11/25-novembro-dia-internacional-contra.html

Como estabamos a traballar co Origami,  engadimos  a esta iniciativa

Navega en igualdade, fai o teu barquiño:  https://bibliobrion.blogspot.com/2020/11/navega-en-igualdade-fai-tua-barquina-de.html

 Dende o Equipo de Normalización lingüística  convocouse   un concurso de HAIKUS (1º, 2º e 3º ESO)  e MICRORRELATOS (4º ESO e BACH) co lema 25 novembro VIOLENCIA = 0

VER CARTAZ

Dende o Departamento de Orientación, traballarase   co alumnado de 3º e 4º de ESO nas  horas de titoría  os distintos tipos de violencia de xénero e os  mitos do amor romántico.

 NON TES DISCULPA PARA NON SUMARTE 

 PARTICIPA NALGUNHA DAS ACTIVIDADES PROGRAMADAS

 Comezamos coas actividades do noso club de lectura. Se queres compartir lecturas con nós, xa sabes, anótate nesta ligazón antes do 28 de outubro. Este ano teremos grupos reducidos, así que non te demores, as prazas son limitadas!

Comunicado do Claustro de profesorado do  IES de Brión reclamando medidas para unha adecuada planificacion do curso 20/21 en situación de Pandemia:

DESCARGAR ARQUIVO

Este ano o IES de Brión comezou a súa andaina dentro do Plan Proxecta Aliméntate Ben.  A través da inclusión no proxecta, buscábase iniciar ao alumnado e á comunidade educativa nunha educación e cultura alimentaria que fixera reflexionar e concienciar sobre a importancia dos hábitos alimentarios, non só dende un punto de vista saudable senón responsable co medio natural.

Entre as actividades realizadas:

·        Gravación dun programa de radio co alumnado de 1º de Bacharelato de Anatomía  Aplicada cun debate cuxa temática foi  "Alimentación natural fronte a comida rápida".: https://radiodoiesdebrion.wordpress.com/

·        Almorzo saudable co alumnado de 2º de Bacharelato. Ver na ligazón https://www.edu.xunta.gal/centros/iesbrion/node/3185

Viñetas de banda deseñada sobre hábitos e alimentación saudable co alumnado de 1º da ESO na materia de EPVA. (Accede dende o botón).

Algunhas das nosas actividades víronse truncadas debido á suspensión das clases, mais iso non foi escusa para  non seguir traballando contidos relacionados coa alimentación e os hábitos saudables a través da rede. Polo que durante o confinamento aproveitamos para elaborar pratos ricos e saudables.

·       

Almorzo, xantares e merendas saudables, elaboradas polo alumnado de 2º da ESO de Promoción de Estilos de Vida Saudable. Ver na ligazón https://www.youtube.com/watch?v=xdL57STnewU

·       

Pirámides saudable,  construídas polo alumnado de Promoción de Estilos de Vida Saudable. Ver na ligazón https://www.youtube.com/watch?v=Lb0fsMdARHQ

·       

Receitario cunha escolma de pratos saudables, ricos e moi saborosos elaborados polo alumnado de 1º de Bacharelato na materia de Educación Física. (Accede dende o botón).

Podedes consultar todas as receitas na canle de YouTube “AliméntateBen Brión”

https://www.youtube.com/channel/UC3SRAdSKIRjnAIKDIb3hb5Q/videos

Merca Produtos de Proximidade, Consume Alimentos de Tempada, Recicla, Reutiliza, Coida o Planeta...

Dende o IES de Brión queremos coñecer a escolla de optativas do noso alumnado para o curso 20-21; para iso poñemos á vosa disposición o seguinte formulario de prematrícula. Por favor, cubrídeo e enviádeo antes do xoves, día 11 ás 15 h. Para acceder pediravos a vosa conta de correo iesbrion.

Poñede atención, tede en conta que a vosa escolla determinará a configuración dos itinerarios do curso que ven.

Orde do 12 de maio de 2020, DOG Núm. 96 (19/05/20) (xúntase pdf do DOG coa convocatoria)

Prazo.- ata o 19 de xuño de 2020 incluído.

