Novas

ACTO DE GRADUACIÓN 2019

Enviado por centro o Dom, 09/06/2019 - 18:38

O pasado 24 de maio tivo lugar no IES de Brión o acto de graduación do alumnado de 2º de Bacharelato.

No acto fíxose entrega dun diploma acreditativo da concesión de Matrícula de Honra, así como varias Mencións Especiais a alumnado de excelente expediente académico.

Graduación

Desexámoslle moita sorte a todo o alumnado na nova etapa que comenzan.

WISIBILÍZALAS. ENTREGA DE PREMIOS

Enviado por admin o Lun, 03/06/2019 - 08:57

O pasado sábado 1 de xuño, unha representación do alumnado implicado no proxecto LuminísTICas recolleu en Barcelona o premio outorgado pola Universidade Pompeu Fabra a este proxecto de divulgación presentado á 3ª edición de Wisibilízalas.

Entrega de premios Wisibilízalas

O acto, ao que asistiron Alba Muñiz Lesta, Victor Sloth Sixto Poulsen e Daniel Souto Pazó acompañados pola profesora Luz Ramos López, foi retrasmitido en streaming para todas aquelas persoas interesadas que non puidesen achegarse ao mesmo.

No acto de entrega do premio, a profesora Ana Freire, profesora de enxeñería e organizadora deste certame, destacou de entre as impresións do xurado a gran orixinalidade da páxina web elaborada polo noso alumnado.

Agradeceu o premio a alumna de 1º de Bacharelato Alba Muñiz nunha breve intervención na que destacou o caracter colaborativo e interdisciplinar do proxecto.

Exposición Ovos literarios

Enviado por Anónimo o Lun, 27/05/2019 - 11:49

Todo el alumnado del IES Brión, desde 1º ESO hasta 1º BACH, han participado en esta recreación de distintas obras literarias, con los huevos como material fundamental. Todos los departamentos de lenguas se han implicado bajo la guía de nuestra compañera Paché. E incluso nuestros futuros alumnos del Pedrouzos nos han hecho una visita para ver su trabajo.

"MAIS EU NON SON EU" OBTÉN O PREMIO ZAMBURRIOI NO FESTIVAL OLLOBOI

Enviado por admin o Ven, 17/05/2019 - 22:55

A curtametraxe "Mais eu non son eu" obtivo o premio especial Zamburrioi, máximo galardón otourgado polo Festival Audiovisual Escolar Olloboi. A cinta resultou escollida polo xurado do festival entre os 40 traballos finalistas.

O premio foi recollido por membros do equipo de cine do IES de Brión na IX edición deste festival, celebrada nos Asteleiros Triñanes, en Cabo de Cruz, onde Quico Cadaval exerceu de mestre de ceremonias.

Parabéns ao alumnado participante no proxecto e á súa directora Ana Cadenas.

Accede a máis información sobre a actual edición do fectival na web de Olloboi

Accede  á curtametraxe na web de Olloboi

Rafting no río Ulla

Enviado por carmengf o Mar, 14/05/2019 - 18:47

rafting no rio ulla

O pasado xoves 9 de maio, o alumnado de 1º de bacharelato acompañados pola profesora Carmen García e o profesor Carlos Freiría, puidemos desfrutar dunha xornada de rafting no río Ulla.

Aínda que o tempo non acompañaba, a actividade puido desenvolverse con normalidade e todos pasamos un bo rato. O descenso polo río durou aproximadamente hora e media na que fixemos distintos xogos como baixar por un rápido a nado ou saltar desde una gran pedra.

Foi un día xenial!

Tania García e Antía Cunqueiro, 1º Bacharelato A

NOTA: Podedes ver todas as fotos premendo aquí.

Blog trip to London

Enviado por carmengf o Mar, 14/05/2019 - 18:27

Se queres seguir as viaxes a Londres do alumnado das Seccións Bilingües (en inglés) de Educación Física, bótalle unha ollada ao blog da viaxe, premendo na imaxe.

Logo blog trip to London

1º B colabora con el Santuario Gaia

Enviado por Anónimo o Ven, 03/05/2019 - 09:46

El grupo de 1ºB de ESO ha apadrinado a Sonia, una jabalí del Santuario Gaia (www.fundacionsantuariogaia.org). Con ello no sólo colaboran con la gran labor que se realiza desde esa asociación, sino que desarrollan su sentido de la generosidad y de la iniciativa. La revolución también se puede hacer con 12 años.

V COMPETICIÓN DE ROBOTS DA ESCOLA DE ENXEÑERÍA INDUSTRIAL DE VIGO

Enviado por centro o Mar, 30/04/2019 - 00:19

O pasado venres 26 de abril un total de 56 rapaces e rapazas do noso instituto participaron na "V Competición de Robots da EEI" organizada pola Escola de Enxeñería Industrial de Vigo, na que se chegou ao milleiro de estudantes.

Nesta ocasión participou alumnado de 2º de ESO que cursa a materia de Introdución á Robótica, de 4º de ESO que cursa Tecnoloxía e de 1º de Bacharelato con Tecnoloxía Industrial, chegando tres equipos á final e acadando un dos grupos de cuarto un 5º posto entre un total de 58 equipos que competían na súa categoría.

Accede ás novas da Competición:

Un milleiro de estudantes na V Competición de robots en Vigo, na TVG

171 equipos participaron na Competición de robots da UVigo, en Código Cero.

ADMISIÓN DE ALUMNADO. LISTAXES PROVISIONAIS

Enviado por admin o Xov, 25/04/2019 - 10:12

 Listaxes provisionais de alumnado admitido para o vindeiro curso 2019/20

1º ESO

3º ESO

4º ESO

1º Bach

2º Bach

O prazo de reclamacións é do 25 de abril ao venres 3 de maio.

MULLERES TIC. CONFERENCIAS

Enviado por centro o Ven, 05/04/2019 - 18:38

O xoves 4 de abril, Eva Cernadas, profesora de Enxeñería Informática da USC e investigadora no CITIUS, impartiu a conferencia "Informática visual aplicada á Medicina e á Bioloxía" na aula de usos múltiples do instituto para alumnado de 1º A de ESO e 1º de Bacharelato de TIC. A profesora Eva Cernadas xa colaborara con parte deste alumnado cunha entrevista para a páxina web Luminísticas.

Eva Cernadas falounos de mulleres e homes relevantes na historia da Informática, de linguaxes de programación e programas informáticos, píxeles, resolución, e outras cuestións técnicas sobre imaxe. Finalizou a súa conferencia amosándonos programas creados por ela mesma para a análise de imaxes, que se aplican nos campos da Mediciña e a Bioloxía.

A continuación impartiu un obradoiro para o alumnado de Bacharelato no que profundizou nas aplicacións creadas por ela e insistiu na importancia de considerar as aportacións á sociedade deste tipo de proxectos. Afondou asimesmo nas linguaxes de programación empregadas para crealas, nas súas características e especificidades. Explicou diferentes proxectos nos que participou e  conversou co alumnado sobre metodoloxías de traballo no campo das TIC e da Ciencia en xeral.

Por outra banda, o pasado venres 29 de marzo, a profesora Susana Ladra, directora do Campus Innova da UDC impartiu a Charla Divulgativa "A nosa pegada dixital en internet: canto saben de nós e para que o usan" para o alumnado de 4º de ESO.

Ambas actividades están organizadas ao abeiro do proxecto "Elas nas STEAM" co que o IES de Brión participa no programa Rapazas Emprendedoras nas TIC do Plan Proxecta.

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.