Beneficiarios/as.-

     -Axudas para material escolar: alumnado matriculado en ESO.

     -Fondo solidario de libros: alumnado matriculado 3º e 4º ESO (o alumnado de 1º e 2º ESO está acollido ao programa EDIXGAL).

Documentación necesaria.-

    -Impreso de solicitude ED330B (Anexos I e II): (xúntase impreso solicitude pdf e instrucións para cubrila)

    -Copia de documento que acredite a unidade familiar (a data 31/12/2018): Libro de familia, sentenza de divorcio/convenio regulador, ou no seu defecto certificado de convivencia expedido polo Concello correspondente.

    -Se é o caso: Certificado do grao de discapacidade do alumno ou calquera membro da familia. Documentación xustificativa de situación de violencia de xénero. Resolución de acollemento de alumnado en situación de tutela da Xunta de Galicia.

Forma de presentación de solicitudes.

    -Preferentemente a través da aplicación FONDOLIBROS.Unha vez cubertos os datos, a aplicación xera unha solicitude numerada que poderán presentar:

    -Na Sede Electrónica da Xunta de Galicia:  ACCESO SEDE ELECTRÓNICA

    -Presencialmente no centro educativo.

    -En caso de non ter acceso á aplicación Fondolibros, poderán presentarse solicitudes cubertas manualmente no propio centro, así como en calquera dos lugares e rexistros establecidos na normativa reguladora do procedemento administrativo.

Seguindo as indicacións da Consellería de Educación e por mor da situación excepcional que estamos a vivir, o Departamento de Educación Física presentamos á comunidade educativa as modificacións da programación das distintas materias e cursos.

Premendo nos arquivos adxuntos, poderedes atopar as seguintes modificacións:

- 1º ESO Educación Física

- 2º ESO Educación Física

- 2º ESO Sección Bilingüe (en inglés) Educación Física

- 2º ESO Promoción Estilos de Vida Saudable

- 3º ESO Educación Física

- 3º ESO Sección Bilingüe (en inglés) Educación Física

- 4º ESO Educación Física

- 1º Bacharelato Educación Física.

Un curso máis, mesmo nestas circunstancias tan extraordinarias, celebramos no IES de Brión o día Internacional das rapazas nas TIC, participando nunha multiconferencia web, organizada pola aula e-learning do CESGA, na que coñecimos a catro mulleres galegas excepcionais que traballan e investigan en ámbitos relacionados coas Novas Tecnoloxías: Amparo Alonso Betanzos, Isabel Expósito Pérez, María Fernández Hermida, Patricia Mañana Borrazás.

Desde o IES tamén participamos na 4ª edición de Wisibilízalas, convocatoria do Departamento ETIC da Universidade Pompeu Fabra que presenta os seguintes obxectivos:

• Romper estereotipos de xénero asociados a carreiras STEM.

• Potenciar referentes femininos actuais que servan de inspiración as máis xóvenes.

• Promocionar o uso da tecnoloxía e o traballo en grupo mediante a creación de páxinas web.

STEAM MATES é a páxina creada por alumnado das materias de Debuxo Técnico e e TIC de 1º de Bacharelato, na que presentamos a un grupo de científicas e enxeñeiras galegas ou que traballan en Galicia: Elena Vázquez, Mar Capeáns, Ana María González, Joana Silva, Mabel Loza, María Pardo, María Rilo, Paula Ojea, Mónica Bugallo, Carmen Misa e Soledad Torres, ás que agradecemos a súa participación no proxecto.

Ambas actividades están enmarcadas no proxecto "STEAM en feminino" do Plan Proxecta "Rapazas emprendedoras nas TIC" no que participa o instituto.

A USC (Universidade de Santiago de Compostela) dentro do programa A Ponte está organizando para os días 6, 7 e 8 de abril uns Encontros virtuais orientados ao alumnado e as familias. Nestas xornadas realizaranse presentacións das titulacións (titulos de grao da USC), obradoiros, retos e videoconferencias. Pódese acceder a partir do sábado 4 de abril a través do seguinte enderezo https://www.usc.gal/gl/encontros-virtuais